Declaración Institucional do Parlamento de Galicia sobre o Día mundial en lembranza das vítimas da violencia viaria

Declaración institucional do Parlamento de Galicia
 
O vindeiro día 21 de novembro conmemórase o Día mundial en lembranza das vítimas da violencia viaria.
 
O Parlamento de Galicia lembra ás vítimas dos sinistros de tráfico.
 
Coñecemos o drama que hai detrás de cada sinistro viario e queremos mobilizarnos para alcanzar o noso principal obxectivo: cero vítimas.
 
Entendemos a seguridade viaria desde o respecto, a educación, os valores e a solidariedade de toda a cidadanía.
Sabemos que aínda gran parte da sociedade non ten interiorizada a súa parte de responsabilidade dentro dos factores de risco e que só cos firmes compromisos cívicos, éticos e políticos de todos os actores sociais deteremos a tendencia á alza desta pandemia.
 
Manifestamos que a violencia viaria é un grave problema e a súa solución ten que ser prioritaria para o Estado, sendo responsabilidade de todos os gobernos implementar políticas de prevención multisectorial  en materia de seguridade viaria.

Santiago de Compostela, 10 de novembro de 2010
 

Imaxes relacionadas