Proposicións non de lei aprobadas polo Pleno do Parlamento de Galicia o 13 de setembro de 2017

4.4 13602 (10/PNP-001145)
Grupo Parlamentario Popular de Galicia
Tellado Filgueira, Miguel Ángel, e sete deputados/as máis
Sobre as actuacións que debe realizar a Xunta de Galicia para promover a formación das persoas desempregadas a través do cheque formación
Publicación da iniciativa, BOPG nº 165, do 30.08.2017
 
O texto aprobado é o seguinte:
 
«O Parlamento de Galicia insta a Xunta de Galicia a introducir o cheque formación, para que as persoas traballadoras desempregadas dispoñan dun crédito de formación e escollan a formación que queren recibir e mais a entidade na que queren que se imparta».
 
4.6 13811 (10/PNP-001155)
Grupo Parlamentario Popular de Galicia
Prado del Río, Paula, e sete deputados/as máis
Sobre as medidas que debe realizar a Xunta de Galicia ante o Ministerio de Xustiza para mellorar a organización xudicial
Publicación da iniciativa, BOPG nº 165, do 30.08.2017
 
O texto aprobado é o seguinte:
 
«O Parlamento insta a Xunta de Galicia a:
 
1. Solicitar ao Ministerio de Xustiza:
 
    1.1. Como proposta de mínimos, a creación de todos os xulgados e prazas de maxistrados e maxistradas que se consensúen entre a Xunta de Galicia e o Tribunal Superior de Xustiza de Galicia para 2018.

    1.2. O incremento das partidas orzamentarias para substitucións de persoal por baixas o vacacións.
 
    1.3. Realizar unha auditoría exterior e independente sobre a implantación da administración dixital na Xustiza, con especial atención aos problemas xerados polas plataformas informáticas.
 
    1.4. Adoptar todas as medidas para o axeitado funcionamento do sistema LEXNET.
 
2. Dotar de máis recursos persoais e materiais os xulgados para a contratación de xuízas e xuíces substitutos e demais persoal.
 
3. Asumir, apoiar e dotar de medios persoais e materiais todos os órganos xurisidicionais que o Ministerio de Xustiza asigne para Galicia.»
 
 
Saúdos, Gabinete de Comunicación.
 

Imaxes Relacionadas

Outras novas


Emisións en directo

Non temos emisións en directo neste momento.

Axenda

Na axenda atopará as ordes do día e a documentación das sesións desta Cámara, tamén poderá consultar o arquivo multimedia das sesións xa celebradas.

Calendario

VENRES 24
novembro de 2017
lunsmarmérxovvensábdom
12345
6789101112
13141516171819
20212223242526
27282930
<< outubro| decembro >>

Información das Sesións

Lista de sesións do día 24/11/2017


© Parlamento de Galicia, 2011 | Rúa do Hórreo, 63 - 15701 Santiago de Compostela | Tel.: 981 551 300 Fax: 981 551 408