María Sol Díaz Mouteira

Nacemento: Kelkheim (Alemaña) - 1967

Grupo Parlamentario Popular de Galicia

Ourense

Biografía:

Licenciada en Dereito pola UNED e especializada en Dereito Civil Galego pola Universidade de Santiago de Compostela. Funcionaria do corpo superior da Administración da Xunta de Galicia.

Deputada autonómica na XI lexislatura, exerceu como vicevoceira terceira do Grupo Popular, voceira de Medio Ambiente e Educación e presidenta da Comisión 1ª, Institucional, de Administración Xeral, Xustiza e Interior, e da Comisión non permanente de estudo para a Igualdade e os Dereitos das Mulleres.

Delegada territorial da Xunta de Galicia en Ourense entre os anos 2016 e 2020. Anteriormente foi delegada provincial da Consellería de Xustiza (2003-2005); foi xefa territorial da Consellería de Cultura, Educación e Ordenación Universitaria e da Vicepresidencia e Consellería de Presidencia, Administracións Públicas e Xustiza, pasando logo á Secretaría Territorial da Delegación da Xunta en Ourense.