Parlamento de Galicia
Parlamento de Galicia
A Comisión 8ª, Pesca e Marisqueo, na súa sesión do día 3 de setembro de 2024, adoptou os seguintes acordos:
Procedementos de control e impulso
Proposicións non de lei en Comisión
Aprobación por unanimidade con modificacións
- 6196 (12/PNC-000746)
Grupo Parlamentario dos Socialistas de Galicia
Abalde Alonso, Julio Ernesto e López Font, Carlos
Sobre a demanda dirixida á Xunta de Galicia co obxecto de impulsar unha estratexia de loita contra a expansión da alga asiática no litoral galego
BOPG n.º 46, do 03.07.2024
Sométese a votación e resulta aprobada con modificacións respecto do texto orixinal, pola unanimidade dos 15 deputados e deputadas presentes.
O texto aprobado é o seguinte:
“O Parlamento galego insta a Xunta de Galicia a implementar as competencias que lle asigna a “Estrategia de control del alga Rugulopteryx okamurae en España" aprobada o 28.07.2022 en Conferencia Sectorial de Medio Ambiente, para loitar contra a invasión da alga asiática, tendo en conta a natureza e intensidade dos impactos ecolóxicos e socio económicos que produce sobre o litoral, a través dun grupo de traballo onde estean representados a Fegamp e o sector pesqueiro e que se informe ao Parlamento de Galicia".
- 6204 (12/PNC-000747)
Grupo Parlamentario Popular de Galicia
Fidalgo Iglesias, Miguel e 7 máis
Sobre a demanda que a Xunta de Galicia debe dirixir ao Goberno central co obxecto de ampliar unha exención tributaria do imposto da renda das persoas físicas para fomentar o ingreso de novos tripulantes en buques de bandeira española
BOPG n.º 46, do 03.07.2024
Sométese a votación e resulta aprobada con modificacións respecto do texto orixinal, pola unanimidade dos 15 deputados e deputadas presentes.
O texto aprobado é o seguinte:
“O Parlamento de Galicia insta á Xunta de Galicia a demandar ao Goberno Central unha ampliación á exención tributaria do artigo 7.p, da Lei 35/2006, do 28 de novembro, do Imposto sobre a Renda das Persoas Físicas e de modificación parcial das leis dos Impostos sobre Sociedades, sobre a Renda de non Residentes e sobre o Patrimonio, ao menos, aos tripulantes españoles que traballen en buques que faenan fora das augas españolas co fin último de estimular o relevo xeracional".
Aprobación por unanimidade sen modificacións
- 6080 (12/PNC-000735)
Grupo Parlamentario Popular de Galicia
Hermelo Piñeiro, María Dolores e 8 máis
Sobre a demanda que a Xunta de Galicia debe dirixir ao Goberno central co obxecto de que defenda ante a Unión Europea unha política de descarbonización da frota pesqueira que sexa efectiva, realista e asumible
BOPG n.º 43f1, do 26.06.2024
Sométese a votación e resulta aprobada sen modificacións pola unanimidade dos 15 deputados e deputadas presentes.
O texto aprobado é o seguinte:
“O Parlamento de Galicia insta á Xunta de Galicia a dirixirse ao Goberno de España para que defenda diante das institucións da Unión Europea unha transición efectiva, realista e asumible na frota, mediante axudas que non impliquen penalizacións e que sexan compatibles coa sostibilidade ecolóxica, económica e social do sector pesqueiro galego".
.jpg)
.jpg)