O Parlamento de Galicia conxela as retribucións de deputados e deputadas para 2021

• A Mesa da Cámara aprobou hoxe o anteproxecto de Orzamentos do Parlamento para 2021, que reserva unha partida para comezar a obra de supresión de barreiras arquitectónicas e implantar medidas de eficiencia enerxética

Santiago, 17 de novembro de 2020.- A Mesa do Parlamento de Galicia aprobou hoxe, para a súa posterior remisión á Xunta, o anteproxecto de orzamentos da Cámara para o ano 2021, que conxela as retribucións de deputadas e deputados durante o vindeiro exercicio, mantendo así o réxime económico fixado a comezos da actual Lexislatura.

O anteproxecto de Orzamentos do Parlamento de Galicia para 2021 ascende a 18.612.000 euros, o que supón un incremento do 0,97% respecto aos de 2020 (178.500 euros).

Increméntase o capítulo 6, de investimentos reais, coa finalidade de comezar as obras de mellora dos accesos do edificio para suprimir as barreiras arquitectónicas e tamén para implantar novas medidas de eficiencia enerxética.

As retribucións do persoal rexistrarán un incremento do 0,9%, que se corresponde co fixado polo Goberno central para os empregados públicos no Proxecto de Orzamentos Xerais do Estado para 2021.

Saúdos, Gabinete de Comunicación.