A Comisión 8ª, Pesca e Marisqueo, na súa sesión do 22 de novembro de 2019, adoptou os seguintes acordos:
Procedementos de control e impulso
Proposicións non de lei en Comisión
Aprobación por unanimidade sen modificacións
- 50139 (10/PNC-004061)
Grupo Parlamentario de En Marea
Miranda Pena, Flora María e Quinteiro Araújo, Paula
Sobre a defensa polo Goberno galego da necesidade de elaborar mecanismos de protección dos fondos mariños de Galicia, co fin de evitar a súa explotación incontrolada para a obtención de recursos mineiros que poidan poñer en risco a pesca e a sostibilidade medioambiental
BOPG n.º 483, do 05.06.2019
Sométese a votación e resulta aprobada sen modificacións pola unanimidade dos 11 deputados e deputadas presentes e con dereito a voto.
O texto aprobado é o seguinte:
"O Parlamento galego insta a Xunta de Galicia a defender a necesidade de elaborar mecanismos de protección dos fondos mariños de Galicia co obxectivo de evitar a súa explotación incontrolada para a obtención de recursos mineiros que poidan poñer en risco a nosa pesca e sustentabilidade medioambiental."
- 55224 (10/PNC-004387)
Grupo Parlamentario Popular de Galicia
Egerique Mosquera, Teresa e 6 máis
Sobre as demandas que debe realizar o Goberno galego ao Goberno central para o incremento das posibilidades de pesca do bonito e o alongamento da campaña desta especie, cando menos, ata o mes de setembro
BOPG n.º 533, do 18.09.2019
Sométese a votación e resulta aprobada sen modificacións pola unanimidade dos 11 deputados e deputadas presentes e con dereito a voto.
O texto aprobado é o seguinte:
"O Parlamento de Galicia insta a Xunta de Galicia a demandar do goberno Central que:
-Utilice os datos nos que aprecia que o bonito se atopa en boa situación biolóxica para reivindicar un incremento das posibilidades de pesca para esta especie.
-Estude unha mellor xestión e reparto de cota que posibilite alongar a campña de bonito, canto menos, ata o mes de setembro."
Parlamento de Galicia
.jpg)