Acordos da Comisión 6.ª, Industria, Enerxía, Comercio e Turismo, celebrada o 16 de marzo de 2017

A Comisión 6.ª, Industria, Enerxía, Comercio e Turismo, na súa sesión do 16 de marzo de 2017, adoptou os seguintes acordos:

 

 

 

Sométese a votación a transacción cunha emenda in voce proposta polo G.P. Popular de Galicia e resulta aprobada, con modificacións respecto do texto orixinal, pola unanimidade dos 12 deputados e deputadas presentes.

 

O texto aprobado é o seguinte:

 

"O Parlamento de Galicia insta a Xunta de Galicia a acometer as medidas necesarias para fomentar e protexer, dunha forma eficaz e duradeira, a competitividade do comercio de proximidade, en especial dos mercados e prazas de abastos de Galicia, de modo que sexan, non só canles da comercialización dos produtos locais e do país, senón tamén, beneficiarios das iniciativas que se desenvolvan neste sentido".

 

 

Sométese a votación a transacción coa emenda do G.P. dos Socialistas de Galicia doc. núm. 6722 e resulta aprobada, con modificacións respecto do texto orixinal, pola unanimidade dos 12 deputados e deputadas presentes.

 

O texto aprobado é o seguinte:

 

"O Parlamento de Galicia insta a Xunta de Galicia á posta en marcha de actuacións que permitan dotar de servizos de banda larga ultrarrápida a aqueles autónomos ou empresas illadas situadas no rural que se atopan en situación de desigualdade dixital fronte ás empresas das zonas máis urbanas".