A profesora Jacquelyn C. Campbell visita o Parlamento de Galicia

 
• A secretaria da Mesa da Cámara, Raquel Arias, recibiu á profesora da Universidade John Hopkins, investigadora sobre a violencia de xénero que onte recibiu o doutoramento “honoris causa” pola Universidade de Vigo

Santiago, 21 de xuño de 2018.- A secretaria da Mesa do Parlamento de Galicia, Raquel Arias, recibiu hoxe na Cámara á profesora Jacquelyn C. Campbell, recoñecida investigadora sobre a violencia de xénero da  Universidade John Hopkins (Baltimore, Estados Unidos) que onte foi nomeada doutora “honoris causa” pola Universidade de Vigo, nun acto celebrado por vez primeira no Campus de Ourense.
 
A profesora Campbell acudiu ao Parlamento de Galicia acompañada pola secretaria xeral de Igualdade da Xunta de Galicia, Susana López Abella, e pola profesora María Lameiras, que actuou de madriña da homenaxeada no acto de investidura domo doutora “honoris causa”, entre outras persoas.
 
Durante o encontro celebrado no Parlamento, Raquel Arias interesouse polo traballo da profesora Campbell e explicoulle a historia e o funcionamento da Cámara galega.
 
 
 
Saúdos, Gabinete de Comunicacion do Parlamento de Galicia.

Imaxes relacionadas