Proposicións non de lei aprobadas polo Pleno do Parlamento de Galicia o 8 de febreiro de 2022

  

 
3.3 12938 (11/PNP-001274)
Grupo Parlamentario Popular de Galicia
Nóvoa Iglesias, Marta e 6 máis
Sobre as demandas que debe realizar o Goberno galego ao Goberno central en relación coa industria electrointensiva
Publicación da iniciativa, BOPG n.º 115, do 24.03.2021

 

O texto aprobado é o seguinte:

 

“O Parlamento de Galicia insta á Xunta de Galicia a demandar ao Goberno de España en favor da industria electrointensiva:

 

1) Que se apliquen a contía máxima das compensacións por costes indirectos de CO2,que permite a CE.

 

2) Que se estableza un sistema de poxas de interrompebilidade, recollendo a figura do consumidor hiperelectrointensivo, como fan outros países europeos.

 

3) Que se eximan as peaxes de transporte.

 

4) A exención, en lugar da compensación do 85% dos cargos de renovables e coxeneración.

 

5) Que se reduza a fiscalidade cunha exención do imposto de xeración eléctrica sobre as electrointensivas”. 
 

 

O texto aprobado é o seguinte:

 

“O Parlamento de Galicia insta á Xunta de Galicia a:

 

1) Dar prioridade ao proceso de deseño da primeira fábrica de fibras téxtiles de España por ser unha gran aposta, tanto dende o punto de vista económico e laboral, como dende o punto de vista estratéxico, xa que permitiría pechar o ciclo de produción de madeira en Galicia, así como que se propicie o seu emprazamento preferentemente na Comarca da Mariña e, se criterios técnicos non garanten a viabilidade neste emprazamento, en todo caso na provincia de Lugo, a través da súa representación na Sociedade Impulsa.

 

2)  Reiterar ao Goberno de España a necesidade de establecer liñas de apoio no marco dos fondos europeos Next Generation para o desenvolvemento deste proxecto coa maior celeridade posible”.

 

 

 

 

Saúdos, Gabinete de Comunicación.