Actualidade Parlamentaria do Parlamento de Galicia
Noticias do Parlamento de Galicia
2019-06-17T18:58:13Z http://www.parlamentodegalicia.gal/sitios/web/Contenidogal/rss/AnunciosRss.aspx Copyright (c) Parlamento de Galicia Sharepoint generator Parlamento de Galicia webmaster@parlamentodegalicia.gal Aberto o prazo para solicitar as bolsas de formación práctica no Parlamento de Galicia

 

Santiago, 17 de xuño de 2019.- As persoas interesadas en optar a algunhas das bolsas para a formación práctica no Parlamento de Galicia poderán presentar as solicitudes a partir de mañá e durante un prazo de quince días, logo da publicación da convocatoria no Diario Oficial de Galicia deste luns.
 
Convócanse  dúas bolsas de formación en arquivo, biblioteca e documentación, unha en comunicación institucional, dúas en publicacións, unha en recursos humanos e contratación, e outra en xestión parlamentaria. Tamén se convoca unha bolsa de formación adicional nunha destas modalidades reservada para persoas con discapacidade igual ou superior ao 33% co fin de contribuír á súa integración laboral.
 
Cada unha destas bolsas terá unha duración de doce meses. A convocatoria está dirixida a persoas con titulacións universitarias obtidas no ano académico 2013-2014 ou posteriores.
 
As bases da convocatoria poden consultarse no Boletín Oficial do Parlamento de Galicia número 485, do 10 de xuño de 2019 (http://www.parlamento.gal/sitios/web/BibliotecaBoletinsOficiais/B100485.pdf)
 
Máis información no seguinte enlace:
 
http://www.parlamento.gal/Institucion/Bolsas
 

Saúdos, Gabinete de Comunicación.

 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-17T11:22:00Z 2019-06-17T11:27:00Z http://www.parlamentodegalicia.gal/Actualidade/2924/
A Asociación Cultural As Xeitosiñas” de Zürich comparte a Medalla do Parlamento á emigración con toda a colonia galega de Suíza

 
• O Centro, que recolleu a distinción como integrante da Comisión Delegada do Consello de Comunidades Galegas, celebrou este domingo unha xornada de portas abertas á que convidou ao presidente do Lexislativo galego
 
• Santalices reitera que Galicia e España están en débeda coa emigración, pero tamén Europa “porque o seu traballo e esforzo resultaron determinantes para manter o crecemento económico de países como Suíza, Francia, Reino Unido, Alemaña e tantos outros”

Santiago, 16 de xuño de 2019.- O presidente do Parlamento de Galicia, Miguel Ángel Santalices Vieira, participou esta tarde no acto organizado pola Asociación Cultural “As Xeitosiñas”-Banda de Gaitas e grupo de Danzas de Zürich para compartir con toda a colonia galega e española de Suíza a Medalla do Parlamento de Galicia ao conxunto da emigración galega, entregada o pasado 6 de abril en Santiago ás 14 institucións que integran a Comisión Delegada do Consello de Comunidades galegas, como lexítimos representantes deste colectivo.
 
Logo de recoller a Medalla do Parlamento á emigración, nun acto celebrado o pasado 6 de abril, o presidente da Asociación Cultural “As Xeitosiñas”, José Gil Doval, convidou ao presidente da Cámara a participar nunha celebración destinada a compartir a distinción cos compatriotas asentados no país helvético.
 
Galicia, en débeda coa emigración
 
No acto, Santalices Vieira reiterou que a concesión da medalla do Parlamento de Galicia á emigración galega, acordada unanimemente pola Mesa da Cámara, corrixe unha “inxustiza histórica”, na medida en que “toda Galicia, a de todos os tempos, ten unha débeda coa emigración, con vostedes e coas súas familias, polo seu esforzo, polo desgarro persoal e familiar que a emigración provocou a eito, e polas axudas de todo tipo que a emigración proporcionou a Galicia ao longo da historia”.
 
Insistiu o titular do Lexislativo galego que tamén Europa está en débeda coa emigración galega porque “o seu traballo e o seu esforzo resultaron determinantes para manter o crecemento económico de países como Suíza, como Francia, como Reino Unido, como Alemaña e como tantos outros nos que os traballadores galegos eran, e son aínda recoñecidos nos nosos días, polas súas cualidades humanas e profesionais”.
 
60 anos dos primeiros galegos en Suíza
 
Cando se compren 60 anos da chegada dos primeiros emigrantes galegos a Suíza, o presidente do Parlamento tivo unha “lembranza agradecida para aquelas persoas pioneiras e para todas as que as seguiron en datas posteriores”.
Santalices Vieira animou ao conxunto da sociedade a superar a visión superficial que persiste sobre a emigración galega, na medida en que “canda os elementos externos do trunfo económico, coexisten outras facianas como o desarraigo, os dramas familiares derivados da separación ou as difíciles condicións de vida nos países de destino, sobre todo nas etapas iniciais”.
 
Recordou tamén na súa intervención que a diferenza da emigración americana que na maior parte dos casos non puido retornar a Galicia, os galegos asentados en Europa manteñen unha “intensa relación coa Terra, propiciada pola mellora das condicións económicas e os avances en materia de comunicacións, sexan as que facilitan os desprazamentos, ou sexan as TIC”.
 
Saúdos, Gabinete de Comunicación.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-16T18:54:00Z 2019-06-16T22:51:00Z http://www.parlamentodegalicia.gal/Actualidade/2923/
Acordos da Comisión 3ª, Economía e Facenda, celebrada o 14 de xuño de 2019

A  Comisión 3ª, Economía, Facenda e Orzamentos, na súa sesión do 14 de xuño de 2019, adoptou os seguintes acordos:
 
Procedementos de control e impulso

 
Proposicións non de lei en Comisión
 
Aprobación por unanimidade con modificacións
- 47600 (10/PNC-003850)
Grupo Parlamentario dos Socialistas de Galicia
Rodríguez Rumbo, Matilde Begoña e 2 máis
Sobre as actuacións que debe levar a cabo a Xunta de Galicia en relación coas dificultades que teñen as empresas galegas, en especial as pemes, para a súa incorporación aos mercados internacionais
BOPG n.º 446, do 21.03.2019
 
Sométese a votación por puntos:
 
-Punto primeiro: rexeitado por 5 votos a favor, 7 votos en contra e 0 abstencións.
 
-Puntos segundo e terceiro: aprobados pola unanimidade dos 12 deputados e deputadas.
 
O texto aprobado é o seguinte:
 
"O Parlamento de Galicia insta a Xunta de Galicia para que:
 
1. Deseñe no prazo máximo dun ano, un programa específico de apoio ás empresas galegas non exportadoras para se internacionalizaren.

 
2. Neste programa específico, deberían de coordinarse específicamente os ámbitos de innovación, da calidade e o deseño e do financiamento."
 
- 47716 (10/PNC-003857)
Grupo Parlamentario de En Marea
Torregrosa Sañudo, Julia e 2 máis
Sobre o establecemento pola Xunta de Galicia, para o acceso das empresas aos concursos de contratación publica, da exixencia dun plan de igualdade en vigor que garanta os dereitos das mulleres, en especial con medidas para combater a fenda salarial
BOPG n.º 446, do 21.03.2019
 
Sométese a votación por puntos a transacción entre a iniciativa e a emenda do G.P. dos Socialistas de Galicia, doc. núm. 41514:
 
-Puntos primeiro e terceiro: rexeitados por 5 votos a favor, 7 votos en contra e 0 abstencións.
 
-Punto segundo: aprobado pola unanimidade dos 12 deputados e deputadas.
 
O texto aprobado é o seguinte:
 
"O Parlamento de Galicia insta o Goberno galego a implementar e potenciar de forma xeneralizada nas licitacións públicas e contratos da Administración pública galega, medidas que establezan condicións especiais para a promoción da igualdade entre homes e mulleres."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-14T14:30:00Z 2019-06-14T14:31:00Z http://www.parlamentodegalicia.gal/Actualidade/2922/
O presidente do Parlamento anima a reeditar títulos esgotados demandados polo público

 
• Participou na presentación da reedición de Estirpe, un libro-homenaxe a Méndez Ferrín, impulsado polo Concello de Redondela

Santiago, 13 de xuño de 2019.- O presidente do Parlamento de Galicia, Miguel Ángel Santalices Vieira, participou esta tarde na presentación dunha reedición de Estirpe, un libro-homenaxe a Méndez Ferrín  impulsado polo concello de Redondela.
 
Santalices Vieira aplaudiu esta iniciativa editorial na medida en que “pon a disposición do público un título esgotado nas librerías hai moito tempo, un poemario de culto para moitas e moitos letraferidos, e non só galegos”. Ao tempo, a reedición homenaxea ao autor do libro, Xosé Luís Méndez Ferrín, “unha das voces literarias máis sólidas e respectadas da literatura galega contemporánea. Un autor polifacético que ten cultivado todos os xéneros literarios, e sempre co rigor e o compromiso que o caracterizan”.
 
A reedición de Estirpe é unha “feliz iniciativa” do Concello de Redondela, “unha decisión novidosa e loable que –agregou Santalices- fariamos ben en copiar desde outros ámbitos porque hai moitos títulos  e moitos autores ben merecentes de iniciativas editoriais similares, títulos esgotados anos atrás, practicamente imposibles de atopar no mercado de segunda man e que, seguramente, terán unha magnifica acollida entre o público dos nosos días”.
 
Saúdos, Gabinete de Comunicación.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-13T22:22:00Z 2019-06-13T22:27:00Z http://www.parlamentodegalicia.gal/Actualidade/2921/
Santalices súmase á homenaxe ao Dr. Rodríguez Míguez, “pai do termalismo galego”

• O presidente do Parlamento e o profesor Gestal Otero pronunciaron a laudatorio do Dr. Rodríguez Míguez no acto de entrega da medalla de ouro de Ourense, a titulo póstumo
 
Santiago, 13 de xuño de 2019.- O presidente do Parlamento de Galicia, Miguel Ángel Santalices Vieira, foi o encargado de pronunciar, xunto co profesor Gestal Otero, a laudatorio do profesor doutor Luis Rodríguez Míguez  (Santiago, 1932/Ourense, 2016) no acto de entrega da Medalla de Ouro de Ourense, a título póstumo.
 
No acto, celebrado no salón de plenos da Deputación Provincial de Ourense, Santalices destacou que a distinción ao “pai  do termalismo galego” contou co respaldo unánime de todos os grupos da corporación provincial pola súa traxectoria e achegas no ámbito  da investigación e a divulgación das augas termais, “unha das maiores riquezas da nosa provincia”.
 
O presidente do Parlamento apuntou que coñeceu ao Dr. Rodríguez Míguez no ano 1979, pouco despois de que este chegase a Ourense destinado como xefe provincial de Sanidade.
 
“Impactoume desde o primeiro momento a súa axilidade mental, a súa fluidez verbal, a súa ironía, a súa cultura e a súa inquietude por cambiar a situación sanitaria da nosa provincia”, lembrou Santalices, daquela estudante de Medicina, a piques de rematar a carreira.
 
“Amaba Ourense ata o punto de renunciar a voltar ao seu querido Santiago”, agregou antes de engadir que a vida do Dr. Rodríguez Míguez extinguiuse no ano 2016, pero a súa memoria e o seu inxente legado permanecerán para sempre entre nós. Foi un home xeneroso que transitou pola vida facendo o ben”.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-13T14:22:00Z 2019-06-13T14:22:00Z http://www.parlamentodegalicia.gal/Actualidade/2920/
Proposicións non de lei aprobadas polo Pleno do Parlamento de Galicia o 12 de xuño de 2019

5.2 39974 (10/PNP-002986)
Grupo Parlamentario de En Marea
Casal Vidal, Francisco
Sobre as actuacións que debe levar a cabo o Goberno galego e a demanda que debe realizar ao Ministerio de Industria e Turismo en relación coa situación na que se atopa a empresa Isowat Made, do grupo Invertaresa
Publicación da iniciativa, BOPG n.º 383, do 14.11.2018
 
O texto aprobado é o seguinte:
 
“O Parlamento insta a Xunta de Galicia a:
 
1. Seguir coas actuacións que leva a cabo desde o comezo da situación complexa que atravesa Isowat Made na cidade da Coruña encamiñadas á busca de solucións viables que faciliten o mantemento dos postos de traballo asociados e dean continuidade ás achegas tecnolóxicas que fai a empresa.
 
2. Instar ao Ministerio de Industria, Comercio e Turismo para que colabore nas iniciativas necesarias para dar solución á situación da empresa.
 
3. Desenvolver as actuacións necesarias para atopar un investidor ou posible comprador e para facilitar un acordo rápido e razoable co principal acreedor no concurso da mesma que posibiliten un novo futuro á compañía, tendo en conta as posibles garantías financeiras ou outras iniciativas financeiras entre as que dispón o Igape.”
 
 
5.3 43898 (10/PNP-003267)
Grupo Parlamentario Popular de Galicia
Egerique Mosquera, Teresa e 7 máis
Sobre o impulso ao Goberno central para que continúe as xestións e impulse os cambios normativos que sexan precisos destinados a mellorar o sistema de cotización e protección sociolaboral das persoas traballadoras do mar
Publicación da iniciativa, BOPG n.º 417, do 23.01.2019
 
O texto aprobado é o seguinte:
 
“O Parlamento de Galicia insta ao Goberno de Galicia a:
- Dirixirse ao Goberno central para que continúe as xestións e impulse os cambios normativos que sexan precisos para mellorar o sistema de cotización e protección sociolaboral das persoas traballadoras do mar e, tras un proceso de diálogo co sector, se estuden, entre outras, a posibilidade de establecer un sistema que permita aumentar voluntariamente as bases de cotización, aproveitando que o Ministerio de Traballo está traballando nun novo sistema de cotización para os traballadores autónomos.
 
- Demandar ao Goberno do Estado para que o ISM, no prazo máximo dun mes, remita un informe a todas as confrarías de Galicia e a este Parlamento, no que clarifique  cales son as diferentes situacións de protección social real das xentes do mar: redeiras, mariscadoras, baixura, altura,… e as contías de cotización de cada grupo”..”
 
5.4 47514 (10/PNP-003593)
Grupo Parlamentario Popular de Galicia
Prado del Río, Paula e 12 máis
Sobre a demanda polo Goberno galego ao Ministerio de Xustiza da inclusión, na proposta de creación de novos xulgados para Galicia en 2019, dun xulgado do social para a cidade de Lugo
Publicación da iniciativa, BOPG n.º 446, do 21.03.2019
 
O texto aprobado é o seguinte:
 
“O Parlamento insta á Xunta de Galicia a solicitar ao Ministerio de Xustiza que, de xeito inmediato, rectifique a proposta de novos xulgados para Galicia en 2019 incluíndo a creación dun Xulgado do Social para a cidade de Lugo”.
 
5.5 49281 (10/PNP-003732)
Grupo Parlamentario do Bloque Nacionalista Galego
Presas Bergantiños, Noa e 5 máis
Sobre a demanda do Goberno galego ao Goberno central da intervención pública en Alcoa de xeito transitorio co fin de garantir o mantemento do seu emprego e da súa actividade industrial
Publicación da iniciativa, BOPG n.º 470, do 30.04.2019
 
O texto aprobado é o seguinte:
 
“O Parlamento galego acorda instar á Xunta de Galicia a demandar do Goberno central medidas urxentes respecto do marco estratéxico co fin de incentivar a compra de Alcoa e paliar a crise da industria: a) aprobación inmediata do estatuto de electrointensivas tendo en conta as achegas do sector galego; b) a corrección das condicións da poxa de interrompibilidade prevista para o mes de xullo; c) e a planificación da substitución do sistema de poxa de interrompibilidade por unha regulación estable que permita prezos competitivos no sector con compromisos no mantemento do emprego e da actividade industrial tendo en conta tamén o papel produtor de Galicia”.
 
5.8 49983 (10/PNP-003784)
Grupo Parlamentario do Bloque Nacionalista Galego
Bará Torres, Xosé Luís e 5 máis
Sobre as actuacións que se deben levar a cabo para recuperar o pazo de Meirás para o patrimonio público e a posición do Parlamento de Galicia respecto do seu uso
Publicación da iniciativa, BOPG n.º 479, do 22.05.2019

 
O texto aprobado é o seguinte:

“O Parlamento de Galicia, diante da falta de resposta do Goberno central con respecto ao acordo unánime (do Parlamento galego) do 12 de xullo de 2018, acorda como resolución reiterar a demanda ao Goberno central para que inicie de maneira urxente as accións legais pertinentes para recuperar o Pazo de Meirás para o patrimonio público. Asemade, amosa o rexeitamento polo uso deste BIC para facer apoloxía da ditadura franquista e do ditador, e demanda que se leven a cano as accións precisas para deixar sen efecto os títulos nobiliarios do Señorío de Meirás e Ducado de Franco. O Parlamento insta á Xunta de Galicia a dar traslado deste acordo ao Goberno do Estado”.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-12T14:01:00Z 2019-06-12T14:01:00Z http://www.parlamentodegalicia.gal/Actualidade/2919/
Acordos da Comisión 4.ª, Educación e Cultura, celebrada o 7 de xuño de 2019

 
A Comisión 4ª, Educación e Cultura, na súa sesión do 7 de xuño de 2019, adoptou os seguintes acordos:
 
Procedementos de control e impulso
Proposicións non de lei en Comisión
 
Aprobación por unanimidade con modificacións
 
- 49078 (10/PNC-003961)
Grupo Parlamentario do Bloque Nacionalista Galego
Rodil Fernández, Olalla e cinco deputadas/os máis
Sobre a elaboración e remisión polo Goberno galego ao Parlamento de Galicia, antes do remate da X lexislatura, do Plan de arquivos previsto na Lei 7/2014, de arquivos e documentos de Galicia
BOPG n.º 463, do 17.04.2019
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento de Galicia insta a Xunta de Galicia a elaborar e remitir á Cámara antes de finalizar a actual lexislatura o Plan de Arquivos previsto na Lei 7/2014, do 26 de setembro, de arquivos e documentos de Galicia. Este plan incluirá, como mínimo, as seguintes cuestións:
a) A avaliación das necesidades de persoal e de infraestruturas dos arquivos do Sistema de Arquivos da Xunta de Galicia.
b) A configuración, organización, integración, servizo e difusión dos arquivos de Galicia, priorizando aquelas acción que sexan máis urxentes.
c) A incorporación da perspectiva de xénero de maneira transversal ao longo de todo o plan.
d) Medidas encamiñadas ao uso non sexista da linguaxe tanto na xestión do material como nas dinámicas de traballo do persoal, de acordo co disposto na Lei 7/2004, galega de igualdade entre mulleres e homes.
e) A planificación temporal para desenvolver as medidas e compromisos orzamentarios para implementar."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-07T14:07:00Z 2019-06-07T14:12:00Z http://www.parlamentodegalicia.gal/Actualidade/2918/
Acordos da Comisión 5ª. Sanidade, Política Social e Emprego celebrada o día 05.06.2019

A  Comisión 5ª, Sanidade, Política Social e Emprego, na súa sesión do 5 de xuño de 2019, adoptou os seguintes acordos:
 
Procedementos de control e impulso
Proposicións non de lei en Comisión
 
Aprobación por unanimidade con modificacións
 
- 47259 (10/PNC-003813)
Grupo Parlamentario de En Marea
Vázquez Verao, Paula
Sobre as xestións que debe realizar o Goberno galego diante do Concello de Abadín co fin de garantir a accesibilidade dunha vivenda da parroquia de Abeledo situada no barrio do Couto

BOPG n.º 444, do 13.03.2019
- 47740 (10/PNC-003860)
Grupo Parlamentario dos Socialistas de Galicia
Burgo López, María de la Concepción e 2 máis
Sobre as xestións que debe realizar o Goberno galego diante do Concello de Abadín en relación co impacto das obras realizadas nunha pista na accesibilidade dunha vivenda da parroquia de Abeledo situada no barrio do Couto
BOPG n.º 446, do 21.03.2019
 
Sométese a votación o texto transaccionado e resultan aprobadas con modificacións respecto dos textos orixinais, pola unanimidade dos 11 deputados e deputadas presentes.
 
O texto aprobado é o seguinte:
 
"O Parlamento de Galicia insta á Xunta de Galicia a dirixirse ao concello de Abadín para que proceda á subsanación dos efectos negativos das obras realizadas que imposibilitan o acceso á súa vivenda  dunha persoa con discapacidade no lugar de Couto na parroquia de Abeledo."
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-06T12:42:00Z 2019-06-06T12:51:00Z http://www.parlamentodegalicia.gal/Actualidade/2917/
Acordos da Comisión 6ª, Industria, Enerxía, Comercio e Turismo, celebrada o 5 de xuño de 2019

A Comisión 6ª, Industria, Enerxía, Comercio e Turismo, na súa sesión do 5 de xuño de 2019, adoptou os seguintes acordos:
 
Procedementos de control e impulso

 
Proposicións non de lei en Comisión
 
Aprobación por unanimidade con modificacións
 
- 49126 (10/PNC-003968)
Grupo Parlamentario do Bloque Nacionalista Galego
Presas Bergantiños, Noa e cinco deputadas/os máis
Sobre as actuacións que debe levar a cabo o Goberno galego en relación coa posible deslocalización e perda de postos de traballo da empresa Iberdrola na comarca de Valdeorras
BOPG n.º 465, do 23.04.2019
 
Sométese a votación e resulta aprobada con modificacións respecto do texto orixinal, pola unanimidade dos 11 deputados e deputadas presentes.
 
O texto aprobado é o seguinte:
 
"O Parlamento de galego acorda instar a Xunta de Galicia a:
 
1.Expresar o seu compromiso con defender o mantemento
dos postos de traballo de Iberdrola na Comarca de Valdeorras así como no resto de Galicia como compensación do impacto social que ten a produción enerxética no noso país.
 
2.Manter o diálogo e colaboración cos concellos das comarcas de Valdeorras e Trives e calquera outra institución galega comprometida nestes obxectivos.
 
3.Dirixirse á dirección de Iberdrola para esixirlle o mantemento dos postos de traballo e o freo ao progresivo desmantelamento dos servizos no territorio galego."
 
- 49407 (10/PNC-004001)
Grupo Parlamentario Popular de Galicia
Romero Fernández, Cristina Isabel e seis deputadas/os máis
Sobre a creación pola Xunta de Galicia dun órgano colexiado de carácter consultivo e participativo entre a Administración autonómica e as entidades locais, co fin de procurar a máxima coordinación, cooperación e participación nas materias que afecten a protección dos dereitos das persoas consumidoras e usuarias
BOPG n.º 470, do 30.04.2019
 
Sométese a votación e resulta aprobada con modificacións respecto do texto orixinal, pola unanimidade dos 11 deputados e deputadas presentes.
 
O texto aprobado é o seguinte:
 
"O Parlamento de Galicia insta a Xunta de Galicia a crear un órgano colexiado de carácter consultivo e participativo entre a Administración Autonómica e as entidades locais da comunidade co obxectivo de procurar a máxima coordinación, cooperación e participación nas materias que afecten á protección dos dereitos das persoas consumidoras e usuarias, desenvolvemento a Lei 2/2012, do 28 de marzo, galega de protección xeral ás persoas consumidoras e usuarias especialmente no referido nos artigos 54, 71.5, 72 e 73."
 
- 49802 (10/PNC-004033)
Grupo Parlamentario de En Marea
Casal Vidal, Francisco
Sobre as demandas que debe realizar Goberno galego ao Ministerio de Transición Ecolóxica en relación coa creación da tarifa de acceso regulado á enerxía nuclear e hidráulica histórica
BOPG n.º 476, do 14.05.2019
 
Sométese a votación e resulta aprobada con modificacións respecto do texto orixinal, pola unanimidade dos 11 deputados e deputadas presentes.
 
O texto aprobado é o seguinte:
 
"O Parlamento galego insta a Xunta de Galicia a demandar ao Goberno central, concretamente ao Ministerio de Transición Ecolóxica, que no marco da reforma do sector eléctrico se avalíe o desenvolvemento normativo dunha nova tarifa de acceso regulado a enerxía nuclear e hidráulica histórica, o que permitiría establecer tarifas a prezo fixo e o desenvolvemento de contratos a longo prazo."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-05T16:30:00Z 2019-06-05T16:32:00Z http://www.parlamentodegalicia.gal/Actualidade/2916/
Acordos da Comisión 1ª. Institucional, de Administración Xeral, Xustiza e Interior celebrada o día 04-06-2019

A  Comisión 1ª, Institucional, de Administración Xeral, Xustiza e Interior, na súa sesión do 4 de xuño de 2019, adoptou os seguintes acordos:
 
Procedementos de control e impulso
Proposicións non de lei en Comisión

Aprobación por unanimidade con modificacións
 
- 48682 (10/PNC-003932)
Grupo Parlamentario do Bloque Nacionalista Galego
Bará Torres, Xosé Luís e 5 máis
Sobre as actuacións que debe levar a cabo o Goberno galego en relación co xogo da billarda
BOPG n.º 458, do 09.04.2019
 
Sométese a votación e resulta aprobada con modificacións respecto do texto orixinal, pola unanimidade dos  12  deputados e deputadas presentes.
 
O texto aprobado é o seguinte:
 
"O Parlamento insta á Xunta de Galicia a:
1. Recoñecer a billarda como modalidade deportiva.
2. Abrir un proceso de diálogo coas entidades que traballan no eido dos deportes tradicionais para avaliar a posibilidade de crear una Federación Galega de Deportes Autóctonos.
3. Desenvolver un programa de divulgación e expansión da billarda no ámbito educativo e no conxunto da sociedade. Para tal fin, extender a toda Galiza o módulo creado pola Secretaría Xeral de Deportes (dentro do programa XOGADE), difundido pola Consellería de Educación no ámbito da Delegación de Pontevedra, de divulgación do xogo da billarda no ámbito escolar.
4. Fomentar e apoiar as competiciións de billarda que se desenvolven en Galiza, así como o intercambio con otros países.
5. Incluír os espazos para o xogo da billarda no Plan de Infraestruturas Deportivas de Galiza."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-05T09:29:00Z 2019-06-05T10:42:00Z http://www.parlamentodegalicia.gal/Actualidade/2915/
Convocatoria do Pleno do Parlamento de Galicia previsto para o 11 de xuño de 2019

A Presidencia, de conformidade co disposto no artigo 53 do Regulamento do Parlamento, resolveu convocar o Pleno do Parlamento para realizar unha sesión o próximo día 11 de xuño de 2019, ás 10:00 horas, no pazo do Parlamento.
De acordo coa Xunta de Portavoces e a Mesa, na reunión do día 4 de xuño de 2019, a orde do día da sesión é a seguinte:
 
Punto 1. Elección dun membro do Consello Social da Universidade da Coruña (doc. núm. 48166)
 
Punto 2. Textos lexislativos
 
2.1 Debate de toma en consideración da Proposición de lei, do G. dos Socialistas de Galicia, para a protección dos dereitos das persoas consumidoras e usuarias na contratación de préstamos e créditos hipotecarios en Galicia (doc. núm. 32346, 10/PPL-000025)
 Publicación da iniciativa, BOPG n.º 322, do 19.06.2018
 
2.2 Debate de toma en consideración da Proposición de lei, do G.P. do Bloque Nacionalista Galego, de reforma da Lei 1/1983, do 15 de xuño, de normalización lingüística (doc. núm. 47807, 10/PPL-000036)
 Publicación da iniciativa, BOPG n.º 454, do 02.04.2019
 
Punto 3. Comparecencia
 
 50470 (10/CPP-000101)
 Da Sra. conselleira de Infraestruturas e Mobilidade, por petición propia, para informar da planificación da Xunta de cara a continuar avanzando no reto dunha adecuada xestión do ciclo integral da auga
 
Punto 4. Moción
 
 50408 (10/MOC-000147)
 Grupo Parlamentario de En Marea
 Miranda Pena, Flora María
 Sobre as actuacións que debe levar a cabo o Goberno galego en relación coa implantación dun novo plan para a atención primaria do sistema sanitario público. (Moción, a consecuencia da Interpelación nº 46794, publicada no BOPG nº 441, do 06.03.2019, e debatida na sesión plenaria do 28.05.2019)
 
Punto 5. Proposicións non de lei
 
5.1 32252 (10/PNP-002425)
 Grupo Parlamentario de En Marea
 Sánchez García, Antón
 Sobre as actuacións que debe levar a cabo o Goberno galego en relación coa solicitude de autorización do proxecto mineiro de extracción de cobre nos concellos de Touro e do Pino, a contaminación producida pola antiga mina e os incumprimentos da empresa en materia de restauración e rexeneración
 Publicación da iniciativa, BOPG n.º 323, do 20.06.2018
 
5.2 39974 (10/PNP-002986)
 Grupo Parlamentario de En Marea
 Casal Vidal, Francisco
 Sobre as actuacións que debe levar a cabo o Goberno galego e a demanda que debe realizar ao Ministerio de Industria e Turismo en relación coa situación na que se atopa a empresa Isowat Made, do grupo Invertaresa
 Publicación da iniciativa, BOPG n.º 383, do 14.11.2018
 
5.3 43898 (10/PNP-003267)
 Grupo Parlamentario Popular de Galicia
 Egerique Mosquera, Teresa e 7 máis
 Sobre o impulso ao Goberno central para que continúe as xestións e impulse os cambios normativos que sexan precisos destinados a mellorar o sistema de cotización e protección sociolaboral das persoas traballadoras do mar
 Publicación da iniciativa, BOPG n.º 417, do 23.01.2019
 
5.4 47514 (10/PNP-003593)
 Grupo Parlamentario Popular de Galicia
 Prado del Río, Paula e 12 máis
 Sobre a demanda polo Goberno galego ao Ministerio de Xustiza da inclusión, na proposta de creación de novos xulgados para Galicia en 2019, dun xulgado do social para a cidade de Lugo
 Publicación da iniciativa, BOPG n.º 446, do 21.03.2019
 
5.5 49281 (10/PNP-003732)
 Grupo Parlamentario do Bloque Nacionalista Galego
 Presas Bergantiños, Noa e 5 máis
 Sobre a demanda do Goberno galego ao Goberno central da intervención pública en Alcoa de xeito transitorio co fin de garantir o mantemento do seu emprego e da súa actividade industrial
 Publicación da iniciativa, BOPG n.º 470, do 30.04.2019
 
5.6 49347 (10/PNP-003738)
 Grupo Parlamentario dos Socialistas de Galicia
 Álvarez Martínez, Luis Manuel e Burgo López, María de la Concepción
 Sobre a presentación polo Goberno galego, antes do remate do primeiro período de sesións de 2019, do procedemento deseñado para avaliar a implantación da Rede galega de dinamización da formación profesional dual
 Publicación da iniciativa, BOPG n.º 470, do 30.04.2019
 
5.7 49484 (10/PNP-003748)
 Grupo Parlamentario dos Socialistas de Galicia
 Torrado Quintela, Julio e Blanco Rodríguez, Noela
 Sobre as actuacións que debe levar a cabo o Goberno galego en relación coa situación laboral do persoal e o nivel de eventualidade no Sergas
 Publicación da iniciativa, BOPG n.º 474, do 07.05.2019
 
5.8 49983 (10/PNP-003784)
 Grupo Parlamentario do Bloque Nacionalista Galego
 Bará Torres, Xosé Luís e 5 máis
 Sobre as actuacións que se deben levar a cabo para recuperar o pazo de Meirás para o patrimonio público e a posición do Parlamento de Galicia respecto do seu uso
 Publicación da iniciativa, BOPG n.º 479, do 22.05.2019
 
Punto 6. Interpelacións
 
6.1 8786 (10/INT-000373)
 Grupo Parlamentario de En Marea
 Solla Fernández, Eva
 Sobre as listas de espera non estruturais do Sergas e a política de persoal da Consellería de Sanidade
 Publicación da iniciativa, BOPG n.º 115, do 18.05.2017
 
6.2 43360 (10/INT-001431)
 Grupo Parlamentario do Bloque Nacionalista Galego
 Bará Torres, Xosé Luís e 5 máis
 Sobre a política do Goberno galego en materia de seguridade viaria
 Publicación da iniciativa, BOPG n.º 417, do 23.01.2019
 
6.3 48288 (10/INT-001597)
 Grupo Parlamentario dos Socialistas de Galicia
 Blanco Rodríguez, Noela e 2 máis
 Sobre a política do Goberno galego en relación co fenómeno social da soidade non desexada
 Publicación da iniciativa, BOPG n.º 455, do 03.04.2019
 
Punto 7. Preguntas para resposta oral do Presidente da Xunta
 
7.1 50473 (10/POPX-000151)
 Grupo Parlamentario de En Marea
 Villares Naveira, Luis
 Sobre as actuacións que está a levar a cabo ou as previstas polo Goberno galego diante da nova situación de Ferroatlántica 
7.2 50492 (10/POPX-000152)
 Grupo Parlamentario do Bloque Nacionalista Galego
 Pontón Mondelo, Ana Belén
 Sobre a crise industrial existente en Galicia, que pon centos de empregos en risco
 
7.3 50494 (10/POPX-000153)
 Grupo Parlamentario dos Socialistas de Galicia
 Fernández Leiceaga, Xoaquín María
 Sobre o impulso polo Goberno galego, coa debida dilixencia, da actividade institucional da Xunta de Galicia
 
Punto 8. Preguntas ao Goberno
 
8.1 48770 (10/POP-005826)
 Grupo Parlamentario dos Socialistas de Galicia
 Vilán Lorenzo, Patricia e 2 máis
 Sobre a opinión do Goberno galego respecto da institución do xurado popular reflectida no artigo 125 da Constitución española de 1978
 Publicación da iniciativa, BOPG n.º 458, do 09.04.2019
 
8.2 50486 (10/PUP-000252)
 Grupo Parlamentario do Bloque Nacionalista Galego
 Bará Torres, Xosé Luís e 5 máis
 Sobre as previsións do Goberno galego respecto da aprobación do proxecto da circunvalación de Carballo no ano 2019 co fin de iniciar as obras no ano 2020
 
8.3 47343 (10/POP-005647)
 Grupo Parlamentario dos Socialistas de Galicia
 Toja Suárez, María Dolores e 2 máis
 Sobre a solicitude pola Xunta de Galicia á empresa Ferroatlántica da presentación dun plan de viabilidade que garanta a súa actividade de ferroaliaxes, segundo se desprende da sentenza do Tribunal Superior de Xustiza de Galicia do 9 de maio de 1996
 Publicación da iniciativa, BOPG n.º 444, do 13.03.2019
 
8.4 49961 (10/POP-005934)
 Grupo Parlamentario dos Socialistas de Galicia
 Burgo López, María de la Concepción e Álvarez Martínez, Luis Manuel
 Sobre as razóns da demora na designación dun presidente ou dunha presidenta para o Consello Social da Universidade de Santiago de Compostela
 Publicación da iniciativa, BOPG n.º 479, do 22.05.2019
 
8.5 49498 (10/POP-005897)
 Grupo Parlamentario Popular de Galicia
 Amigo Díaz, María Encarnación e 8 máis
 Sobre as obras de conservación executadas nos dous últimos anos na muralla romana de Lugo
 Publicación da iniciativa, BOPG n.º 474, do 07.05.2019
 
8.6 44092 (10/POP-005272)
 Grupo Parlamentario Popular de Galicia
 Núñez Centeno, Aurelio Alfonso e 8 máis
 Sobre os datos da Consellería de Sanidade referidos ao cumprimento do Decreto 105/2017, polo que se regula o sistema de garantía de tempos máximos de espera no acceso ás prestacións sanitarias públicas
 Publicación da iniciativa, BOPG n.º 423, do 31.01.2019
 
8.7 50005 (10/POP-005939)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre o pechamento de camas hospitalarias durante os meses de verán
 Publicación da iniciativa, BOPG n.º 479, do 22.05.2019
 
8.8 50489 (10/PUP-000253)
 Grupo Parlamentario de En Marea
 Santos Queiruga, Carmen e 4 máis
 Sobre a fase na que se atopan os procesos de negociación e resolución de conflitos cos distintos integrantes do sector das emerxencias sanitarias de Galicia
 
8.9 48503 (10/POP-005794)
 Grupo Parlamentario Popular de Galicia
 Arias Rodríguez, Raquel e 8 máis
 Sobre a valoración do Goberno galego referida á axuda económica do Bono Concilia para que aquelas familias que teñan dereito a unha praza pública nunha escola infantil e non accedesen a ela poidan levar os seus fillos a outro centro
 Publicación da iniciativa, BOPG n.º 458, do 09.04.2019
 
8.10 49419 (10/POP-005889)
 Grupo Parlamentario de En Marea
 Miranda Pena, Flora María e Quinteiro Araújo, Paula
 Sobre as medidas que vai adoptar o Goberno galego para evitar a modificación das condicións salariais do persoal pola empresa concesionaria do servizo de salvamento marítimo
 Publicación da iniciativa, BOPG n.º 470, do 30.04.2019
 
Os grupos parlamentarios poderán presentar emendas ás mocións e ás proposicións non de lei ata seis horas antes do inicio da sesión, ao abeiro do disposto no artigo 161.2 do Regulamento.
 
Santiago de Compostela, 4 de xuño  de 2019
 
 
Miguel Ángel Santalices Vieira
Presidente
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-04T18:46:00Z 2019-06-04T18:48:00Z http://www.parlamentodegalicia.gal/Actualidade/2914/
Santalices reivindica a igualdade como base da democracia e a convivencia

• O Parlamento de Galicia acolleu un pleno infantil organizado coa colaboración de Aldeas Infantiles SOS, no que os participantes centraron o seu traballo no valor da igualdade
 
Santiago, 4 de xuño de 2019.- “A igualdade é un principio e un dereito irrenunciable, porque sen igualdade non hai democracia, non hai convivencia, nin é posible construír unha sociedade xusta”. Son palabras do presidente do Parlamento de Galicia, Miguel Ángel Santalices Vieira, nun pleno infantil organizado coa colaboración de Aldeas Infantiles SOS, no que alumnado de catro centros educativos galegos abordou o valor da igualdade e votaron compromisos relacionados con este principio.
 
Recordou Santalices que a transcendencia do principio de igualdade é tal que a Constitución española o sitúa no seu título I.
 
O presidente da Cámara agradeceu a celebración deste pleno infantil, que enmarcou na estratexia de participación cidadá do Parlamento, “unha institución aberta e sempre ao servizo da xente” e felicitou ao alumnado participante polos compromisos que proclamaron en materia de igualdade. “Celebro especialmente a vosa sensibilidade en relación coa discapacidade e a diversidade”, dixo.
Santalices Vieira felicitou tamén aos oradores infantís polo seu traballo, “motivo de orgullo para todas as persoas adultas, na medida en que as vosas intervencións revelan que a Galicia do futuro quedará en boas mans, nas da vosa xeración”.

A influencia dun bo mestre
 
O titular do Lexislativo galego estendeu o seu recoñecemento ao persoal docente, “porque sen as súas ensinanzas, o seu alento e o seu estímulo, nada do que temos escoitado tería sido posible”. Agregou que “poucas influencias resultan tan decisivas na vida dunha persoa como as dun bo mestre”.
O acto arrincou coa intervención do presidente de Aldeas Infantiles SOS, Pedro Puig Pérez, ao que seguiron estudantes dos colexios San Rosendo de Ferrol, Nosa Señora da Asunción de Sarria, Guillelme Brown de O Pereiro de Aguiar, e  Sagrada Familia - Filipenses de Vilagarcía de Arousa. Asistiron ao pleno deputadas e deputados do Parlamento de Galicia e a directora xeral de Familia, Infancia e Dinamización Demográfica da Xunta.
 

 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-04T14:02:00Z 2019-06-04T14:07:00Z http://www.parlamentodegalicia.gal/Actualidade/2913/
Parlamento de Galicia, Corporación de RTVG e Asociación de Ex-parlamentarios/as impulsan un libro e unha serie sobre as anécdotas da Cámara galega


• O Pazo do Hórreo acolleu esta tarde a presentación do libro Anecdotario do Parlamento, obra do xornalista Jesús Fontenla, director da serie de televisión
 
• Santalices reivindica máis anécdotas e menos chamadas á orde

Santiago, 3 de xuño de 2019.- O Pazo do Hórreo acolleu esta tarde a presentación do libro Anecdotario do Parlamento, obra do xornalista Jesús Fontenla a partir de 90 entrevistas con outros tantos ex-deputados/da Cámara que tamén serviron de base para a elaboración dunha serie de televisión titulada A Recámara, de 7 capítulos, que TVG emitirá en breve.
 
Este proxecto é consecuencia dun convenio asinado no seu momento polo Parlamento de Galicia, a Corporación de Radio e Televisión de Galicia e a Asociación de ex-parlamentarios da Cámara.
 
A presentación do libro, editado polo Parlamento, e da serie de televisión contou coa participación dos presidentes da Xunta, Alberto Núñez Feijóo, e do Parlamento, Miguel Ángel Santalices Vieira; o director xeral da Corporación de Radio e Televisión de Galicia, Alfonso Sánchez Izquierdo; o presidente de Asociación de Ex-parlamentarios/as, Jesús María Fernández Rosende; e o autor do libro e director da serie, Jesús Fontenla.
 
Durante o acto emitíronse diferentes vídeos con extractos das entrevistas con ex-deputados/as da Cámara nas que narran diferentes anécdotas e vivencias relacionadas coa primeira institución de Galicia.
 
O presidente do Parlamento, Miguel Ángel Santalices Vieira, afirmou que o libro presentado hoxe é “necesario e orixinal” por tratarse do primeiro traballo monográfico sobre as anécdotas da Cámara galega.
 
Santalices tivo tamén verbas de agradecemento para todas as persoas e institucións que fixeron posible este proxecto.
Sinalou que A Recámara  é “unha serie necesaria, que urxía facer, para poder contar coas lembranzas e testemuñas, en primeira persoa, dos protagonistas da nosa historia parlamentaria, protagonistas e artífices do noso autogoberno”.
 
Para Santalices Vieira, “esta dobre aposta –serie e libro- é o mellor xeito de abordar e achegar á xente  a historia da Cámara desde unha óptica desenfadada, mais sen perder un ápice de rigor”. Agregou que “a serie era imprescindible nesta época de crecente protagonismo dos produtos audiovisuais, pero o libro segue sendo un formato necesario e demandado”.
 
 
A anécdota humaniza a política
 
O titular da Cámara insistiu en que a anécdota parlamentaria “humaniza a política e, xeralmente, achega os seus protagonistas á xente”.
 
“Oxalá que neste Parlamento –dixo Santalices- dedicásemos máis tempo a anécdotas enxeñosas e menos ou ningún tempo a comportamentos que desembocan en chamadas á orde que todas as presidencia, e eu o primeiro, detestamos”.
O presidente do Lexislativo autonómico reivindicou tamén o traballo das e dos cronistas parlamentarios galegos, “que nada teñen que envexar aos doutras latitudes ou momentos históricos”.
 
Tanto o libro como a serie de televisión céntrase nas sete primeiras Lexislaturas do Parlamento de Galicia nun intento de tomar distancia  respecto aos feitos. O presidente do Parlamento anunciou que o traballo terá continuidade para completalo a medida que avance o tempo.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-06-03T19:25:00Z 2019-06-03T19:28:00Z http://www.parlamentodegalicia.gal/Actualidade/2912/
Proposicións non de lei aprobadas polo Pleno do Parlamento de Galicia o 29 de maio de 2019

 

4.2 41795 (10/PNP-003166)
Grupo Parlamentario de En Marea
Solla Fernández, Eva
Sobre as actuacións que debe levar a cabo o Goberno galego en relación coa regulación das funcións dos técnicos de enfermaría e a  disposición transitoria terceira do Estatuto básico do empregado público
Publicación da iniciativa, BOPG n.º 405, do 03.01.2019
 
O texto aprobado é o seguinte:

“O Parlamento de Galicia insta á Xunta de Galicia a demandar ao Goberno central que solicite ao Consello Interterritorial de Saúde estudar a regulación das funcións dos e das profesionais afectados polo artigo 76 do EBEP para adaptar a normativa existente respecto ao marco normativo de titulacións vixente na actualidade, dentro do principio de lealdade institucional, coa garantía do seu financiamento”.

4.4 47429 (10/PNP-003584)
Grupo Parlamentario de En Marea
Vázquez Verao, Paula
Sobre as actuacións que debe levar a cabo o Goberno galego en relación coas reivindicacións da Plataforma de Familias con Diversidade Funcional de Santiago de Compostela referidas á necesidade de aumentar na comarca o número de prazas residenciais de atención directa para persoas con diversidade funcional
Publicación da iniciativa, BOPG n.º 444, do 13.03.2019
 
O texto aprobado é o seguinte:
 
“O Parlamento de Galicia insta á Xunta a:
 
1.- Reunirse de xeito inmediato coa plataforma de familias con diversidade funcional de Santiago, xunto co Concello de Santiago e outras entidades sociais da comarca que traballan no eido da diversidade funcional, para coñecer as necesidades das persoas con diversidade funcional da zona.
 
2.- Aumentar, coa correspondente dotación orzamentaria, o número de prazas residenciais de atención directa para persoas con diversidade funcional na comarca de Compostela.
 
3.- Instar ao Goberno de España a que axilice os trámites necesarios para garantir a posta en marcha inminente destes usos no CEGADI”.

4.5 49121 (10/PNP-003712)
Grupo Parlamentario Popular de Galicia
Egerique Mosquera, Teresa e 7 máis
Sobre as demandas que debe realizar o Goberno galego ao Goberno central en relación co impacto que tería para a competitividade do sector pesqueiro galego e para o porto de Vigo a aplicación da Instrución da Subdirección Xeral de Sanidade Exterior para a importación de pesca conxelada ou procesada IM/1/2019
Publicación da iniciativa, BOPG n.º 466, do 24.04.2019
 
O texto aprobado é o seguinte:
 
“O Parlamento de Galicia insta á Xunta de Galicia a que demande do Goberno central a adopción de medidas efectivas para evitar restar competitividade ao sector galego e impedir o impacto negativo que a aplicación da instrución para a importación de pesca conxelada ou procesada (IM/1/2019) suporía para o porto de Vigo”.

4.6 49270 (10/PNP-003730)
Grupo Parlamentario Popular de Galicia
Rodríguez Arias, Marta e 8 máis
Sobre as actuacións que debe levar a cabo o Goberno galego en relación cos requisitos exixidos para o mantemento en Galicia da condición de familia numerosa de tipo especial, así como coa recomendación realizada polo Goberno central na materia
Publicación da iniciativa, BOPG n.º 470, do 30.04.2019
 
O texto aprobado é o seguinte:
 
“O Parlamento de Galicia insta á Xunta de Galicia:
 
1. A que en Galicia se manteña a condición de familia numerosa de tipo especial mentres un dos fillos cumpra as condicións de idade, convivencia e dependencia dos pais que esixe a lei, na liña das últimas sentenzas xudiciais e de acordo á recomendación do Defensor del Pueblo.
 
2. A dirixirse ao Goberno de España para que modifique a súa recomendación na materia, para recuperar a homoxeneidade a nivel nacional en beneficio das familias numerosas de tipo especial e adecuarse ao que veñen expresando os tribunais”.

4.7 49733 (10/PNP-003766)
Grupo Parlamentario dos Socialistas de Galicia
Toja Suárez, María Dolores e Otero Rodríguez, Patricia
Sobre o desenvolvemento polo Goberno galego, na décima lexislatura, dun plan de recuperación de permisos de explotación marisqueira especialmente orientado ao sector feminino
Publicación da iniciativa, BOPG n.º 476, do 14.05.2019
 
O texto aprobado é o seguinte:
 
“O Parlamento de Galicia insta o Goberno galego a levar a cabo, nesta lexislatura, un plan de recuperación de permisos de marisqueo, especialmente orientado ao sector feminino”.

Saúdos, Gabinete de Comunicación.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-29T17:28:00Z 2019-05-29T17:29:00Z http://www.parlamentodegalicia.gal/Actualidade/2911/
Campaña de doazón de sangue no Parlamento de Galicia

• As quince campañas de ADOS desenvolvidas na Cámara lexislativa galega acadaron 385 doazóns de sangue
 
Santiago, 29 de maio de 2019.-  Unha unidade móbil da Axencia de Doazón de Órganos e Sangue (ADOS) desprazouse esta mañá ao Parlamento de Galicia para recoller doazóns de sangue.
 
O presidente do Parlamento de Galicia, Miguel Ángel Santalices Vieira, e maila directora da Axencia de Doazón de Órganos e Sangue, Marisa López García, saudaron aos doadores e doadoras que se sumaron a esta campaña.
Unha unidade móbil de doazón de sangue visita polo menos dúas veces ao ano o Parlamento de Galicia, dentro da campaña de recollida de doazóns de sangue que efectúa a Axencia de Doazón de Órganos e Sangue en empresas e organismos públicos e que representa o 9% de todas as doazóns recollidas anualmente en Galicia.
 
Na última campaña de doazón desenvolvida no Parlamento, en decembro de 2018, doaron sangue 24 persoas.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-29T13:46:00Z 2019-05-29T13:46:00Z http://www.parlamentodegalicia.gal/Actualidade/2910/
Moción aprobada polo Pleno do Parlamento de Galicia o 28 de maio de 2019


3.1 49765 (10/MOC-000144)
Grupo Parlamentario do Bloque Nacionalista Galego
Presas Bergantiños, Noa
Sobre as demandas que debe realizar o Goberno galego ao Goberno central e as actuacións que debe levar a cabo en relación coas necesidades de mellora do transporte ferroviario en Galicia, nomeadamente entre Ourense, A Coruña e Santiago de Compostela. (Moción, a consecuencia da Interpelación nº 42269, publicada no BOPG nº 410, do 14.01.2019, e debatida na sesión plenaria do 07.05.2019)
Publicación da iniciativa, BOPG n.º 476, do 14.05.2019
 
O texto aprobado é o seguinte:
 
“O Parlamento galego acorda instar á Xunta de Galicia a:
 
1.- Defender diante do Goberno central os acordos do Pleno do Parlamento galego do pasado 7 de febreiro de 2018 sobre as demandas que debe realizar o Goberno galego ao Goberno central en relación coas necesidades existentes e as melloras  necesarias no transporte ferroviario entre Ourense,  Santiago de Compostela e A Coruña, esixindo que no prazo de dous meses desde a constitución do Goberno se negocie con Galicia un calendario de cumprimento.
 
2.- Demandar do Goberno central que inclúa entre as actuacións un abaratamento da Liña Avant Ourense - Santiago - A Coruña de cando menos un 30%.
 
3.- Demandar do Goberno central que inclúa entre as actuacións o estudo da prolongación da liña Avant Ourense-Santiago-Coruña entre Ourense e Monforte”.

Saúdos, Gabinete de Comunicación.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-28T18:06:00Z 2019-05-28T18:06:00Z http://www.parlamentodegalicia.gal/Actualidade/2908/
Santalices alaba a excelencia da oftalmoloxía galega e española, “unha referencia mundial”

• O presidente do Parlamento de Galicia inaugurou en Santiago o 34 Congreso da Sociedade Española de Cirurxía Ocular Implanto-Refractiva

Santiago, 23 de maio de 2019.- O presidente do Parlamento de Galicia, Miguel Ángel Santalices Vieira, alabou esta mañá a excelencia da oftalmoloxía galega e española, “unha referencia mundial”.
 
Santalices Vieira inaugurou esta mañá en Santiago o 34 Congreso da Sociedade Española de Cirurxía Implanto-Refractiva, onde recordou as orixes do actual Sistema Nacional de Saúde, derivado do artigo 43 da Constitución que recoñece o dereito á protección da saúde. Trátase, ao seu xuízo, dun éxito colectivo sen parangón que fixo aflorar un dos mellores sistemas sanitarios públicos do mundo.
O presidente do Parlamento lembrou a transformación deste sistema, que pasou dun modelo conmutativo  a outro distributivo que garante a asistencia universal. E recordou que a transferencia das competencias sanitarias a Galicia  “permitiu adaptarnos á nosa realidade”.
 
Santiago, capital da oftalmoloxía
 
Santalices tivo palabras de agradecemento para a Sociedade  Española de Cirurxía Ocular Impanto-Refractiva e o seu presidente, o Dr. Ramón Lorente Moore, por ter elixido Santiago de Compostela como sede deste congreso e converter á cidade na “capital da oftalmoloxía”.
 
O presidente do Parlamento felicitouse da participación no acto inaugural do profesor Sánchez Salorio, do que destacou a súa vocación docente e a súa condición de médico humanista.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-23T12:39:00Z 2019-05-23T12:43:00Z http://www.parlamentodegalicia.gal/Actualidade/2907/
Convocatoria Sesión Plenaria para o próximo día 28 de maio ás 10 horas no Pazo do Parlamento

A Presidencia, de conformidade co disposto no artigo 53 do Regulamento do Parlamento, resolveu convocar o Pleno do Parlamento para realizar unha sesión o próximo día 28 de maio de 2019, ás 10:00 horas, no pazo do Parlamento.
De acordo coa Xunta de Portavoces e a Mesa, na reunión do día 21 de maio de 2019, a orde do día da sesión é a seguinte:
 
 
Punto 1. Textos lexislativos
 
1.1 Debate de totalidade do Proxecto de lei de administración dixital de Galicia (doc. núm. 48795, 10/PL-000014)
 Publicación de emendas á totalidade, BOPG n.º 478, do 16.05.2019
 
1.2 Debate de toma en consideración da Proposición de lei, do G.P. do Bloque Nacionalista Galego, de modificación orzamentaria para o impulso dun plan de mellora na atención primaria (doc. núm. 48319, 10/PPL-000038)
 Publicación da iniciativa, BOPG n.º 455, do 03.04.2019
 
1.3 Debate de toma en consideración da Proposición de lei, do G.P. dos Socialistas de Galicia, para a mellora da asistencia primaria no sistema público de saúde de Galicia (doc. núm. 48834,10/PPL-000039)
 Publicación da iniciativa, BOPG n.º 458, do 09.04.2019
 
Punto 2. Comparecencia

 
 50033 (10/CPP-000100)
 Do Sr. conselleiro de Medio Rural, por petición propia, para informar do Plan de prevención e defensa contra os incendios forestais de Galicia (PLADIGA)
 
Punto 3. Mocións
 
3.1 49765 (10/MOC-000144)
 Grupo Parlamentario do Bloque Nacionalista Galego
 Presas Bergantiños, Noa
 Sobre as demandas que debe realizar o Goberno galego ao Goberno central e as actuacións que debe levar a cabo en relación coas necesidades de mellora do transporte ferroviario en Galicia, nomeadamente entre Ourense, A Coruña e Santiago de Compostela. (Moción, a consecuencia da Interpelación nº 42269, publicada no BOPG nº 410, do 14.01.2019, e debatida na sesión plenaria do 07.05.2019)
 Publicación da iniciativa, BOPG n.º 476, do 14.05.2019
 
3.2 49830 (10/MOC-000145)
 Grupo Parlamentario de En Marea
 Cuña Bóveda, María de los Ángeles e Chao Pérez, Luca
 Sobre as actuacións que debe levar a cabo o Goberno galego en relación coa protección e conservación do patrimonio cultural arquitectónico e arqueolóxico. (Moción, a consecuencia da Interpelación nº 49084, publicada no BOPG nº 463, do 17.04.2019, e debatida na sesión plenaria do 07.05.2019)
 Publicación da iniciativa, BOPG n.º 476, do 14.05.2019
 
3.3 49845 (10/MOC-000146)
 Grupo Parlamentario dos Socialistas de Galicia
 Vilán Lorenzo, Patricia
 Sobre as actuacións que debe levar a cabo o Goberno galego en relación co Plan de infraestruturas xudiciais 2010-2015. (Moción, a consecuencia da Interpelación nº 45411, publicada no BOPG nº 430, do 13.02.2019, e debatida na sesión plenaria do 07.05.2019)
 Publicación da iniciativa, BOPG n.º 476, do 14.05.2019
 
Punto 4. Proposicións non de lei
 
4.1 26115 (10/PNP-001841)
 Grupo Parlamentario dos Socialistas de Galicia
 Rodríguez Rumbo, Matilde Begoña e Losada Álvarez, Abel Fermín
 Sobre a presentación polo Goberno galego no Parlamento de Galicia dunha proposta de aplicación dos fondos da Estratexia europea de Investimento Territorial Integrado para axudar a reverter a situación de regresión demográfica das comarcas galegas
 Publicación da iniciativa, BOPG n.º 264, do 21.02.2018
 
4.2 41795 (10/PNP-003166)
 Grupo Parlamentario de En Marea
 Solla Fernández, Eva
 Sobre as actuacións que debe levar a cabo o Goberno galego en relación coa regulación das funcións dos técnicos de enfermaría e a disposición transitoria terceira do Estatuto básico do empregado público
 Publicación da iniciativa, BOPG n.º 405, do 03.01.2019
 
4.3 43946 (10/PNP-003270)
 Grupo Parlamentario do Bloque Nacionalista Galego
 Rivas Cruz, José Luis e 5 máis
 Sobre a elaboración  dun plan de xestión do xabaril
 Publicación da iniciativa, BOPG n.º 417, do 23.01.2019
 
4.4 47429 (10/PNP-003584)
 Grupo Parlamentario de En Marea
 Vázquez Verao, Paula
 Sobre as actuacións que debe levar a cabo o Goberno galego en relación coas reivindicacións da Plataforma de Familias con Diversidade Funcional de Santiago de Compostela referidas á necesidade de aumentar na comarca o número de prazas residenciais de atención directa para persoas con diversidade funcional
 Publicación da iniciativa, BOPG n.º 444, do 13.03.2019
 
4.5 49121 (10/PNP-003712)
 Grupo Parlamentario Popular de Galicia
 Egerique Mosquera, Teresa e 7 máis
 Sobre as demandas que debe realizar o Goberno galego ao Goberno central en relación co impacto que tería para a competitividade do sector pesqueiro galego e para o porto de Vigo a aplicación da Instrución da Subdirección Xeral de Sanidade Exterior para a importación de pesca conxelada ou procesada IM/1/2019
 Publicación da iniciativa, BOPG n.º 466, do 24.04.2019
 
4.6 49270 (10/PNP-003730)
 Grupo Parlamentario Popular de Galicia
 Rodríguez Arias, Marta e 8 máis
 Sobre as actuacións que debe levar a cabo o Goberno galego en relación cos requisitos exixidos para o mantemento en Galicia da condición de familia numerosa de tipo especial, así como coa recomendación realizada polo Goberno central na materia
 Publicación da iniciativa, BOPG n.º 470, do 30.04.2019
 
4.7 49733 (10/PNP-003766)
 Grupo Parlamentario dos Socialistas de Galicia
 Toja Suárez, María Dolores e Otero Rodríguez, Patricia
 Sobre o desenvolvemento polo Goberno galego, na décima lexislatura, dun plan de recuperación de permisos de explotación marisqueira especialmente orientado ao sector feminino
 Publicación da iniciativa, BOPG n.º 476, do 14.05.2019
 
4.8 49806 (10/PNP-003774)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre as actuacións que debe levar a cabo o Goberno galego en relación co concurso convocado para a adxudicación do servizo de transporte sanitario urxente terrestre
 Publicación da iniciativa, BOPG n.º 476, do 14.05.2019
 

Punto 5. Interpelacións
 
5.1 46794 (10/INT-001553)
 Grupo Parlamentario de En Marea
 Miranda Pena, Flora María
 Sobre a política do Goberno galego en relación coa implantación dun novo plan para a atención primaria do sistema sanitario público
 Publicación da iniciativa, BOPG n.º 441, do 06.03.2019
 
5.2 49292 (10/INT-001654)
 Grupo Parlamentario de En Marea
 Quinteiro Araújo, Paula e 4 máis
 Sobre a avaliación das últimas reformas laborais
 Publicación da iniciativa, BOPG n.º 470, do 30.04.2019
 
5.3 49483 (10/INT-001659)
 Grupo Parlamentario dos Socialistas de Galicia
 Álvarez Martínez, Luis Manuel e Burgo López, María de la Concepción
 Sobre a política do Goberno galego en relación coa contratación do servizo público de transporte regular de viaxeiros de uso xeral por estrada
 Publicación da iniciativa, BOPG n.º 474, do 07.05.2019
 
Punto 6. Preguntas para resposta oral do Presidente da Xunta
 
6.1 50030 (10/POPX-000148)
 Grupo Parlamentario de En Marea
 Villares Naveira, Luis
 Sobre as actuacións previstas polo Goberno galego para acabar coa eventualidade das traballadoras dos servizos públicos fundamentais de Galicia
 
6.2 50031 (10/POPX-000149)
 Grupo Parlamentario do Bloque Nacionalista Galego
 Pontón Mondelo, Ana Belén
 Sobre a actuación que está a levar a cabo o Goberno galego para garantir o dereito da cidadanía a unha vivenda digna
 
6.3 50032 (10/POPX-000150)
 Grupo Parlamentario dos Socialistas de Galicia
 Fernández Leiceaga, Xoaquín María
 Sobre as previsións do Goberno galego respecto da posta en marcha dunha colaboración efectiva coas institucións locais
 
Punto 7. Preguntas ao Goberno
 
 
7.1 49640 (10/POP-005909)
 Grupo Parlamentario dos Socialistas de Galicia
 Otero Rodríguez, Patricia e 3 máis
 Sobre o prazo previsto polo Goberno galego para a habilitación, no Xulgado de Violencia sobre a Muller de Viveiro, dun espazo digno como sala de espera para as mulleres maltratadas
 Publicación da iniciativa, BOPG n.º 476, do 14.05.2019
 
7.2 49111 (10/POP-005850)
 Grupo Parlamentario de En Marea
 Sánchez García, Antón e Cal Ogando, Marcos
 Sobre as actuacións que está a levar a cabo a Xunta de Galicia para atender as demandas dos traballadores da empresa Transportes Pacholo, S.L., subcontratada para a prestación do servizo de recollida de residuos urbanos
 Publicación da iniciativa, BOPG n.º 466, do 24.04.2019
 
7.3 50011 (10/PUP-000248)
 Grupo Parlamentario de En Marea
 Sánchez García, Antón
 Sobre o estado de tramitación no que se atopa o procedemento administrativo correspondente ao proxecto de reapertura da mina de Touro, no concello do Pino, en relación cos prazos establecidos na Lei 21/2013, do 9 de decembro, de avaliación ambiental
7.4 44829 (10/POP-005346)
 Grupo Parlamentario Popular de Galicia
 Antón Vilasánchez, María Ángeles e 9 máis
 Sobre as actuacións levadas a cabo polo Goberno galego para avanzar na construción e posta en marcha do edificio Fontán na Cidade da Cultura de Galicia
 Publicación da iniciativa, BOPG n.º 427, do 06.02.2019
 
7.5 44906 (10/POP-005361)
 Grupo Parlamentario Popular de Galicia
 Rodríguez Barreira, María Julia e 9 máis
 Sobre o balance que fai a Xunta de Galicia respecto do procedemento administrativo seguido para a declaración da Ribeira Sacra como ben de interese cultural
 Publicación da iniciativa, BOPG n.º 427, do 06.02.2019
 
7.6 46718 (10/POP-005562)
 Grupo Parlamentario de En Marea
 Solla Fernández, Eva
 Sobre as razóns do Goberno galego para non solucionar a curto prazo as demandas dos profesionais dos puntos de atención continuada
 Publicación da iniciativa, BOPG n.º 441, do 06.03.2019
 
7.7 49714 (10/POP-005912)
 Grupo Parlamentario do Bloque Nacionalista Galego
 Presas Bergantiños, Noa e 5 máis
 Sobre as razóns do Goberno galego para non cubrir as prazas de médicos vacantes por xubilación na atención primaria da comarca de Valdeorras
 Publicación da iniciativa, BOPG n.º 476, do 14.05.2019
 
7.8 50024 (10/PUP-000249)
 Grupo Parlamentario do Bloque Nacionalista Galego
 Rodil Fernández, Olalla e 5 máis
 Sobre as medidas que vai adoptar a Xunta de Galicia para garantir o dereito da poboación infantil da Estrutura Organizativa de Xestión Integrada da Mariña-Lugo-Monforte a recibir unha atención temperá de calidade
 
7.9 50029 (10/PUP-000250)
 Grupo Parlamentario dos Socialistas de Galicia
 Torrado Quintela, Julio e 2 máis
 Sobre as razóns do Goberno galego para suprimir, na licitación do servizo de transporte sanitario urxente terrestre, un técnico de emerxencias sanitarias nas ambulancias de soporte vital avanzado do Salnés, Foz e Monforte
 
7.10 48505 (10/POP-005795)
 Grupo Parlamentario Popular de Galicia
 Arias Rodríguez, Raquel e 8 máis
 Sobre o balance do Goberno galego respecto do funcionamento da Tarxeta Benvida dende a súa posta en marcha
 Publicación da iniciativa, BOPG n.º 458, do 09.04.2019

Os grupos parlamentarios poderán presentar emendas ás mocións e ás proposicións non de lei ata seis horas antes do inicio da sesión, ao abeiro do disposto no artigo 161.2 do Regulamento.
Santiago de Compostela, 21 de maio de 2019
 
Miguel Ángel Santalices Vieira
Presidente
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-21T14:54:00Z 2019-05-21T14:54:00Z http://www.parlamentodegalicia.gal/Actualidade/2905/
Santalices anima ao conxunto da sociedade a recoñecer o labor “infatigable” do persoal docente


• “Sen os profesores non seriamos nada; son a base do sistema educativo”, afirma
 
• O Parlamento de Galicia acolleu unha comisión infantil da Campaña Mundial pola Educación

Santiago, 21 de maio de 2019.- O Parlamento de Galicia acolleu este mediodía a celebración dunha comisión infantil organizada pola Campaña Mundial pola Educación, coa colaboración da Dirección Xeral de Relacións Exteriores e coa Unión Europea da Xunta,  para chamar a atención sobre o dereito á educación e as consecuencias do cambio climático.
 
O presidente do Parlamento de Galicia, Miguel Ángel Santalices Vieira, agradeceu á Campaña Mundial pola Educación ter elixido a Cámara galega como escenario para esta actividade, un espazo que considerou acaído, tanto polo empeño do Lexislativo galego por abrirse á xente, como polo compromiso da institución co estado de benestar e os piares que o sosteñen; sanidade, educación e servizos sociais.
 
“Todas e todos coincidimos en que a educación constitúe un alicerce determinante para o desenvolvemento e o benestar presente e futuro de calquera sociedade”, afirmou Santalices.
Para o presidente do Parlamento de Galicia resulta imprescindible “incidir sen desmaio na importancia da educación”, recordando que do esforzo que os máis novos dediquen agora á súa formación dependerán, en boa medida, o seu éxito ou fracaso persoal e profesional na etapa adulta.
Incidiu tamén Santalices na importancia de “formar persoas con criterio”, capaces de pensar e decidir por si mesmas.

A xuízo do titular do Lexislativo galego resulta tamén necesario que a sociedade recoñeza o labor do persoal docente, a “actitude infatigable dos profesores, porque sen os profesores non seriamos nada; son a base do sistema educativo”.
 
Como exemplo dese compromiso necesario, Santalices recordou ao recente gañador do Global Teacher Prize, considerado o Premio Nobel da educación, un profesor de ciencias que imparte clase nunha remota poboación de Kenia. O mellor profesor do mundo, Peter Tabichi, traballa  nunha área deprimida e carente de boa parte do equipamento do primeiro mundo.
 
Intervintes
 
O acto contou coa intervención do portavoz da coalición galega da Campaña Mundial pola Educación, José Luis Barreiro Areses, e de alumnado de cinco centros educativos galegos: IES de Vilalonga (Sanxenxo), IES Arcebispo Xelmírez I de Santiago de Compostela, CPI Virxe de Cela de Monfero, Colexio Apóstol Santiago de Vigo e Colexio Miralba, de Vigo.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-21T13:57:00Z 2019-05-21T13:57:00Z http://www.parlamentodegalicia.gal/Actualidade/2904/
Acordo da Comisión 6ª. Industria, Enerxía, Comercio e Turismo, celebrada o día 16-05-2019

A  Comisión 6ª, Industria, Enerxía, Comercio e Turismo, na súa sesión do 16 de maio de 2019, adoptou os seguintes acordos:
 
Procedementos de control e impulso
 
Proposicións non de lei en Comisión
 
Aprobación sen modificacións

 
- 49408 (10/PNC-004002)
Grupo Parlamentario Popular de Galicia
Antón Vilasánchez, María Ángeles e 6 máis
Sobre a posta en marcha polo Goberno galego de actuacións de promoción do uso da madeira na construción dirixidas aos profesionais, promotores e usuarios
BOPG n.º 470, do 30.04.2019
 
Sométese a votación e resulta aprobada sen modificacións por 9 votos a favor, 0 votos en contra e 3 abstencións.
 
O texto aprobado é o seguinte:
 
 
“O Parlamento de Galicia insta á Xunta de Galicia para que poña en marcha accións de promoción do uso da madeira en construción dirixidas a profesionais, promotores e usuarios que contribúan a difundir as vantaxes do seu emprego permitindo a valorización dos produtos da industria forestal galega”.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-16T13:28:00Z 2019-05-16T14:07:00Z http://www.parlamentodegalicia.gal/Actualidade/2903/
Os reitores das universidades galegas visitan o Parlamento

 
 
Santiago, 9 de maio de 2019.- Os reitores das tres universidades galegas visitaron hoxe o Parlamento de Galicia, onde mantiveron un encontro institucional co presidente da Cámara, Miguel Ángel Santalices Vieira. 
O encontro celebrouse a petición dos reitores para trasladar a situación do Sistema Universitario de Galicia e de cada unha das súas universidades, así como os retos de futuro.
 
 
Saúdos, Gabinete de Comunicación.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-09T16:55:00Z 2019-05-09T16:56:00Z http://www.parlamentodegalicia.gal/Actualidade/2902/
Proposicións non de lei aprobadas polo Pleno do Parlamento de Galicia o 8 de maio de 2019

3.2 40520 (10/PNP-003045)
Grupo Parlamentario Popular de Galicia
Rodríguez Barreira, María Julia e 6 máis
Sobre o inicio polo Goberno galego, no ano 2019, da contratación dos proxectos construtivos, así como da redacción do informe de impacto ambiental, do treito A Pobra de San Xiao-Nadela da vía de altas prestacións Lugo-Monforte de Lemos
Publicación da iniciativa, BOPG n.º 390, do 28.11.2018
 
O texto aprobado é o seguinte:
 
“O Parlamento de Galicia insta á Xunta de Galicia a iniciar a contratación no ano 2019 dos proxectos construtivos e de impacto ambiental do treito A Pobra de San Xiao-Nadela a fin de avanzar de forma definitiva no total desdobramento desta infraestrutura, tendo presente o desdobramento futuro do tramo Sarria-Monforte, a abordar unha vez que se vaia materializando o tramo Sarria-Lugo”.
  
3.5 48340 (10/PNP-003658)
Grupo Parlamentario Popular de Galicia
Trenor López, Gonzalo e 7 máis
Sobre as actuacións que debe levar a cabo o Goberno galego co fin de garantir o abastecemento de auga á poboación diante de posibles situacións de seca
Publicación da iniciativa, BOPG n.º 458, do 09.04.2019
 
O texto aprobado é o seguinte:
 
1.- Demandar dos concellos a elaboración dos plans de emerxencia ante situacións de seca e levar a cabo as actuacións necesarias na rede municipal de abastecemento ao obxecto de solucionar os problemas existentes e evitar a perda de auga en rede, en aras de estar mellor preparados ante posibles situacións de diminución dos recursos hídricos dispoñibles.
 
2.- Instar ás Deputacións Provinciais a que presten apoio a aqueles municipios que carezan de recursos técnicos e económicos para a realización dos plans de emerxencia ante situacións de seca.
 
3.- Prestar asesoramento e apoio cando así sexa requirido por parte das administracións locais na elaboración dos seus respectivos plans de emerxencia ante situacións de seca.
 
4.- Exercer un labor de coordinación entre os plans de emerxencia municipais e o Plan de seca da demarcación hidrográfica Galicia Costa elaborado pola Administración hidráulica galega”.
 
3.7 49026 (10/PNP-003703)
Grupo Parlamentario dos Socialistas de Galicia
Burgo López, María de la Concepción e Álvarez Martínez, Luis Manuel
Sobre a elaboración e presentación polo Goberno galego no Parlamento de Galicia dun informe referido ás denuncias ou queixas presentadas nos últimos seis anos por dificultar o uso das linguas oficiais de Galicia, o tipo de resposta ofrecida e as medidas adoptadas ao respecto
Publicación da iniciativa, BOPG n.º 463, do 17.04.2019
 
O texto aprobado é o seguinte:
 
“O Parlamento de Galicia insta a Xunta de Galicia a que, no prazo máximo de tres meses, elabore e presente en sede parlamentaria un informe no que se detalle o número de denuncias ou queixas presentadas nos últimos seis anos ante os servizos competentes por dificultar o uso dalgunha das linguas oficiais de Galicia por parte de administracións ou entidades públicas situadas en Galicia incluídos os órganos xudiciais, e das empresas e servizos privados, o tipo de resposta ofrecido e, no seu caso, as medidas adoptadas para reparar a vulneración do dereito dos cidadáns á libre elección de lingua”.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-08T14:08:00Z 2019-05-08T14:08:00Z http://www.parlamentodegalicia.gal/Actualidade/2901/
Santalices anima á mocidade a apostar polo traballo en equipo e o debate sosegado, “alicerces de calquera sociedade plural”

 
• O titular da Cámara galega clausurou esta mediodía, acompañado pola conselleira de Política Social, a décima edición do certame dialéctico Parlamento Xove, no que participou alumnado de ESO, Bacharelato e universitario

Santiago, 4 de maio de 2019.- O presidente do Parlamento de Galicia, Miguel Ángel Santalices Vieira, acompañado pola conselleira de Política Social da Xunta, Fabiola García Martínez, clausurou este mediodía a fase final do certame dialéctico Parlamento Xove que contou con participantes de ESO e Bacharelato, aos que nesta décima edición se sumou tamén estudantado universitario.
Santalices felicitouse polo constante crecemento deste programa, tanto en aceptación e prestixio, como no abano de participantes, xa que Parlamento Xove incorporou este ano equipos universitarios.
 
O presidente da Cámara felicitou aos participantes nesta iniciativa, aos que animou a sumarse a calquera iniciativa que estimule o traballo en equipo, a competición dialéctica e o debate sosegado, “alicerces de calquera sociedade plural na que sensibilidades non coincidentes cohabitan en harmonía”.
 
Cultivo da oratoria
 
A xuízo de Santalices, a competición que agora conclúe “acredita que o cultivo da oratoria e a argumentación, lonxe de ser unha rara excepción, como acontecía décadas atrás, é hoxe unha realidade fecunda, presente no nosos sistema educativo e que irradia os seus efectos sobre o conxunto da sociedade actual e futura”.
 
Recordou, nesta liña, que “canto maior sexa a capacidade expositiva e de persuasión dunha persoa, maiores serán as súas posibilidades de éxito  persoal e profesional; habilidades comunicativas, sociais e emocionais, básicas nunha sociedade complexa, cambiante, na que o coñecemento está á nosa disposición a tan só un click de distancia”.
 
Abundando nesta idea, Santalices Vieira apuntou que mentres que determinados contidos se poden googlear, “as solucións imaxinativas e adaptadas a cada situación non”.
Para o presidente do Parlamento “unha máquina nunca poderá razoar nin argumentar como unha persoa; un ordenador xamais poderá articular un discurso enxeñoso, ás veces irónico, a partir da flexibilidade, a creatividade, o espírito crítico e a curiosidade intelectual de quen o pronuncia”.
 
Galicia, polo bo camiño
 
Os debates que onte e hoxe tiveron lugar no Parlamento de Galicia acreditan, en opinión de Santalices, que “Galicia vai polo bo camiño, con mozas e mozos creativos, dotados dunha curiosidade intelectual infinita, que cultivan con intensidade cada día”.
 
Galardoados
 
O premio aos mellores oradores de ESO recaeron en Guillermo Martínez Montáns (Colexio Sagrada Familia de Vilagarcía), Uxía Durán Acevedo (Colexio Sagrada Familia de Vilagarcía), Carlos Lorenzo Otero (Colexio Sek Atlántico, de Poio) e Sofía Buitrón Álvarez (Colexio Escolapios, de Monforte). 
 
O galardón aos mellores oradores de Bacharelato foi para Miguel Silva Rodríguez (Colexio San José FEC, de Lugo); Alejando Alvarellos Villaverde (Colexio Lasalle, de Santiago) e para Ana Lucía Pampín Torres (IES Marco do Camballón, de Vila de Cruces).
 
Por equipos, na categoría de ESO, o equipo campión foi o CPR Plurilingüe Sagrada Familia de Vilagarcía de Arousa, mentres que resultou subcampión a CPR Maristas Inmaculada, de Lugo.
 
Na categoría de Bacharelato, o campión foi o IES Lucus Augusti, de Lugo; e subcampión o Colexio Lasalle, de Santiago.
 
Xa na categoría de Universidade, resultou campión o  Campus de Santiago (equipo 3), e subcampión o Campus de Lugo.
O programa Parlamento Xove está organizado pola Dirección Xeral de Xuventude, Participación e Voluntariado da Consellería de Política Social da Xunta, coa colaboración do Parlamento de Galicia, onde se celebran os debates semifinais e finais do certame.
 
 
Saúdos, Gabinete de Comunicación.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-04T14:35:00Z 2019-05-04T15:00:00Z http://www.parlamentodegalicia.gal/Actualidade/2900/
Acordos acadados na sesión da Comisión 8ª, Pesca e Marisqueo, celebrada o día 03-05-2019

A Comisión 8ª, Pesca e Marisqueo, na súa sesión do 3 de maio de 2019, adoptou os seguintes acordos:
 
Procedementos de control e impulso
Proposicións non de lei en Comisión

 
Aprobación por unanimidade con modificacións
 
- 46668 (10/PNC-003752)
Grupo Parlamentario do Bloque Nacionalista Galego
Bará Torres, Xosé Luís e 5 máis
Sobre a realización por parte do Goberno galego das actuacións precisas para garantir a operatividade da base de salvamento marítimo da Costa da Morte cos medios humanos e aéreos necesarios as vinte e catro horas do día os trescentos sesenta e cinco días do ano
BOPG n.º 437, do 27.02.2019
 
Sométese a votación e resulta aprobada con modificacións respecto do texto orixinal, pola unanimidade dos 11 deputados e deputadas presentes.
 
O texto aprobado é o seguinte:
 
"O Parlamento de Galicia insta o Goberno galego a realizar de inmediato todas as acción precisas diante do Ministerio de Fomento para que a base de Salvamento Marítimo, dependente dese Ministerio, na Costa da Morte estea operativa, con medios aéreos e humanos que actúen durante as 24 horas do día os 365 días do ano."
 
Aprobación por unanimidade sen modificacións
 
- 47198 (10/PNC-003808)
Grupo Parlamentario dos Socialistas de Galicia
Toja Suárez, María Dolores e Otero Rodríguez, Patricia
Sobre as actuacións que debe levar a cabo o Goberno galego en relación co depósito de bolsas de plástico e desperdicios descuberto no porto de Malpica
BOPG n.º 444, do 13.03.2019
 
Sométese a votación e resulta aprobada sen modificacións pola unanimidade dos 11 deputados e deputadas presentes.
 
O texto aprobado é o seguinte:
 
"O Parlamento de Galicia insta o Goberno galego para que:
 
1º) Leve a cabo una campaña informativa sobre as consecuencias da mala xestión dos residuos, tanto na fauna mariña como para a seguridade das embarcacións en augas interiores.
 
2º) Realice labores de limpeza nas dársenas portuarias durante este ano 2019 e seguintes."
 
- 47823 (10/PNC-003869)
Grupo Parlamentario dos Socialistas de Galicia
Toja Suárez, María Dolores e Otero Rodríguez, Patricia
Sobre a execución polo Goberno galego, antes do remate do actual período de sesións, das actuacións comprometidas para o mantemento da dársena do porto de Camariñas
BOPG n.º 450, do 27.03.2019
 
Sométese a votación e resulta aprobada sen modificacións pola unanimidade dos 11 deputados e deputadas presentes.
 
O texto aprobado é o seguinte:
 
"O Parlamento de Galicia insta o Goberno galego a levar a cabo, antes de que remate este período de sesións, as actuacións comprometidas no seu día, para o mantemento da dársena do Porto de Camariñas."
 
- 48678 (10/PNC-003931)
Grupo Parlamentario de En Marea
Miranda Pena, Flora María e Quinteiro Araújo, Paula
Sobre a demanda polo Goberno galego ao Goberno central da reconsideración dos coeficientes redutores da idade de xubiliación para o colectivo de mulleres redeiras, así como as actuacións que se deben levar a cabo en relación coas condicións laborais, salariais, de protección da saúde e de representación que padecen
BOPG n.º 458, do 09.04.2019
 
Sométese a votación e resulta aprobada sen modificacións pola unanimidade dos 11 deputados e deputadas presentes.
 
O texto aprobado é o seguinte:
 
"O Parlamento de Galicia insta a Xunta de Galicia a dirixirse ao Goberno Central para a reconsideración dos coeficientes redutores neste colectivo profesional. Así mesmo ínstase ás administración competentes a traballar polo coñecemento, mellora e regulación das condicións laborais, salariais, de protección da saúde e de representación dos colectivos de mulleres redeiras, empregando o enfoque de xénero."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-03T14:07:00Z 2019-05-03T14:07:00Z http://www.parlamentodegalicia.gal/Actualidade/2899/
Acordos da Comisión 5ª, Sanidade, Política Social e Emprego, celebrada o 02-05-2019

A  Comisión 5ª, Sanidade, Política Social e Emprego, na súa sesión do 2 de maio de 2019, adoptou os seguintes acordos:
 
Procedementos de control e impulso
 
Proposicións non de lei en Comisión

Aprobación sen modificacións
 
- 48661 (10/PNC-003929)
Grupo Parlamentario Popular de Galicia
Tellado Filgueira, Miguel Ángel e 8 máis
Sobre as xestións que debe realizar o Goberno galego diante do Goberno central en relación cos criterios de repartición de fondos ás comunidades autónomas para políticas activas de emprego
BOPG n.º 458, do 09.04.2019
 
Sométese a votación e resulta aprobada sen modificacións por 7 votos a favor, 0 votos en contra e 5 abstencións.
O texto aprobado é o seguinte:
 
"O Parlamento de Galicia insta a Xunta de Galicia a dirixirse ao Goberno de España para retomar os criterios de distribución dos fondos ás comunidades autónomas para políticas activas de emprego, nos que se primaba ás comunidades que como Galicia están a impulsar programas pioneiros e innovadores que favorecen a creación de emprego estable e con futuro."

 
Aprobación por unanimidade con modificacións
 
- 49214 (10/PNC-003979)
Grupo Parlamentario Popular de Galicia
Salorio Porral, María Soraya e 7 máis
Sobre as demandas que debe realizar o Goberno galego ao Goberno central en relación coas demoras que están a padecer as mulleres mariscadoras, percebeiras, redeiras e traballadoras da pesca artesanal no recoñecemento do dereito a unha prestación económica do sistema de Seguridade Social por risco durante o embarazo. (Procedemento de urxencia)
BOPG n.º 463, do 17.04.2019
 
Sométese a votación xunto coa transacción da emenda do G. P. do Bloque Nacionalista Galego, doc. núm. 49503, e resulta aprobada pola unanimidade dos 12 deputados e deputadas presentes.
 
O texto aprobado, con modificacións respecto do texto orixinal, é o seguinte:
 
"O Parlamento de Galicia insta a Xunta a:
 
- Solicitar ao Goberno do Estado que leve a cabo as actuacións oportunas para garantir una maior simplicidade e axilidade na tramitación das prestacións por risco durante o embarazo en favor de mariscadoras, percebeiras, redeiras e traballadoras da pesca artesanal por parte da entidade á que lle corresponde esta tramitación, ben sexa o Instituto Social da Mariña ou as mutuas colaboradoras coa Seguridade Social.
 
Moi especialmente que non se solicite a estas traballadoras a
achega de ningún documento non esixido pola normativa aplicable e que se leven a cabo os trámites precisos no prazo máis breve posible.
 
- A realizar un estudo sobre a situación laboral das mulleres traballadoras do mar: cotizacións, prestacións que reciben, coeficientes redutores..., para en base a este informe poder realizar as outras peticións das modificacións que procedan para mellorar a súa situación."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-02T16:22:00Z 2019-05-02T16:23:00Z http://www.parlamentodegalicia.gal/Actualidade/2898/
A secretaria xeral de Igualdade da Xunta entrega ao presidente do Parlamento o Informe sobre violencia de xénero de 2018


Santiago, 2 de maio de 2019-  A secretaria xeral de Igualdade da Xunta, Susana López Abella, entregou este martes ao presidente do Parlamento de Galicia, Miguel Ángel Santalices Vieira, o Informe anual 2018 sobre violencia de xénero en Galicia e o Informe anexo referido ás violencias sexuais.
Unha vez que o documento sexa cualificado pola Mesa do Parlamento, a secretaria xeral presentará o informe nunha sesión da Comisión 5ª, Sanidade, Política Social e Emprego.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-02T14:38:00Z 2019-05-06T10:05:00Z http://www.parlamentodegalicia.gal/Actualidade/2897/
Convocatoria sesión plenaria para o próximo día 7 de maio ás 10 horas no pazo do Parlamento

A Presidencia, de conformidade co disposto no artigo 53 do Regulamento do Parlamento, resolveu convocar o Pleno do Parlamento para realizar unha sesión o próximo día 7 de maio de 2019, ás 10:00 horas, no pazo do Parlamento.
 
De acordo coa Xunta de Portavoces e a Mesa, na reunión do día 30 de abril de 2019, a orde do día da sesión é a seguinte:
 
Punto 1. Textos lexislativos
 
1.1 Proposta de tramitación polo procedemento de  lectura única do Proxecto de lei polo que se concede un suplemento de crédito para o reforzo de actuacións prioritarias para o ano 2019  e, se é o caso, debate e votación do dito proxecto (doc. núm. 49436, 10/PL-000015)
Publicación da iniciativa, BOPG n.º 469, do 29.04.2019

1.2 Debate de totalidade do Proxecto de lei de ordenación farmacéutica de Galicia (doc. núm. 47930, PL-000013)
Publicación da iniciativa, BOPG n.º 446, do 21.03.2019                 
Publicación de emendas á totalidade, BOPG n.º 460, do 12.04.2019 
 

Punto 2. Mocións
 
2.1 49575 (10/MOC-000141)
Grupo Parlamentario dos Socialistas de Galicia
Álvarez Martínez, Luis Manuel
Sobre a actuación que debe levar a cabo o Goberno galego en relación co réxime horario do persoal docente non universitario. (Moción, a consecuencia da Interpelación n.º 47773, publicada no BOPG n.º 446, do 21.03.2019, e debatida na sesión plenaria do 29.04.2019)
 
2.2 49577 (10/MOC-000142)
Grupo Parlamentario dos Socialistas de Galicia
Torrado Quintela, Julio
Sobre as actuacións que debe levar a cabo o Goberno galego en relación coa situación do servizo de fisioterapia no Sistema público de saúde. (Moción, a consecuencia da Interpelación n.º 45516, publicada no BOPG n.º 430, do 13.02.2019, e debatida na sesión plenaria do 29.04.2019)
 
2.3 49578 (10/MOC-000143)
Grupo Parlamentario de En Marea
Sánchez García, Antón
Sobre as actuacións que debe levar a cabo o Goberno galego en relación cos sectores da minaría, enerxía, auga e residuos. (Moción, a consecuencia da Interpelación n.º 19848, publicada no BOPG n.º 211, do 15.11.2017, e debatida na sesión plenaria do 29.04.2019)
 
 
Punto 3. Proposicións non de lei
 
3.1 39703 (10/PNP-002965)
Grupo Parlamentario dos Socialistas de Galicia
Álvarez Martínez, Luis Manuel e Burgo López, María de la Concepción
Sobre as actuacións que debe levar a cabo Goberno galego en relación co mapa escolar de Galicia, o modelo de comedores escolares e o servizo de transporte escolar
Publicación da iniciativa, BOPG n.º 383, do 14.11.2018
 
3.2 40520 (10/PNP-003045)
Grupo Parlamentario Popular de Galicia
Rodríguez Barreira, María Julia e 6 máis
Sobre o inicio polo Goberno galego, no ano 2019, da contratación dos proxectos construtivos, así como da redacción do informe de impacto ambiental, do treito A Pobra de San Xiao-Nadela da vía de altas prestacións Lugo-Monforte de Lemos
Publicación da iniciativa, BOPG n.º 390, do 28.11.2018
 
3.3 43406 (10/PNP-003244)
Grupo Parlamentario do Bloque Nacionalista Galego
Presas Bergantiños, Noa e 5 máis
Sobre as actuacións que debe levar a cabo o Goberno galego e a demanda que debe realizar ao Goberno central para garantir o mantemento dos centros produtivos e dos postos de traballo de Alcoa en Galicia, así como o establecemento dunha nova tarifa eléctrica industrial para a industria electrointensiva
Publicación da iniciativa, BOPG n.º 417, do 23.01.2019
 
3.4 44919 (10/PNP-003366)
Grupo Parlamentario de En Marea  
Cal Ogando, Marcos e Quinteiro Araújo, Paula
Sobre as actuacións que debe levar a cabo Xunta de Galicia en relación coa atención sanitaria aos pacientes transexuais e os requisitos exixidos para o seu acceso a procedementos médicos de transición, así como de recoñecemento legal da súa identidade
Publicación da iniciativa, BOPG n.º 427, do 06.02.2019
 
3.5 48340 (10/PNP-003658)
Grupo Parlamentario Popular de Galicia
Trenor López, Gonzalo e 7 máis
Sobre as actuacións que debe levar a cabo o Goberno galego co fin de garantir o abastecemento de auga á poboación diante de posibles situacións de seca
Publicación da iniciativa, BOPG n.º 458, do 09.04.2019
 
3.6 48750 (10/PNP-003685)
Grupo Parlamentario de En Marea
Cuña Bóveda, María de los Ángeles e Chao Pérez, Luca
Sobre as actuacións que debe levar a cabo a Xunta de Galicia en relación co uso do galego nas entidades bancarias
Publicación da iniciativa, BOPG n.º 458, do 09.04.2019
 
3.7 49026 (10/PNP-003703)
Grupo Parlamentario dos Socialistas de Galicia
Burgo López, María de la Concepción e Álvarez Martínez, Luis Manuel
Sobre a elaboración e presentación polo Goberno galego no Parlamento de Galicia dun informe referido ás denuncias ou queixas presentadas nos últimos seis anos por dificultar o uso das linguas oficiais de Galicia, o tipo de resposta ofrecida e as medidas adoptadas ao respecto
Publicación da iniciativa, BOPG n.º 463, do 17.04.2019
 
3.8 49208 (10/PNP-003721)
Grupo Parlamentario do Bloque Nacionalista Galego
Rivas Cruz, José Luis e 5 máis
Sobre as actuacións que debe levar a cabo o Goberno galego en relación coa posible afectación da actividade das industrias xestoras de residuos e do uso de fertilizantes agrícolas derivados das lamas da depuración na saúde da poboación e no normal estado dos solos e dos acuíferos do concello das Somozas
Publicación da iniciativa, BOPG n.º 466, do 24.04.2019
 

Punto 4. Interpelacións
 
4.1 42269 (10/INT-001407)
Grupo Parlamentario do Bloque Nacionalista Galego
Presas Bergantiños, Noa e 5 máis
Sobre as necesidades de mellora do transporte ferroviario en Galicia, nomeadamente entre Ourense e A Coruña e Santiago de Compostela
Publicación da iniciativa, BOPG n.º 410, do 14.01.2019
 
4.2 45411 (10/INT-001492)
Grupo Parlamentario dos Socialistas de Galicia
Vilán Lorenzo, Patricia e 2 máis
Sobre a política da Xunta de Galicia en relación co servizo público da Xustiza
Publicación da iniciativa, BOPG n.º 430, do 13.02.2019
 
4.3 49084 (10/INT-001640)
Grupo Parlamentario de En Marea  
Cuña Bóveda, María de los Ángeles e Chao Pérez, Luca
Sobre a política do Goberno galego en relación coa protección e conservación do patrimonio cultural arquitectónico e arqueolóxico
Publicación da iniciativa, BOPG n.º 463, do 17.04.2019
 
 
Punto 5. Preguntas para resposta oral do Presidente da Xunta de Galicia
 
5.1 49474 (10/POPX-000145)
Grupo Parlamentario de En Marea
Villares Naveira, Luis
Sobre a valoración da situación e resultados das políticas de emprego do Goberno galego
 
5.2 49491 (10/POPX-000146)
Grupo Parlamentario do Bloque Nacionalista Galego
Pontón Mondelo, Ana Belén
Sobre o cumprimento do mandato do artigo 5.3 do Estatuto de autonomía de Galicia coa política lingüística do Goberno galego
 
5.3 49492 (10/POPX-000147)
Grupo Parlamentario dos Socialistas de Galicia
Fernández Leiceaga, Xoaquín María
Sobre o balance das políticas do Goberno galego en materia de equilibrio territorial
 

Punto 6. Preguntas ao Goberno
 
6.1 46398 (10/POP-005522)
Grupo Parlamentario Popular de Galicia
Amigo Díaz, María Encarnación e 8 máis
Sobre a situación na que se atopan cada un dos proxectos promovidos pola Xunta de Galicia para o novo barrio da Residencia, en Lugo
Publicación da iniciativa, BOPG n.º 437, do 27.02.2019
 
6.2 48909 (10/POP-005835)
Grupo Parlamentario dos Socialistas de Galicia
Toja Suárez, María Dolores e 2 máis
Sobre o estado de execución no que se atopa o acordo parlamentario referido á análise de viabilidade da creación dun enlace directo entre a autovía da Costa da Morte e o polígono industrial de Vimianzo, en dirección a Camariñas
Publicación da iniciativa, BOPG n.º 463, do 17.04.2019
 
6.3 49465 (10/PUP-000245)
Grupo Parlamentario Popular de Galicia
Fernández Prado, Martín e 6 máis
Sobre as razóns do Goberno galego para suspender, de xeito temporal, o proceso de contratación das concesións de transporte público interurbano por estrada de Galicia
 
6.4 49472 (10/PUP-000246)
Grupo Parlamentario dos Socialistas de Galicia
Díaz Villoslada, Juan Manuel e 2 máis
Sobre as previsións do Goberno galego para a posta en servizo da nova estación intermodal da Coruña
 
6.5 46731 (10/POP-005568)
Grupo Parlamentario do Bloque Nacionalista Galego
Presas Bergantiños, Noa e 5 máis
Sobre as actuacións levadas a cabo ou previstas polo Goberno galego para evitar a desaparición da empresa Isowat, na Coruña
Publicación da iniciativa, BOPG n.º 441, do 06.03.2019
 
6.6 43134 (10/POP-005108)
Grupo Parlamentario Popular de Galicia
Fernández Gil, César Manuel e 7 máis
Sobre o proxecto que está previsto implantar en Ourense relacionado coa innovación na formación profesional
Publicación da iniciativa, BOPG n.º 417, do 23.01.2019
 
6.7 48852 (10/POP-005832)
Grupo Parlamentario dos Socialistas de Galicia
Otero Rodríguez, Patricia e 2 máis
Sobre as medidas previstas polo Goberno galego para corrixir as deficiencias de mantemento que presenta o edificio do Centro de Saúde de Foz
Publicación da iniciativa, BOPG n.º 463, do 17.04.2019
 
6.8 49475 (10/PUP-000247)
Grupo Parlamentario de En Marea
Solla Fernández, Eva
Sobre as medidas previstas para resolver a situación de precariedade na que se atopa o persoal eventual de enfermaría no Sergas
 
6.9 49137 (10/POP-005852)
Grupo Parlamentario do Bloque Nacionalista Galego
Bará Torres, Xosé Luís e 5 máis
Sobre as previsións do Goberno galego respecto da ampliación dos equipos de valoración da discapacidade na zona norte da provincia de Pontevedra e no resto das zonas
Publicación da iniciativa, BOPG n.º 466, do 24.04.2019
 
6.10 49160 (10/POP-005854)
Grupo Parlamentario de En Marea
Quinteiro Araújo, Paula e 2 máis
Sobre a valoración do Goberno galego respecto das listas de agarda existentes na provincia de Pontevedra para a valoración do grao de discapacidade
Publicación da iniciativa, BOPG n.º 466, do 24.04.2019

Os grupos parlamentarios poderán presentar emendas ás mocións e ás proposicións non de lei ata seis horas antes do inicio da sesión, ao abeiro do disposto no artigo 161.2 do Regulamento.
 
 
Santiago de Compostela, 4 de maio de 2019
 
Miguel Ángel Santalices Vieira
Presidente

 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-05-02T12:34:00Z 2019-05-06T10:49:00Z http://www.parlamentodegalicia.gal/Actualidade/2896/
Proposicións non de lei aprobadas polo Pleno do Parlamento de Galicia o 30 de abril de 2019

2.1 11763 (10/PNP-001067)
Grupo Parlamentario de En Marea
Santos Queiruga, Carmen
Sobre as actuacións que debe levar a cabo o Goberno galego en relación coa cota de reserva establecida no artigo 42 do Real decreto lexislativo 1/2013, do 29 de novembro, polo que se aproba o Texto refundido da Lei xeral de dereitos das persoas con discapacidade e da súa inclusión social
Publicación da iniciativa, BOPG n.º 144, do 12.07.2017
 
O texto aprobado é o seguinte:
 
“A.- O Parlamento galego insta á Xunta de Galicia a:
1.- Garantir e defender o cumprimento da cota de reserva establecida no art. 42 do Real Decreto Lexislativo 1/2013, do 29 de novembro, polo que se aproba o Texto Refundido da Lei xeral de dereitos das persoas con discapacidade  e da súa inclusion social en toda a Administración pública galega.
2.- Poñer en marcha unha campaña para fomentar a sensibilización e o coñecemento da lexislación vixente en materia de integración das persoas con discapacidade na empresa privada.
 
3.- Garantir o cumprimento da lexislación en materia de contratos en relación ao cumprimento da cota de reserva ou das medidas alternativas para acceder a contratos públicos do sector público autonómico, así como introducir cláusulas sociais na contratación pública que incentiven ás empresas que implanten medidas para o impulso da inserción laboral de persoas con discapacidade, entre outras.
 
B.- O Parlamento galego insta á Xunta de Galicia a solicitar do Goberno de España:
 
1.- Reforzar as actuacións da Inspección de Traballo na vixilancia do cumprimento da cota de reserva de emprego para persoas con discapacidade, segundo o establecido no artigo 42 do Real decreto lexislativo 1/2013, do 29 de novembro, polo que se aproba o Texto refundido da Lei xeral de dereitos das persoas con discapacidade e da súa inclusión social.
 
2.- Promover unha reforma da lexislación para seguir mantendo a prestación familiar por fillo con discapacidade a cargo, no caso de que este teña uns ingresos anuais procedentes de rendementos do traballo por enriba do 100 por cento do SMI”.
 
2.2 44048 (10/PNP-003282)
Grupo Parlamentario dos Socialistas de Galicia
Fernández Fernández, Raúl e Pérez Seco, José Manuel
Sobre a modernización das estruturas produtivas agrarias e gandeiras coa finalidade de medir a consecución do obxectivo do aumento do peso das e dos produtores agrarios e gandeiros na cadea de valor, especialmente para as e os produtores do leite
Publicación da iniciativa, BOPG n.º 417, do 23.01.2019
 
O texto aprobado é o seguinte:
 
“O Parlamento galego insta a Xunta de Galicia a apostar pola modernización das estruturas produtivas agrarias e gandeiras, dotándoas de base territorial, incorporando xente moza a novas unidades produtivas ben dimensionadas, cun seguimento público e verificable no relativo aos seus resultados anuais, coa finalidade de medir a consecución do obxectivo do aumento do peso das e dos produtores agrarios e gandeiros na cadea de valor, especialmente para os e as produtoras do leite”. 
 
2.5 48556 (10/PNP-003668)
Grupo Parlamentario do Bloque Nacionalista Galego
Presas Bergantiños, Noa e 5 máis
Sobre as actuacións que debe levar a cabo o Goberno galego en relación coa posible deslocalización da empresa Unitono en Ourense, que presta servizos para Naturgy
Publicación da iniciativa, BOPG n.º 458, do 09.04.2019
 
O texto aprobado é o seguinte:
 
“O Parlamento de Galicia insta ao Goberno galego ás seguintes actuacións:
 
1.- Realizar as xestións oportunas co fin de determinar as razóns das intencións de deslocalizar e a situación da empresa en Ourense e poñer a disposición a colaboración da Xunta de Galicia coa finalidade de manter a actividade da empresa Unitono na súa plataforma situada no Parque Tecnolóxico de Ourense.
 
2.- Realizar xestións con Gas Natural Fenosa-Naturgy a fin de esixir que garanta a carga de traballo necesaria para o mantemento da empresa Unitono en Ourense e dos postos de traballo actualmente existentes.
 
3.- Constituír unha mesa de traballo plural na que se garanta a representación do Comité de Empresa, coa finalidade de desenvolver a colaboración para as actuacións necesarias para asegurar a carga de traballo necesaria para manter e actividade e os postos de traballo, evitando deste xeito a súa deslocalización.
 
4.- Presentar no actual período de sesións un estudo onde se analice a situación do sector dos centros de chamadas así como as necesidades para garantir a súa viabilidade, o seu futuro e o emprego en Galicia”.
 
2.6 48944 (10/PNP-003698)
Grupo Parlamentario do Bloque Nacionalista Galego
Prado Cores, María Montserrat e 5 máis
Sobre a demanda que debe realizar o Goberno galego ao Goberno central en relación coa pena imposta na Audiencia Provincial da Coruña a un veciño de Lira (Carnota) por un incidente cun furtivo da comarca
Publicación da iniciativa, BOPG n.º 463, do 17.04.2019
 
O texto aprobado é o seguinte:
 
“O Parlamento de Galicia insta ao Goberno galego a solicitar ao Consello de Ministros  do  Goberno  español  a  concesión  discrecional  de  INDULTO  para  Manuel Antonio  Martínez  Lustres  en  relación  á  pena  que  se  lle  impuxo  en  autos  de Procedemento Abreviado nº 121/2016 seguidos ante a Ilma. Audiencia Provincial da Coruña Secc. nº 1, na actualidade en trámite de Executoria co nº 18/2019, ou cando menos que se lle exima de entrar en prisión en canto non se resolva a petición de indulto.”
 
2.7 48955 (10/PNP-003699)
Grupo Parlamentario Popular de Galicia
Egerique Mosquera, Teresa e 14 máis
Sobre as demandas que debe realizar o Goberno galego ao Goberno central en relación coa tramitación dunha modificación do Regulamento xeral de costas referida aos prazos das concesións de ocupación do dominio público marítimo-terrestre.
Publicación da iniciativa, BOPG n.º 463, do 17.04.2019
 
O texto aprobado é o seguinte:
 
 “O Parlamento de Galicia insta á Xunta de Galicia a que demande do Goberno do Estado o seguinte:
 
- Que  se  dea  traslado  á  Xunta  dun  informe  exhaustivo  sobre  todas  as  concesións  que se  verían  afectadas  pola  modificación  do  regulamento  de  Costas.  En  concreto,  de todas aquelas que xa non poderían ser obxecto de prórroga algunha.
 
- Que de tramitarse unha modificación do regulamento de Costas se adapte á lei que lle sirve  de  cobertura  e,  polo  tanto,  que  se  retire  na  súa  redacción  actual  por  non axustarse a dita normativa.
 
- Que o procedemento de reforma do Regulamento xeral  de costas (RD 876/2014, do 10 de outubro) se desenvolva con escrupuloso respecto aos principios de legalidade, de xerarquía normativa consagrado no artigo 9.3 da Constitución española de 1978, e de transparencia na información relativa ao dito procedemento de reforma e coa participación de toda a cidadanía, sectores afectados e institucións, sometendo de novo a consulta pública o borrador de regulamento á vista das alegacións recibidas”. 
 
2.8 49151 (10/PNP-003716)
Grupo Parlamentario Popular de Galicia
Tellado Filgueira, Miguel Ángel e 13 máis
Sobre a posición do Parlamento de Galicia respecto da solicitude do Goberno galego ao Goberno central dunha resposta inmediata á proposta para a implantación do Estaleiro 4.0 de Navantia Ferrol vinculado ao programa de construción de cinco fragatas F-110.
Publicación da iniciativa, BOPG n.º 463, do 17.04.2019
 
O texto aprobado é o seguinte:
 
“O Parlamento de Galicia apoia á Xunta de Galicia na súa petición ao Goberno de España dunha resposta inmediata á proposta consensuada para a implantación do estaleiro 4.0 en Ferrol -vinculado ao programa de construción de cinco fragatas F110-, que suporá xeración dun número relevante de empregos e situará a Navantia na
vangarda tecnolóxica do sector naval.
O Parlamento galego insta á Xunta de Galicia a:
 
1.- Dar cumprimento ao punto 1 do artigo 4º da Lei do sector naval de Galicia, que establece que `a Xunta de Galicia negociará co Estado a súa participación na xestión das empresas públicas estatais integradas nos sector naval de Galicia que, pola súa natureza, non podan ser obxecto de traspaso para poñer fin á falta de información, coordinación e impulso ao naval galego e comprometerse de forma activa coa busca de carga de traballo suficiente opara a Ría de Ferrol que permita incrementar a actividade produtiva e o fomento do emprego de calidade.
 
2.- Comprometerse nas negociacións activas para ditar de carga de traballo aos estaleiros de Ferrol e evitar a previsible parada de produción e despedimentos dos anos que descorrerán entre a entrega das fragatas australianas e o inicio da construción das españolas.
 
3.- Dirixirse ao Goberno central para demandar:
a. Un meirande compromiso coa diversificación industrial na comarca de Ferrol, desenvolvendo un programa e calendario de recuperación do mercado naval civil.
 
b. Que pare de desviar produción para o sur do Estado, ao tempo que os estaleiros da ría de Ferrol están próximos a entrar nunha parálise da produción e se comprometa en dotar de carga de traballo para evitar unha crise entre a entrega das fragatas australianas e o inicio da construción das españolas.
 
c. O compromiso nos vindeiros exercicios orzamentarios das contías suficientes para a implantación do estaleiro 4.0 en Ferrol, axilizando ao máximo os seus prazos para garantir que se situará a Navantia na vangarda tecnolóxica so sector naval. Para isto, deberá comprometerse cun incremento considerable dos fondos e da porcentaxe do PIB”.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-30T16:16:00Z 2019-04-30T16:16:00Z http://www.parlamentodegalicia.gal/Actualidade/2895/
Acordo da Comisión 7.ª, Agricultura, Alimentación, Gandaría e Montes, celebrada o 24-04-2019

A Comisión 7.ª, Agricultura, Alimentación, Gandaría e Montes, na súa sesión do 24 de abril de 2019, adoptou os seguintes acordos:
 
Procedementos de control e impulso
 
Proposicións non de lei en Comisión
 
Aprobación con modificacións
 
- 40267 (10/PNC-003255)
Grupo Parlamentario dos Socialistas de Galicia
Pérez Seco, José Manuel e Fernández Fernández, Raúl
Sobre a actuación que debe levar a cabo o Goberno galego para a recuperación polas oficinas agrarias comarcais das funcións de dinamización e de asesoramento que viñan prestando aos agricultores e gandeiros
BOPG n.º 386, do 21.11.2018
 
Sométese a votación a transacción coa emenda do G. P. Popular de Galicia, doc. núm. 49350, e resulta aprobada con modificacións respecto do texto orixinal, por 10 votos a favor, 0 votos en contra e 2 abstencións.
 
O texto aprobado é o seguinte:
 
"O Parlamento de Galicia insta a Xunta de Galicia a:
 
1.- Levar a cabo una análise completa da situación actual das Oficinas Agrarias Comarcais existentes en Galicia no presente ano 2019.
 
2.- Antes de rematar a Lexislatura, realizar una planificación das Oficinas Agrarias Comarcais consecuente coa realidade da actividade agrogandeira galega garantindo que as oficinas agrarias comarcais manteñan as súas funcións de dinamización e de asesoramento aos gandeiros e agricultores das zonas correspondentes, dotándoas dos medios materiais e humanos necesarios para o desenvolvemento das súas funcións."
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-24T14:02:00Z 2019-04-24T14:06:00Z http://www.parlamentodegalicia.gal/Actualidade/2894/
Convocatoria da sesión plenaria ordinaria do Parlamento de Galicia prevista para o día 29 de abril de 2019

A Presidencia, de conformidade co disposto no artigo 53 do Regulamento do Parlamento, resolveu convocar o Pleno do Parlamento para realizar unha sesión o próximo día 29 de abril de 2019, ao remate da sesión convocada para as 16:00 horas, no pazo do Parlamento.

De acordo coa Xunta de Portavoces e a Mesa, na reunión do día 23 de abril de 2019, a orde do día da sesión é a seguinte:
 
Punto 1. Mocións
 
1.1 49108 (10/MOC-000138)
 Grupo Parlamentario de En Marea
 Rodríguez Estévez, David
 Sobre as medidas que debe adoptar o Goberno galego en materia laboral, en relación co dispositivo de prevención e extinción de incendios forestais. (Moción, a consecuencia da Interpelación nº 31757, publicada no BOPG nº 316, do 06.06.2018, e debatida na sesión plenaria do 09.04.2019)
 Publicación da iniciativa, BOPG n.º 463, do 17.04.2019
 
1.2 49122 (10/MOC-000139)
 Grupo Parlamentario dos Socialistas de Galicia
 Blanco Rodríguez, Noela
 Sobre as actuacións que debe levar a cabo o Goberno galego en relación co acceso e planificación da educación infantil de 0 a 3 anos. (Moción, a consecuencia da Interpelación nº 29767, publicada no BOPG nº 299, do 03.05.2018, e debatida na sesión plenaria do 09.04.2019)
 Publicación da iniciativa, BOPG n.º 463, do 17.04.2019
 
1.3 49139 (10/MOC-000140)
 Grupo Parlamentario do Bloque Nacionalista Galego
 Prado Cores, María Montserrat
 Sobre as actuacións que debe levar a cabo o Goberno galego para a mellora da atención primaria. (Moción, a consecuencia da Interpelación nº 43462, publicada no BOPG nº 417, do 23.01.2019, e debatida na sesión plenaria do 09.04.2019)
 Publicación da iniciativa, BOPG n.º 463, do 17.04.2019
 
Punto 2. Proposicións non de lei
 

2.1 11763 (10/PNP-001067)
 Grupo Parlamentario de En Marea
 Santos Queiruga, Carmen
 Sobre as actuacións que debe levar a cabo o Goberno galego en relación coa cota de reserva establecida no artigo 42 do Real decreto lexislativo 1/2013, do 29 de novembro, polo que se aproba o Texto refundido da Lei xeral de dereitos das persoas con discapacidade e da súa inclusión social
 Publicación da iniciativa, BOPG n.º 144, do 12.07.2017
 
2.2 44048 (10/PNP-003282)
 Grupo Parlamentario dos Socialistas de Galicia
 Fernández Fernández, Raúl e Pérez Seco, José Manuel
 Sobre a modernización das estruturas produtivas agrarias e gandeiras coa finalidade de medir a consecución do obxectivo do aumento do peso das e dos produtores agrarios e gandeiros na cadea de valor, especialmente para as e os produtores do leite
 Publicación da iniciativa, BOPG n.º 417, do 23.01.2019
 
2.3 44420 (10/PNP-003314)
 Grupo Parlamentario dos Socialistas de Galicia
 Rodríguez Rumbo, Matilde Begoña e Losada Álvarez, Abel Fermín
 Sobre as actuacións que debe levar a cabo o Goberno galego en relación cos parques empresariais de Galicia
 Publicación da iniciativa, BOPG n.º 423, do 31.01.2019
 
2.4 48318 (10/PNP-003655)
 Grupo Parlamentario de En Marea
 Sánchez García, Antón e 2 máis
 Sobre as modificacións que debe introducir o Goberno galego na Lei 8/2012, de vivenda de Galicia, co fin de regular a delimitación de vivenda baleira e establecer o dereito a tanteo e retracto
 Publicación da iniciativa, BOPG n.º 458, do 09.04.2019
 
2.5 48556 (10/PNP-003668)
 Grupo Parlamentario do Bloque Nacionalista Galego
 Presas Bergantiños, Noa e 5 máis
 Sobre as actuacións que debe levar a cabo o Goberno galego en relación coa posible deslocalización da empresa Unitono en Ourense, que presta servizos para Naturgy
 Publicación da iniciativa, BOPG n.º 458, do 09.04.2019
 
2.6 48944 (10/PNP-003698)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre a demanda que debe realizar o Goberno galego ao Goberno central en relación coa pena imposta na Audiencia Provincial da Coruña a un veciño de Lira (Carnota) por un incidente cun furtivo da comarca
 Publicación da iniciativa, BOPG n.º 463, do 17.04.2019
 
2.7 48955 (10/PNP-003699)
 Grupo Parlamentario Popular de Galicia
 Egerique Mosquera, Teresa e 14 máis
 Sobre as demandas que debe realizar o Goberno galego ao Goberno central en relación coa tramitación dunha modificación do Regulamento xeral de costas referida aos prazos das concesións de ocupación do dominio público marítimo-terrestre.
 Publicación da iniciativa, BOPG n.º 463, do 17.04.2019
 
2.8 49151 (10/PNP-003716)
 Grupo Parlamentario Popular de Galicia
 Tellado Filgueira, Miguel Ángel e 13 máis
 Sobre a posición do Parlamento de Galicia respecto da solicitude do Goberno galego ao Goberno central dunha resposta inmediata á proposta para a implantación do Estaleiro 4.0 de Navantia Ferrol vinculado ao programa de construción de cinco fragatas F-110. Publicación da iniciativa, BOPG n.º 463, do 17.04.2019
 
Punto 3. Interpelacións
 
3.1 19848 (10/INT-000653)
 Grupo Parlamentario de En Marea
 Sánchez García, Antón
 Sobre a política do Goberno galego en relación cos sectores da minaría, enerxía, auga e residuos
 Publicación da iniciativa, BOPG n.º 211, do 15.11.2017
 
3.2 45516 (10/INT-001497)
 Grupo Parlamentario dos Socialistas de Galicia
 Torrado Quintela, Julio e Blanco Rodríguez, Noela
 Sobre a política do Goberno galego en relación coa situación do servizo de fisioterapia no Sistema público de saúde
 Publicación da iniciativa, BOPG n.º 430, do 13.02.2019
 
3.3 47773 (10/INT-001585)
 Grupo Parlamentario dos Socialistas de Galicia
 Álvarez Martínez, Luis Manuel e Burgo López, María de la Concepción
 Sobre a política do Goberno galego en relación co réxime horario do persoal docente non universitario
 Publicación da iniciativa, BOPG n.º 446, do 21.03.2019
 
Punto 4. Preguntas para resposta oral do Presidente da Xunta
 
4.1 49321 (10/POPX-000142)
 Grupo Parlamentario de En Marea
 Villares Naveira, Luis
 Sobre a incidencia do clientelismo e da arbitrariedade na salvagarda dos intereses sociais e medioambientais de Galicia
 
4.2 49323 (10/POPX-000143)
 Grupo Parlamentario do Bloque Nacionalista Galego
 Pontón Mondelo, Ana Belén
 Sobre a necesidade de cumprimento pola CRTVG da función de servizo público
 
4.3 49324 (10/POPX-000144)
 Grupo Parlamentario dos Socialistas de Galicia
 Fernández Leiceaga, Xoaquín María
 Sobre o balance das políticas do Goberno galego en materia de vivenda
 
Punto 5. Preguntas ao Goberno
 
5.1 45155 (10/POP-005390)
 Grupo Parlamentario Popular de Galicia
 Moreira Ferro, Jacobo e 9 máis
 Sobre a realización polos concellos de Ferrol e de Pontevedra dos trámites necesarios para a posta en marcha do transporte urbano a que están obrigados
 Publicación da iniciativa, BOPG n.º 430, do 13.02.2019
 
5.2 47999 (10/POP-005732)
 Grupo Parlamentario do Bloque Nacionalista Galego
 Bará Torres, Xosé Luís e 5 máis
 Sobre as actuacións previstas polo Goberno galego en relación coa prórroga da concesión outorgada a Ence en Lourizán, na ría de Pontevedra
 Publicación da iniciativa, BOPG n.º 450, do 27.03.2019
 
5.3 49291 (10/PUP-000242)
 Grupo Parlamentario do Bloque Nacionalista Galego
 Presas Bergantiños, Noa e 5 máis
 Sobre as actuacións que vai levar a cabo o Goberno galego diante das últimas novidades xudiciais respecto da área de enerxía e minas da Xunta de Galicia
 
5.4 49320 (10/PUP-000243)
 Grupo Parlamentario dos Socialistas de Galicia
 Blanco Rodríguez, Noela e 3 máis
 Sobre as actuacións que vai levar a cabo o Goberno galego para garantir o mantemento dos postos de traballo da empresa Unitono no concello de San Cibrao das Viñas
5.5 42908 (10/POP-005065)
 Grupo Parlamentario de En Marea
 Solla Fernández, Eva
 Sobre os medios dos que dispón o Servizo Galego de Saúde para garantir os dereitos das persoas enfermas terminais
 Publicación da iniciativa, BOPG n.º 414, do 18.01.2019
 
5.6 45406 (10/POP-005419)
 Grupo Parlamentario dos Socialistas de Galicia
 Torrado Quintela, Julio e 2 máis
 Sobre a valoración que fai a Xunta de Galicia en relación coa calidade da atención primaria no concello de Lalín
 Publicación da iniciativa, BOPG n.º 430, do 13.02.2019
 
5.7 48507 (10/POP-005796)
 Grupo Parlamentario Popular de Galicia
 Arias Rodríguez, Raquel e 8 máis
 Sobre o balance do Goberno galego respecto do funcionamento e acollemento polas familias das casas niño dende a súa posta en marcha
 Publicación da iniciativa, BOPG n.º 458, do 09.04.2019
 
5.8 48738 (10/POP-005820)
 Grupo Parlamentario de En Marea
 Quinteiro Araújo, Paula e 2 máis
 Sobre as subvencións concedidas pola Xunta de Galicia ao sindicato Xóvenes Agricultores
 Publicación da iniciativa, BOPG n.º 458, do 09.04.2019

Os grupos parlamentarios poderán presentar emendas ás mocións e ás proposicións non de lei ata seis horas antes do inicio da sesión, ao abeiro do disposto no artigo 161.2 do Regulamento.
 
Santiago de Compostela, 23 de abril de 2019
 
 
 
Miguel Ángel Santalices Vieira
Presidente

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-23T16:17:00Z 2019-04-23T16:18:00Z http://www.parlamentodegalicia.gal/Actualidade/2893/
Convocatoria da sesión plenaria específica do Parlamento de Galicia prevista para o día 29 de abril de 2019

A Presidencia, de conformidade co disposto no artigo 53 do Regulamento do Parlamento, resolveu convocar o Pleno do Parlamento para realizar unha sesión o próximo día 29 de abril de 2019, ás 16:00 horas, no pazo do Parlamento.

De acordo coa Xunta de Portavoces e a Mesa, na reunión do día 23 de abril de 2019, a orde do día da sesión é a seguinte:
 
 
Punto único. Debate e votación da proposta de cese da Valedora do Pobo  (doc. núm. 48836 e 48900)

 
Santiago de Compostela, 23 de abril de 2019
 
Miguel Ángel Santalices Vieira
Presidente
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-23T16:15:00Z 2019-04-23T16:15:00Z http://www.parlamentodegalicia.gal/Actualidade/2892/
Acordo da Comisión 2ª, Ordenación Territorial, Obras Públicas, Medio Ambiente e Servizos, celebrada o día 23-04-2019

A  Comisión 2ª, Ordenación Territorial, Obras Públicas, Medio Ambiente e Servizos, na súa sesión do 23 de abril de 2019, adoptou os seguintes acordos:
 
Procedementos de control e impulso
 
Proposicións non de lei en Comisión
 
Aprobación sen modificacións

 
- 47376 (10/PNC-003831)
Grupo Parlamentario Popular de Galicia
Blanco Paradelo, Moisés e 7 máis
Sobre a realización pola Xunta de Galicia dun estudo da mellora do trazado e das prestacións básicas da estrada OU-533 co fin de comunicar a futura autovía A-76 desde Valdeorras coa autovía A-52, no concello da Gudiña
BOPG n.º 444, do 13.03.2019
 
Sométese a votación e resulta aprobada sen modificacións por 7 votos a favor, 0 votos en contra e 5 abstencións.
 
O texto aprobado é o seguinte:
 
“O Parlamento de Galicia insta á Xunta de Galicia a realizar un estudo de mellora do trazado e as prestacións da estrada OU-533, de modo que conte coas características axeitadas para comunicar, a través dunha renovada infraestrutura, a futura Autovía A-76 desde Valdeorras, coa Autovía A-52, no concello da Gudiña".

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-23T14:13:00Z 2019-04-23T14:13:00Z http://www.parlamentodegalicia.gal/Actualidade/2891/
Minuto de silencio no Parlamento en memoria das vítimas dos atentados de Sri Lanka

Santiago, 23 de abril de 2019.- O Parlamento de Galicia gardou este mediodía un minuto de silencio en memoria das vítimas dos atentados perpetrados a pasada fin de semana en Sri Lanka, onde perdeu a vida unha parella de galegos. A concentración celebrouse logo da Xunta de Portavoces.
 
O presidente do Parlamento, Miguel Ángel Santalices Vieira, expresou onte as súas condolencias ás familias e amigos dos falecidos, ao tempo que se amosou convencido de que “xamais o terrorismo logrará dobregar ás sociedades e ás persoas de ben”.
 
Santalices remitiu tamén cadansúa mensaxe de condolencia aos alcaldes de Pontecesures e de Rianxo, concellos dos que eran oriúndas as vítimas galegas.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-23T12:26:00Z 2019-04-23T12:26:00Z http://www.parlamentodegalicia.gal/Actualidade/2890/
Acordo da Comisión 1ª , Institucional, de Administración xeral, Xustiza e Interior, celebrada o día 17-4-2019

A Comisión 1ª, Institucional, de Administración Xeral, Xustiza e Interior, na súa sesión do 17 de abril de 2019, adoptou os seguintes acordos:
 
Procedementos de control e impulso
 
Proposicións non de lei en Comisión
 
Aprobación por unanimidade sen modificacións
 
- 44622 (10/PNC-003583)
Grupo Parlamentario Popular de Galicia
Prado del Río, Paula e 5 máis
Sobre as demandas que debe realizar o Goberno galego ao Ministerio de Xustiza en relación coa creación de novas unidades xudiciais en Galicia
BOPG n.º 422, do 30.01.2019
 
Sométese a votación e resulta aprobada sen modificacións pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento de Galicia insta a Xunta de Galicia a que demande do Ministerio de Xustiza ampliar con cargo á nova programación 2019 a creación de novas unidades xudiciais en Galicia que, de xeito consensuado, propoña a Comisión Mixta en atención a necesidades obxectivas e estruturais de carga de traballo e o número de unidades que lle sexan asignadas á Comunidade Autónoma."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-17T14:27:00Z 2019-04-17T14:27:00Z http://www.parlamentodegalicia.gal/Actualidade/2889/
Acordo da Comisión 8ª, Pesca e Marisqueo, celebrada o día 16-04-2019

A  Comisión 8ª, Pesca e Marisqueo, na súa sesión do 16 de abril de 2019, adoptou os seguintes acordos:
 
Procedementos de control e impulso
 
Proposicións non de lei en Comisión
 
Aprobación sen modificacións

 
- 40843 (10/PNC-003312)
Grupo Parlamentario Popular de Galicia
Egerique Mosquera, Teresa e 7 máis
Sobre as demandas que debe realizar o Goberno galego ao Goberno central, así como ao Parlamento e ao Consello Europeo, co fin de garantir o acceso aos caladoiros británicos do Gran Sol e das Malvinas na negociación do "Brexit".
BOPG n.º 390, do 28.11.2018
 
Sométese a votación e resulta aprobada sen modificacións por 6 votos a favor, 0 votos en contra e 5 abstencións.
 
O texto aprobado é o seguinte:
 
“O Parlamento de Galicia insta á Xunta de Galicia a que demande do Goberno do Estado:
 
1.- Continuar traballando para asegurar o acceso aos caladoiros británicos do Gran Sol e das Malvinas e que este aspecto supedite o acceso aos mercados europeos dos produtos pesqueiros británicos.
 
2.- Dirixirse ao parlamento Europeo e ao Consello Europeo para iniciar os trámites que supoñan a negociación dun acordo pesqueiro co Reino Unido que impida que haxa un baleiro normativo – xurídico que leve a un corte no acceso pesqueiro aos caladoiros de Gran Sol e Malvinas.”
 
Santiago de Compostela, 16 de abril de 2019

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-16T13:50:00Z 2019-04-16T13:57:00Z http://www.parlamentodegalicia.gal/Actualidade/2888/
Proposicións non de lei aprobadas polo Pleno do Parlamento de Galicia o 10 de abril de 2019

4.7 48070 (10/PNP-003633)
Grupo Parlamentario Popular de Galicia
Fernández Prado, Martín e 14 máis
Sobre as demandas que debe realizar o Goberno galego ao Ministerio de Fomento en relación co Plan director para o corredor Atlántico presentado o 20 de febreiro en Madrid.
Publicación da iniciativa pola vía de urxencia, BOPG n.º 450, do 27.03.2019
 
O texto aprobado é o seguinte:
 
 “O Parlamento galego insta á Xunta de Galicia a demandar do Ministerio de Fomento:
 
1.-  A  remisión,  á  maior  brevidade,  do  documento  íntegro  do  Plan  Director  para  o Corredor  Atlántico  que  foi  presentado  o  pasado  20  de  febreiro  en  Madrid,  ao  obxecto de  que  este  poida  ser  avaliado  en  profundidade  polas  Comunidades  Autónomas  do noroeste  peninsular  que  se   verán  beneficiadas  da  súa  inclusión  neste  corredor ferroviario.
 
2.- A elaboración dun Plan Director para o Corredor Atlántico consensuado, que recolla planificación e proxectos concretos de calidade para conseguir fondos europeos que se traduzan nunha verdadeira modernización desta liña ferroviaria, situando este corredor no mesmo nivel de prioridade que o Corredor Mediterráneo e no que se teña en conta o traballo coordinado e conxunto que veñen realizando nesta materia as comunidades de Galicia, Asturias e Castela e León.  Que entre os proxectos concretos do Plan Director para o Corredor Atlántico se presta unha especial atención aos seguintes:
- A conexión do ferrocarril cos portos de interese xeral, o Porto Seco de Monforte e a Plisán, así como a conexión dos grandes parques empresariais e loxísticos.
- A conexión ferroviaria co porto exterior de Punta Langosteira, garantindo financiamento a cargo da Unión Europea e dos Orzamentos do Estado sen aportación de fondos económicos pola Autoridade Portuaria da Coruña, de xeito que se podan licitar e dar comezo as obras este ano 2019.
- A tramitación e aprobación da saída sur de Vigo coa previsión de licitación de proxectos ao longo do ano 2019
 
3.-  O  nomeamento  dun  Comisionado  de  ADIF  para  o  Corredor  Atlántico  con  similares funcións e competencias que o nomeado para o Corredor Mediterráneo.  
 
4.-  Traballar  con  intensidade  de  cara  á  elaboración  de  documentos  técnicos  de calidade que favorezan a recepción de fondos europeos para a liña Vigo-Porto.
 
5.- A redacción dun Plan de conservación e modernización do resto da rede ferroviaria de  Galicia  no  que,  en  coordinación  co  Plan  Director  para  o  Corredor  Atlántico,  se recollan   as   actuacións   necesarias   para   favorecer   e   mellorar   a   mobilidade   dos cidadáns. Este Plan incluirá, cando menos, as seguintes actuacións:
- Modernización da liña Ferrol-Ribadeo.
- Modernización e mellora do trazado da liña Ferrol-Coruña.
- Mellora da conexión Vigo-Porto.
- Modernización da liña Ourense-Lugo.
Asemade, primará vertebrar o territorio mediante a mellora  das conexións, frecuencias e horarios entre as principais cidades e vilas galegas.

6.- A que no marco da revisión do Regulamento Europeo 1315/2013 do Parlamento Europeo e do Consello de 11 de decembro de 2013, demande a inclusión do Porto de Vigo na rede básica portuaria da rede transeuropea de transportes e inste ao Goberno do Estado a que actúe no mesmo sentido”.
 
4.8 48111 (10/PNP-003635)
Grupo Parlamentario Popular de Galicia
Moreira Ferro, Jacobo e 16 máis
Sobre a posición e as demandas que debe trasladar o Goberno galego ao Goberno central en relación coa decisión da Avogacía do Estado de avirse nos recursos interpostos contra o acordo de prórroga da concesión de Ence nos terreos de Lourizán, en Pontevedra, así como sobre a posición do Parlamento de Galicia en relación cos seus traballadores.
Publicación da iniciativa pola vía de urxencia, BOPG n.º 450, do 27.03.2019 
 
O texto aprobado é o seguinte:
 
“1.- O  Parlamento  de  Galicia  insta  á  Xunta  de  Galicia  a  dirixirse  ao  Goberno  central para: 
 
a) Expresar  o  seu  rexeitamento  no  cambio  de  criterio  da  Abogacía  del  Estado  de allanarse  aos  recursos  interpostos  contra  o  acordo  da  propia  Administración  Xeral do Estado  de  prorrogar  a  Ence  Energía  y  Celulosa  S.A.  a  concesión  de  ocupación  dos terreos de dominio público marítimo-terrestre en Lourizán (Pontevedra) onde se atopa a súa factoría.
 
b) Solicitar  que  asuma  un  compromiso  expreso  cos  máis  de  5.000  postos  de traballo  directos  e  indirectos  ameazados,  así  como  coas  80.000  familias  galegas  que verían  afectadas  as  súas  rendas  da  venda  de  madeira,  e  rectifique  a  decisión  de allanarse  aos  recursos  xudiciais  indicados  no  punto  anterior,  ao  supoñer  un  acto  de inxerencia política nunha decisión administrativa que seguiu un expediente regrado.
 
c) Instar  a  salvagardar  os  principios  de  lealdade  institucional,  cooperación  e coordinación entre Administracións, comunicando e consensuando co Goberno Galego as decisións que afecten á nosa Comunidade Autónoma.
 
d) Solicitar  a  avaliación  dos  custos  que  a  declaración  de  nulidade  da  prórroga podería  implicar  para  o  erario  público  en  concepto  de  responsabilidade  patrimonial  do Estado.
 
2.- O  Parlamento  de  Galicia  manifesta  o  apoio  a  todos  os  traballadores  da  empresa Ence que desenvolven o seu traballo na factoría ubicada en Lourizán (Pontevedra) e a todos aqueles que, de xeito directo ou indirecto, dependen na súa actividade laboral, da permanencia   da   empresa,   ante   a   decisión   adoptada   polo   Goberno   central   que compromete o futuro destes empregos”.
 
Saúdos, Gabinete de Comunicación.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-10T14:44:00Z 2019-04-10T17:45:00Z http://www.parlamentodegalicia.gal/Actualidade/2887/
Día Internacional do Pobo Xitano - Declaración institucional

Con motivo do Día Internacional do Pobo Xitano, o día 8 de abril, o Parlamento de Galicia quere sumarse a esta celebración.
 
O noso ordenamento xurídico recolle a igualdade como principio e valor compartido por todos os españois e inclúe algúns artigos que avalan e permiten a posta en marcha de políticas para garantir a igualdade de oportunidades, combater a discriminación e promover a participación de todos os cidadáns e cidadás.
 
É innegable que as condicións de vida melloraron aínda que queda moito por facer; a escolarización dos nenos e nenas xitanas é unha realidade e, aos poucos, cada vez máis mozos e mozas completan a etapa de educación obrigatoria e continúan estudando na universidade; o mercado laboral, aínda que lentamente, vaise abrindo tamén aos xitanos e xitanas; o acceso a vivenda normalizada aínda non é unha realidade, e o chabolismo segue a ser un reto que abordar; e cada vez contamos con máis mecanismos e recursos para loitar contra o rexeitamento e a discriminación que sofren as persoas xitanas.
 
Así e todo, a fenda da desigualdade persiste, en especial entre as mulleres. A comunidade xitana está  sobrerrepresentada nos índices de pobreza e exclusión social; as taxas de fracaso e abandono escolar son moito máis altas entre o alumnado xitano que na media española; a taxa de desemprego da poboación xitana e o nivel de precariedade no emprego están moi por riba das porcentaxes medias, por poñer só algúns exemplos. En definitiva, a igualdade de oportunidades non é unha realidade para unha boa parte da comunidade xitana. 
 
Coincidindo coa celebración do Día Internacional do Pobo Xitano, queremos subliñar os avances que se produciron no recoñecemento institucional do pobo xitano e na progresiva participación de xitanos e xitanas en todos os ámbitos da sociedade.
 
Debemos seguir apostando por políticas, iniciativas e programas que contribúan a asegurar eses dereitos sociais para todas as persoas xitanas, sen deixar a ninguén atrás, para que poidan exercer plenamente a súa cidadanía. 
Santiago de Compostela, 10 de abril de 2019

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-10T14:14:00Z 2019-04-10T14:14:00Z http://www.parlamentodegalicia.gal/Actualidade/2886/
Moción aprobada polo Pleno do Parlamento de Galicia o 9 de abril de 2019


3.1 48321 (10/MOC-000135)
Grupo Parlamentario de En Marea
Quinteiro Araújo, Paula e Villares Naveira, Luis
Sobre as actuacións que debe levar a cabo o Goberno galego e as demandas que debe realizar ao Goberno central en relación co emprego no sector do telemárketing. (Moción consecuencia da Interpelación n.º 47129, publicada no BOPG n.º 441, do 06.03.2019, e debatida na sesión plenaria do 26.03.2019)
 
O texto aprobado é o seguinte:
 
“O Parlamento de Galicia insta á Xunta de Galicia a dar  cumprimento  de  inmediato  aos  acordos  tomados  na  Comisión  6ª, Industria, Enerxía, Comercio e Turismo, na súa sesión do 21 de marzo”.

 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-09T18:14:00Z 2019-04-09T18:14:00Z http://www.parlamentodegalicia.gal/Actualidade/2885/
O presidente do Parlamento agradece a sinatura do Pacto Galego pola Infancia que busca converter os dereitos dos nenos nun obxectivo prioritario


• Os catro grupos parlamentarios da Cámara galega e UNICEF Comité Galicia asinaron este mediodía o Pacto Galego pola Infancia
 
Santiago, 8  de abril de 2019.- O Parlamento de Galicia acolleu este mediodía a sinatura do Pacto Galego pola Infancia, rubricado polo catro grupos políticos con representación parlamentaria e UNICEF Comité Galicia. 
Na clausura do acto, o presidente do Parlamento agradeceu a UNICEF Comité Galicia e catro grupos parlamentarios a súa implicación para conseguir rubricar o documento e converter os dereitos da infancia nun obxectivo prioritario. Vinculou tamén a sinatura deste acordo coa aposta por un “Parlamento máis aberto” que está a impulsar desde a a Presidencia da Cámara.
 
O titular do Executivo galego apuntou que actos deste tipo resultan reconfortantes porque evidencian a capacidade dos grupos parlamentarios para acadar consensos en asuntos tan ambiciosos como os intereses da infancia.  Amosouse convencido de que “a moita xente lle gustaría” que se podan repetir fotos deste tipo no futuro e fixo votos para que se poda formalizar un Pacto de Estado pola Infancia.

Participación infantil
 
Entre os obxectivos recollidos no Pacto Galego pola Infancia asinado hoxe figura o exercicio da participación infantil, obxectivo co que o Parlamento de Galicia leva anos implicado e materializa a través de sesións plenarias infantís de carácter periódico e organizadas coa colaboración de UNICEF Comité Galicia e de outras entidades que traballan no ámbito da infancia e a adolescencia en Galicia. Santalices valorou que un dos obxectivos do pacto pase por reducir a obesidade e o sobrepeso infantil na Comunidade.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-08T14:14:00Z 2019-04-08T14:19:00Z http://www.parlamentodegalicia.gal/Actualidade/2884/
O presidente do Tribunal Superior de Xustiza de Galicia efectúa unha visita de institucional ao Parlamento con motivo da súa xubilación

 
Santiago, 8 de abril de 2019.- O presidente do Tribunal Superior de Xustiza de Galicia, Miguel Ángel Cadenas Sobreira, efectuou este mediodía unha visita institucional de despedida ao Parlamento con motivo da súa próxima xubilación.
 
O presidente da Cámara galega, Miguel Ángel Santalices Vieira, sinalou que “a democracia e a sociedade española están en débeda con persoas como Miguel Ángel Cadenas Sobreira pola súa intensa e frutífera traxectoria ao servizo da xustiza e, por extensión, ao servizo do Estado de Dereito e do conxunto da cidadanía.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-08T12:55:00Z 2019-04-08T12:55:00Z http://www.parlamentodegalicia.gal/Actualidade/2883/
Santalices anima a “incrementar a difusión das celebracións da Semana Santa que se suceden en Galicia”


 
• O presidente do Parlamento pronunciou o pregón da Semana Santa do Carballiño, convidado pola Confraría da Veracruz
 
• Defende que calquera persoa poda expresar a súa fe “con naturalidade” e recorda que nin a imposición nin a estigmatización teñen cabida na actualidade
 
Santiago. 7 de abril de 2019.- O presidente do Parlamento de Galicia, Miguel Ángel Santalices Vieira, pronunciou este mediodía o pregón da Semana Santa do Carballiño, respondendo así a unha invitación da Confraría da Veracuz.
 
Santalices felicitou aos organizadores e recordou que “tanto nesta como noutras localidades galegas a Semana Santa se vive con intensidade, con devoción e con representacións que para nada desmerecen respecto ás doutros lugares”.
 
O presidente do Parlamento apuntou que actividades como o pregón da Semana Santa do Carballiño contribúen a superar o descoñecemento que ás veces rodea este tipo de celebracións.
 
“Actos como o de hoxe, e outros que se sucederán en datas próximas –afirmou-, son especialmente necesarios de cara a incrementar a difusión das celebracións da Semana Santa que se suceden en Galicia, seguramente non tan cálidas desde o punto de vista climático, pero igual de reconfortantes en termos de fe, e sempre vistosas na súa escenificación, aspecto que cómpre ter en conta como atracción turística”.

Expresar a fe con naturalidade
 
Logo de recordar o significado relixioso da Semana Santa, o pregoeiro sinalou que “do mesmo xeito  que respectamos a quen se declara ateo ou agnóstico, ou profesa calquera outra crenza, e reivindicamos que podan facer efectivo ese dereito lonxe de imposicións de ningún tipo, reclamamos, en xusta reciprocidade, o dereito dos católicos a vivirmos e expresarmos a fe con naturalidade, desterrando calquera posible pexa”.
 
A xuízo do titular do Lexislativo galego, “nunha sociedade madura, que vive nunha democracia avanzada como a nosa, superar ese tipo de prexuízos resulta obrigado. Porque nin a imposición de outrora, nin os intentos de estigmatización que en determinados ámbitos presenciamos nos nosos días, teñen nin deben ter cabida. Xamais”.
 
Arte e relixión
 
Na súa intervención, Santalices referiuse á “ilimitada capacidade oratoria e saberes enciclopédicos” de Otero Pedrayo, pregoeiro da Semana Santa de Viveiro de 1974, onde gabou estas representación como unha conxunción de “profunda fe relixiosa” e “grande sentimento artístico”.
 
“Don Ramón, coma moitos outros galeguistas dos que somos debedores, soubo conxugar coma ninguén –agregou Santalices- o sentimento relixioso que con tanta firmeza profesaba, co ser e coa alma de Galicia, realidade dual para moitos indivisible”.

Saúdos, Gabinete de Comunicación.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-07T14:23:00Z 2019-04-07T14:25:00Z http://www.parlamentodegalicia.gal/Actualidade/2882/
Santalices insiste en que “Galicia ten unha débeda impagable coa emigración” pola súa dimensión económica, social e cultural

 
• O Parlamento de Galicia entregou hoxe a súa Medalla á emigración galega no seu conxunto, representada pola Comisión Delegada do Consello de Comunidades Galegas
 
• “A emigración galega enfróntase agora ao reto de  preservar o seu legado material e manter viva a súa memoria”
 
• O presidente do Parlamento apunta que estas Medallas deben reafirmar “a obriga e o compromiso de seguir creando as condicións para que emigrar sexa só, agora ou no futuro, unha opción voluntaria, nunha unha obriga”
 
• Anima a seguir alentando o retorno dos descendentes dos emigrantes galegos, “cos que compartimos valores, cultura, idioma e sentimentos, garantes dunha integración efectiva”

Santiago, 6 de abril de 2019.- As medallas do Parlamento de Galicia, que este ano recoñecen ao conxunto da emigración galega, foron entregadas este mediodía ás 14 entidades que integran a Comisión Delegada do Consello de Comunidades Galegas, como lexítimos representantes da emigración galega de todos os tempos.
 
O presidente da Cámara, Miguel Ángel Santalices Vieira, sinalou que “seguramente por vez primeira, Galicia enteira, a representada neste Parlamento, distingue e galardoa  a emigración galega, a gran epopea do pobo galego”.
 
Recordou Santalices o intenso sentimento de desarraigo propiciado pola emigración, ao igual que a “permanente ansia de retorno” que só puido materializar unha minoría.

Fenómeno transversal
 
“A emigración galega –afirmou Santalices- é un movemento de dimensións inconmensurables, protagonizada por non menos de dous millóns de paisanos nosos e só superada en magnitude pola irlandesa”, un fenómeno transversal que afectou a todas as clases sociais, aínda que a súa incidencia foi “inversamente proporcional ao nivel de renda”.
 
No discurso que deu paso á entrega das medallas, o presidente do Parlamento insistiu en que “Galicia ten unha débeda impagable coa emigración, con variables no ámbito económico, no social, no cultural e en tantos outros como alcanzar poda a nosa imaxinación”.
 
Da dimensión económica da emigración, Santalices citou o envío de remesas que permitiron redimir foros, mercar terras e inmobles, construír ou arranxar casas e explotacións, implantar negocios ou mesmo axudar a mecanizar o campo.
 
Recordou que a emigración constatou a importancia da educación e a formación como vía de progreso. Neste sentido, e emigración impulsou iniciativas filantrópicas alén e aquén do mar, en forma de entidades asociativas, centros asistenciais e de formación, como os centos de “escolas de  indianos” espalladas por todo o territorio de Galicia. Grazas ás remesas da emigración, moitas mozas e mozos galegos puideron cursar os seus estudos.
 
No ámbito cultural, o titular do Lexislativo autonómico apuntou que foron numerosos os persoeiros da cultura galega que pasaron boa parte das súas vidas fóra da Galicia territorial, onde deron forma a obras senlleiras da literatura ou da arte galega. “Somos debedores –agregou- do impulso o patrocinio que a emigración a prestou a iniciativas como a Real Academia Galega, o Himno Galego ou a edición de infinidade de libros, por citar só tres do que podería ser un infinito ronsel de exemplos”.
 
Constatou tamén o orador que a emigración “acolleu cos brazos abertos os nosos exiliados”  e acubillou o nacemento do Consello de Galiza.
 
O reto de preservar o legado
 
A xuízo de Santalices Vieira, “a emigración galega enfróntase agora a un reto nunca antes coñecido: o de preservar o seu legado material, mais tamén o de conservar e manter viva a súa memoria, inmaterial pero igual de valiosa”. “Sirva esta Medalla –insistiu- para apoiar e alentar os protagonistas desa tarefa titánica”.
 
O presidente do Parlamento considerou que esta homenaxe á emigración galega propicia “a obriga e o compromiso de traballar sen desmaio e seguir creando as condicións acaídas para que emigrar sexa só, agora ou no futuro, unha opción voluntaria, e nunca unha obriga case ineludible”.
 
Inmigración
 
No seu discurso, Santalices referiuse tamén á inmigración, “que trae zume novo a unha Europa avellentada; inmigración necesaria, pero inmigración ordenada, respectuosa coa lei e sempre integrada nas sociedades de acollida”. Nesta liña, animou a “seguir alentando o retorno dos descendentes dos nosos emigrantes, retornados cos que compartimos valores, cultura, idioma e sentimentos, sempre garantes dunha integración efectiva”.
 
O acto deu comezo coa lectura, a cargo da secretaria da Mesa do Parlamento, Raquel Arias, do acordo de concesión da Medalla á emigración galega. Os representantes das 14 entidades que recolleron a distinción asinaron previamente no Libro de Ouro do Parlamento. O acto rematou coa intervención do presidente da Xunta de Galicia, Alberto Núñez Feijóo, e a interpretación do Himno Galego.
 
Saúdos, Gabinete de Comunicación.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-06T14:12:00Z 2019-04-06T14:43:00Z http://www.parlamentodegalicia.gal/Actualidade/2881/
Acordos da Comisión Permanente non Lexislativa para as Relacións co Consello de Contas, do día 05-04-2019

A Comisión Permanente non Lexislativa para as Relacións co Consello de Contas, na reunión do 5 de abril de 2019, adoptou os seguintes acordos:
 
Procedementos relativos a outras institucións e órganos
 
Consello de Contas: Programa Anual de Traballo
 
Aprobación das recomendacións pola Comisión

 
- 41987 (10/CPAT-000003)
Consello de Contas
Plan anual de traballo do Consello de Contas de Galicia para o ano 2019
BOPG n.º 413, do 17.01.2019
 
Recomendación núm.1
 
O Parlamento de Galicia insta ao Consello de Contas a realizar no exercicio 2019 avaliacións sobre os sistemas de prevención de riscos que permitan garantir o comportamento ético dos xestores públicos no sector  público  autonómico,  as deputacións e os concellos de máis de 50.000 habitantes.
 
Recomendación núm.2
 
O Parlamento de Galicia insta ao Consello de Contas a desenvolver neste exercicio actuacións destinadas a fomentar a conciencia e a participación cidadá a favor da transparencia e do comportamento ético.
 
Recomendación núm.3
 
O Parlamento de Galicia insta o Consello de Contas a asesorar ao sector público autonómico, ás deputacións e aos concellos de máis de 50.000 habitantes na implantación de plans de prevención de risco da corrupción para a súa implantación neste exercicio.
 
Recomendación núm.4
 
O Parlamento de Galicia insta ao Consello de Contas a manter con carácter periódico os Informes sobre a Actividade Económico-financeira das Entidades Públicas dependentes da Administración Xeral da Comunidade Autónoma.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-05T13:28:00Z 2019-04-05T13:28:00Z http://www.parlamentodegalicia.gal/Actualidade/2880/
O presidente do Parlamento destaca o potencial da emigración como “rede de proxección para Galicia e para España”

 
• Os integrantes da Comisión Delegada do Consello de Comunidades Galegas celebran unha reunión no Pazo do Hórreo un día antes de recibir a Medalla do Parlamento de Galicia á emigración galega 

Santiago, 5 de abril de 2019.- O presidente do Parlamento de Galicia, Miguel Ángel Santalices Vieira, subliñou hoxe que “máis aló das formalidades da insubstituíble diplomacia oficial, a nosa emigración conforma unha fabulosa rede de proxección para Galicia e para España”.
 
Santalices efectuou esta reflexión na inauguración da reunión que a Comisión Delegada do Consello de Comunidades Galegas celebra hoxe no Pazo do Hórreo, na véspera da entrega da Medalla do Parlamento de Galicia á emigración galega. A inauguración da xuntanza contou coa intervención do presidente da Xunta, Alberto Núñez Feijóo.
 
Durante a xornada de hoxe, os integrantes da Comisión Delegada terán tamén oportunidade de reunirse con representantes dos grupos parlamentarios da Cámara galega.
 
O presidente do Parlamento sinalou que “a exemplaridade, honestidade, seriedade e bo facer persoal e profesional que caracteriza o comportamento dos integrantes das diferentes colectividades galegas” reforza a súa capacidade de proxección, ao tempo que recordou as “posibilidade de intercambio económico e cultural da man da empresas, institucións e entidades que contan con galegos nas súas estruturas”.
 
Santalices Vieira agradeceu á Comisión Delegada do Consello de Comunidades Galegas que elixiran o Parlamento como sede para a reunión de hoxe. Insistiu en que o Parlamento de Galicia é a “casa de todas e todos os galegos, tamén dos galegos da emigración e os seus representantes, aos que recibimos cos brazos abertos”.
 
Recoñecemento xusto acordado por unanimidade
Recordou o presidente da Cámara que a Medalla do Parlamento de Galicia á emigración responde a un acordo unánime da Mesa  e constitúe “un acto de xustiza”.
 
“Tratamos de facer xustiza –agregou Santalices- e recoñecer o traballo, o sufrimento e a axuda das e dos emigrantes galegos de todos os tempos e en todos os lugares nos que estiveron e están asentados”.
 
A Medalla do Parlamento de Galicia á emigración será entregada aos 14 centros e entidades que integran a Comisión Delegada do Consello de Comunidades Galegas, como lexítimos representantes do conxunto da emigración galega de todos os tempos.
 
A Comisión Delegada do Consello de Comunidades Galegas é o órgano que asume as funcións do Pleno do Consello de Comunidades Galegas cando este non estea reunido (reúnese cada tres anos). O Consello de Comunidades Galegas e o órgano colexiado de representación e de participación das comunidades galegas asentadas fóra de Galicia e desempeña funcións consultivas e de asesoramento á administración autonómica en materia de emigración e galeguidade. Foi creado pola Lei 4/1983, do 15 de xuño, de recoñecemento da galeguidade, aprobada polo Parlamento galego.
 
A elección da composición da Comisión Delegada do Consello de Comunidades Galegas corresponde ao Consello de Comunidades galegas conforme ao procedemento establecido pola Lei 7/2013, de 13 de xuño, da galeguidade.
 
Integrantes da Comisión Delegada
 
Catro comunidades galegas en representación das asentadas nas comunidades autónomas de España:
Electos:
 
• Unión de Asociacións Galegas en Catalunya (UAGALCAT)
• Centro Gallego de Salamanca
• Agrupación Hijos de Galicia en Sestao
• Lar Gallego de Sevilla

Catro comunidades galegas en representación das asentadas fóra de España en países de Europa, África e Asia:
 
• Xuventude de Galicia, Centro Galego de Lisboa (Portugal)
• Centro Cultural Gallego de Cuxhaven e. V. (Alemania)
• Centro Gallego de Londres (Reino Unido)
• Asociación Cultural ASC  - “As – Xeitosiñas” Grupo de Baile e Banda de Gaitas de Zürich”
 
Catro comunidades galegas en representación das asentadas en países de América e Oceanía:
 
• Unidad Gallega de los EE.UU. de América INC (Casa de Galicia) (Estados Unidos)
• Centro Pontevedrés Social y Deportivo de Montevideo  (Uruguay)
• Asociación Civil Hijos del Ayuntamiento de Zas (Argentina)
• Sociedad Cultural Rosalía de Castro (Cuba)
Natos:
 
Un representante por cada comunidade galega inscrita no Rexistro da Galeguidade que teña máis de 20.000 socios galegos:
 
• Casa de Galicia de Montevideo (Uruguay)
• Hermandad Gallega de Venezuela (Venezuela)

Entrega o 6 de abril
 
A Medalla do Parlamento de Galicia entrégase o 6 de abril de cada ano, coincidindo co aniversario da promulgación do vixente Estatuto de Autonomía de Galicia. En anteriores edicións, esta Medalla foi concedida aos expresidentes/as do Parlamento de Galicia (2016), á Comisión dos 16 (autores do anteproxecto de Estatuto de Autonomía de Galicia), no ano 2017); e a  Cáritas diocesanas, COGAMI e Aldeas Infantiles SOS en 2018.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-05T12:13:00Z 2019-04-05T12:25:00Z http://www.parlamentodegalicia.gal/Actualidade/2879/
O presidente do Parlamento recorda que “sen seguridade xurídica non hai democracia posible”

 
• Santalices Vieira participou esta tarde na inauguración do XVII Congreso Anual da Asociación de Constitucionalistas de España
 
Santiago, 4 de abril de 2019.- O titular do Lexislativo galego, Miguel Ángel Santalices Vieira, recordou esta tarde que “nin unha soa das decisións que cada día adoptamos no Parlamento de Galicia seguen o seu curso sen contar  co preceptivo respaldo dos servizos xurídicos da Cámara, porque sen seguridade xurídica non hai democracia posible”.
 
A xuízo do presidente do Parlamento, estas salvagardas de seguridade xurídica, “lonxe de ser un feito illado, constitúen o proceder habitual da maioría das institucións”.
 
Santalices Vieira participou esta tarde no acto inaugural do XVII Congreso Anual da Asociación de Constitucionalistas de España, que se celebra na Facultade de Dereito da Universidade de Santiago de Compostela.
 
Para o presidente da Cámara galega, “as catro décadas transcorridas desde a aprobación da vixente Constitución española constitúen a mellor e máis extensa experiencia de estabilidade, prosperidade e convivencia harmónica de toda a nosa historia”.
 
Agradeceu Santalices o “apoio sen fisuras” que os constitucionalistas españois veñen prestando ao ordenamento constitucional, así como a a súa “solidez argumental” no debate soberanista.

Saúdos, Gabinete de Comunicación.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-04T19:01:00Z 2019-04-04T19:02:00Z http://www.parlamentodegalicia.gal/Actualidade/2878/
Convocatoria do Pleno do Parlamento de Galicia previsto para o 9 de abril de 2019

A Presidencia, de conformidade co disposto no artigo 53 do Regulamento do Parlamento, resolveu convocar o Pleno do Parlamento para realizar unha sesión o próximo día 9 de abril de 2019, ás 10:00 horas, no pazo do Parlamento.
 
De acordo coa Xunta de Portavoces e a Mesa, na reunión do día 2 de abril de 2019, a orde do día da sesión é a seguinte:

Punto 1. Textos lexislativos
 
1.1 Debate e votación do Ditame, emitido pola Comisión 2ª, Ordenación Territorial, Obras Públicas, Medio Ambiente e Servizos, sobre o Proxecto de lei  de rehabilitación e de rexeneración e renovación urbanas de Galicia (doc. núm. 44223,10/PL-000012)
 Publicación do ditame da comisión, BOPG n.º 454, do 02.04.2019
 
1.2 Debate de toma en consideración da Proposición de lei, do Grupo Parlamentario de En Marea, de renda social galega (doc. núm. 46311, 10/PPL-000034)
 Publicación da iniciativa, BOPG n.º 434, do 20.02.2019
 
Punto 2. Comparecencia
 
 48487 (10/CPP-000098)
 Do Sr. conselleiro de Economía, Emprego e Industria, por petición propia, para informar sobre a situación que está a atravesar a industria en Galicia
 
Punto 3. Mocións
 
3.1 48321 (10/MOC-000135)
 Grupo Parlamentario de En Marea
 Quinteiro Araújo, Paula e Villares Naveira, Luis
 Sobre as actuacións que debe levar a cabo o Goberno galego e as demandas que debe realizar ao Goberno central en relación co emprego no sector do telemárketing. (Moción consecuencia da Interpelación n.º 47129, publicada no BOPG n.º 441, do 06.03.2019, e debatida na sesión plenaria do 26.03.2019)
 
3.2 48332 (10/MOC-000136)
 Grupo Parlamentario de En Marea
 Solla Fernández, Eva
 Sobre as actuacións que debe levar a cabo o Goberno galego en relación coa atención primaria da saúde. (Moción consecuencia da Interpelación n.º 46711, publicada no BOPG n.º 441, do 06.03.2019, e debatida na sesión plenaria do 26.03.2019)
 
3.3 48353 (10/MOC-000137)
 Grupo Parlamentario dos Socialistas de Galicia
 Torrado Quintela, Julio
 Sobre as medidas que debe desenvolver a Xunta de Galicia no ano 2019 para a mellora da atención primaria no Sistema público de saúde. (Moción consecuencia da Interpelación n.º 47099, publicada no BOPG n.º 441, do 06.03.2019, e debatida na sesión plenaria do 26.03.2019)
 
Punto 4. Proposicións non de lei
 
4.1 42462 (10/PNP-003196)
 Grupo Parlamentario dos Socialistas de Galicia
 Burgo López, María de la Concepción e 2 máis
 Sobre as actuacións que debe levar a cabo a Xunta de Galicia conxuntamente coas tres universidades de Galicia para revisar o actual sistema de taxas académicas
 Publicación da iniciativa, BOPG n.º 410, do 14.01.2019
 
4.2 43484 (10/PNP-003250)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre as medidas que vai adoptar o Goberno galego diante da situación da sanidade pública galega
 Publicación da iniciativa, BOPG n.º 417, do 23.01.2019
 
4.3  46671 (10/PNP-003503)  
 Grupo Parlamentario de En Marea
 Sobre as actuacións que debe levar a cabo o Goberno galego en relación coa independencia dos cargos públicos, co réxime de incompatibilidades, cos conflitos de interese, coas “portas xiratorias” e cos posible casos de enriquecemento ilícito nas institucións autonómicas
 Publicación da iniciativa, BOPG n.º 437, do 27.02.2019
 
4.4 46917 (10/PNP-003525)
 Grupo Parlamentario de En Marea
 Sánchez García, Antón e Cal Ogando, Marcos
 Sobre a declaración de impacto ambiental que debe emitir o Goberno galego en relación co proxecto de reapertura da mina de Touro
 Publicación da iniciativa, BOPG n.º 441, do 06.03.2019
 
4.5 47818 (10/PNP-003612)
 Grupo Parlamentario dos Socialistas de Galicia
 Fernández Leiceaga, Xoaquín María e 3 máis
 Sobre as xestións que debe realizar o Goberno galego diante do Goberno central en relación coa aplicación do superávit orzamentario das comunidades autónomas e dos incentivos previstos na disposición adicional 151 da Lei de orzamentos xerais do Estado, así como a actuación que debe levar a cabo para o impulso dun plan anual de mellora da atención primaria da saúde
 Publicación da iniciativa, BOPG n.º 450, do 27.03.2019
 
4.6 47995 (10/PNP-003627)
 Grupo Parlamentario do Bloque Nacionalista Galego
 Bará Torres, Xosé Luís e 5 máis
 Sobre as actuacións que debe levar a cabo o Goberno galego en relación coa prórroga da concesión outorgada a Ence nos terreos de dominio público marítimo-terrestre de Lourizán, na ría de Pontevedra
 Publicación da iniciativa, BOPG n.º 450, do 27.03.2019
 
4.7 48070 (10/PNP-003633)
 Grupo Parlamentario Popular de Galicia
 Fernández Prado, Martín e 14 máis
 Sobre as demandas que debe realizar o Goberno galego ao Ministerio de Fomento en relación co Plan director para o corredor Atlántico presentado o 20 de febreiro en Madrid.
 Publicación da iniciativa pola vía de urxencia, BOPG n.º 450, do 27.03.2019
 
4.8 48111 (10/PNP-003635)
 Grupo Parlamentario Popular de Galicia
 Moreira Ferro, Jacobo e 16 máis
 Sobre a posición e as demandas que debe trasladar o Goberno galego ao Goberno central en relación coa decisión da Avogacía do Estado de avirse nos recursos interpostos contra o acordo de prórroga da concesión de Ence nos terreos de Lourizán, en Pontevedra, así como sobre a posición do Parlamento de Galicia en relación cos seus traballadores.
 Publicación da iniciativa pola vía de urxencia, BOPG n.º 450, do 27.03.2019
 
Punto 5. Interpelacións
 
5.1 29769 (10/INT-000977)
 Grupo Parlamentario dos Socialistas de Galicia
 Blanco Rodríguez, Noela e 2 máis
 Sobre a política da Xunta de Galicia en relación coa creación de escolas públicas infantís de 0 a 3 anos nos polígonos industriais e parques empresariais
 Publicación da iniciativa, BOPG n.º 299, do 03.05.2018
 
5.2 31757 (10/INT-001058)
 Grupo Parlamentario de En Marea
 Quinteiro Araújo, Paula e Rodríguez Estévez, David
 Sobre a política laboral da Xunta de Galicia en relación co dispositivo de prevención e extinción de incendios forestais
 Publicación da iniciativa, BOPG n.º 316, do 06.06.2018
 
5.3 43462 (10/INT-001432)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre a política do Goberno galego en materia de mellora da atención primaria
 Publicación da iniciativa, BOPG n.º 417, do 23.01.2019
 
Punto 6. Preguntas para resposta oral do Presidente da Xunta
 
6.1 48467 (10/POPX-000139)
 Grupo Parlamentario de En Marea
 Villares Naveira, Luis
 Sobre as razóns do incumprimento da normativa vixente en materia de transparencia
 
6.2 48481 (10/POPX-000140)
 Grupo Parlamentario do Bloque Nacionalista Galego
 Pontón Mondelo, Ana Belén
 Sobre a incidencia do centralismo para o desenvolvemento de Galicia
 
6.3 48482 (10/POPX-000141)
 Grupo Parlamentario dos Socialistas de Galicia
 Fernández Leiceaga, Xoaquín María
 Sobre a situación na que se atopa o compromiso do Goberno galego respecto das residencias de persoas maiores
 
Punto 7. Preguntas ao Goberno
 
7.1 42134 (10/POP-004895)
 Grupo Parlamentario Popular de Galicia
 Trenor López, Gonzalo e 7 máis
 Sobre as medidas da Xunta de Galicia destinadas a garantir o abastecemento de auga
 Publicación da iniciativa, BOPG n.º 410, do 14.01.2019
 
7.2 42696 (10/POP-005014)
 Grupo Parlamentario Popular de Galicia
 Fernández Gil, César Manuel e 7 máis
 Sobre as previsións do Goberno galego en relación coas obras en centros educativos da rede pública galega para este exercicio orzamentario
 Publicación da iniciativa, BOPG n.º 414, do 18.01.2019
 
7.3 45387 (10/POP-005417)
 Grupo Parlamentario dos Socialistas de Galicia
 Vilán Lorenzo, Patricia e 2 máis
 Sobre a opinión do Goberno galego respecto da situación da atención sanitaria na comarca do Condado-Paradanta, no que atinxe aos centros de saúde das Neves, Mondariz, Mondariz-Balneario e Ponteareas
 Publicación da iniciativa, BOPG n.º 430, do 13.02.2019
 
7.4 47467 (10/POP-005666)
 Grupo Parlamentario de En Marea
 Solla Fernández, Eva e Cal Ogando, Marcos
 Sobre a elaboración pola Consellería de Sanidade dalgún plan para a protección da saúde humana en relación coa contaminación por lindano
 Publicación da iniciativa, BOPG n.º 444, do 13.03.2019
 
7.5 48474 (10/PUP-000239)
 Grupo Parlamentario de En Marea
 Miranda Pena, Flora María
 Sobre as actuacións previstas pola Consellería de Sanidade para o deseño dun plan para abordar a situación da atención á saúde mental en Galicia
 
7.6 48480 (10/PUP-000240)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre as razóns dos atrancos que está a poñer o Sergas para a construción canto antes do centro de saúde de Moaña
 
7.7 46815 (10/POP-005582)
 Grupo Parlamentario dos Socialistas de Galicia
 Rodríguez Rumbo, Matilde Begoña e 3 máis
 Sobre a execución da partida ou das partidas orzamentarias destinadas nos anos 2017 e 2018 ao plan para fixar poboación no rural elaborado pola Consellería do Medio Rural e cofinanciado con fondos europeos
 Publicación da iniciativa, BOPG n.º 441, do 06.03.2019
 
7.8 47943 (10/POP-005722)
 Grupo Parlamentario do Bloque Nacionalista Galego
 Rivas Cruz, José Luis e 5 máis
 Sobre a opinión do Goberno galego respecto da resposta do comisario de Medio Ambiente da Comisión Europea a unha pregunta dunha eurodeputada galega en relación co posible aumento da superficie forestada con eucalipto en Galicia
 Publicación da iniciativa, BOPG n.º 450, do 27.03.2019
 
7.9 48458 (10/PUP-000238)
 Grupo Parlamentario dos Socialistas de Galicia
 Fernández Fernández, Raúl e Pérez Seco, José Manuel
 Sobre as consecuencias da vaga de lumes rexistrada en Galicia no primeiro trimestre de 2019
  
7.10 46881 (10/POP-005599)
 Grupo Parlamentario Popular de Galicia
 Rey Varela, José Manuel e 9 máis
 Sobre a existencia dalgún contacto doutras administracións coa Consellería do Mar para o asinamento dun convenio ou colaboración para a implantación de melloras produtivas na ría de Ferrol
 Publicación da iniciativa, BOPG n.º 441, do 06.03.2019
 
Os grupos parlamentarios poderán presentar emendas ás mocións e ás proposicións non de lei ata seis horas antes do inicio da sesión, ao abeiro do disposto no artigo 161.2 do Regulamento.
 
Santiago de Compostela, 2 de abril de 2019
 
 
 
Miguel Ángel Santalices Vieira
Presidente
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-02T16:24:00Z 2019-04-02T19:01:00Z http://www.parlamentodegalicia.gal/Actualidade/2877/
O Parlamento de Galicia acolle un acto institucional para conmemorar o Día Mundial de Concienciación sobre o Autismo

• Santalices reclama superar a estigmatización 
 
• Durante o acto deuse lectura a un manifesto impulsado pola Federación Autismo Galicia

Santiago, 2 de abril de 2019.- O Parlamento de Galicia acolleu esta mañá un acto institucional conmemorativo do Dia Mundial de Concienciación sobre o Autismo, organizado coa colaboración da Federación Autismo Galicia.
 
O presidente da Cámara, Miguel Ángel Santalices Vieira, reivindicou a utilidade de actos como o de hoxe para poñer o foco sobre a realidade do autismo e reclamou superar a estigmatización que en ocasións acompaña esta realidade.
 
Santalices agradeceu a elección do Parlamento como escenario para a celebración institucional do Día Mundial de Concienciación sobre o Autismo na medida en que constitúe o “foro adecuado para trasladar inquedanzas” como as recollidas no manifesto da Federación Autismo Galicia á que se deu lectura durante o acto. Valorou tamén a asistencia ao acto de representantes das catro forzas políticas representadas na Cámara.
 
Reiterou que o Parlamento de Galicia, “aberto e accesible” apoia a estratexia de “visualización” impulsada pola Federación Autismo Galicia.
 
O presidente da Cámara agradeceu especialmente o traballo das diferentes entidades que operan no ámbito do autismo, así como a implicación das distintas administracións.
O acto contou tamén coas intervencións da conselleira de Política Social, Fabiola García Martínez, e da presidenta da Federación Autismo Galicia, María José Álvarez Folgar.
 
Tamén asistiron o vicepresidente primeiro e a secretaria de Mesa do Parlamento, así como a valedora do pobo.
Durante a mañá, os asistentes participaron nunha visita guiada ao Parlamento de Galicia acompañados por persoal da Federación Autismo Galicia.

 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-02T11:50:00Z 2019-04-02T11:51:00Z http://www.parlamentodegalicia.gal/Actualidade/2876/
Acordos da Comisión 2ª, Ordenación Territorial, Obras Públicas, Medio Ambiente e Servizos, do 29-02-2019

 
A  Comisión 2ª, Ordenación Territorial, Obras Públicas, Medio Ambiente e Servizos, na súa sesión do 29 de marzo de 2019, adoptou os seguintes acordos:
 
Procedementos de control e impulso

 
Proposicións non de lei en comisión
 
Aprobación sen modificacións
 
- 40910 (10/PNC-003320)
Grupo Parlamentario Popular de Galicia
Fernández Prado, Martín e nove deputados/as máis
Sobre as demandas que debe realizar o Goberno galego ao Ministerio de Fomento en relación co remate dos treitos A Lavacolla-Arzúa, Arzúa-Melide e Melide-Palas de Rei da autovía A-54, Lugo-Santiago de Compostela
BOPG nº 394, do 05.12.2018
 
Sométese a votación e resulta aprobada sen modificacións por 7 votos a favor, 0 votos en contra e 5 abstencións.
O texto aprobado é o seguinte:
 
«O Parlamento de Galicia insta a Xunta de Galicia a dirixirse ao Ministerio de Fomento para:
 
1.Solicitarlle información respecto aos prazos e previsións que manexa para o remate dos tres treitos que quedan pendentes para completar a autovía A-54, Lugo-Santiago.
 
2.Demandarlle axilidade na execución das obras pendentes co obxectivo de que o treito A Lavacolla-Arzúa poida estar finalizado no primeiro semestre de 2019; e que os tramos Arzúa-Melide e Melide-Palas de Rei se rematen no ano 2020.»
 
Aprobación por unanimidade con modificacións
 
- 42995 (10/PNC-003463)
Grupo Parlamentario de En Marea
Sánchez García, Antón e dous deputados/as máis
Sobre as actuacións que debe levar a cabo a Xunta de Galicia en relación coa modificación da Lei 8/2012, do 29 de xuño, de vivenda de Galicia, para os efectos de regular a delimitación de vivenda baleira e o establecemento do dereito de tanteo e retracto
BOPG nº 414, do 18.01.2019
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
«1.  O Parlamento de Galicia insta a Xunta de Galicia a dirixirse ao Goberno do Estado, así como aos grupos parlamentarios que se constitúa e constitúan despois das eleccións xerais de abril do 2019, para os efectos de introducir na normativa básica estatal a definición e delimitación de vivenda baleira que posibilite a aplicación polos concellos das recargas que prevé a Lei reguladora das facendas locais.
 
2. No suposto de que nos seis meses seguintes á constitución do goberno non se aprobase tal introdución, a Xunta presentará, dentro dos dous meses seguintes ao remate do prazo anterior, un proxecto de lei de modificación da Lei 8/2012, de vivenda de Galicia, para os efectos do sinalado no apartado 1.»

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-04-01T15:56:00Z 2019-04-01T15:57:00Z http://www.parlamentodegalicia.gal/Actualidade/2875/
O presidente do Parlamento asume a importancia de axilizar o diagnóstico das enfermidades raras

• Santalices Vieira participou en Ourense na inauguración da xornada internacional sobre enfermidades raras titulada A ciencia da man do paciente

Santiago, 29 de marzo de 2019.- O presidente do Parlamento de Galicia, Miguel Ángel Santalices Vieira, inaugurou esta mañá a Xornada de enfermidades raras: Ciliopatías comúns e ultrarraras, que se desenvolve no Edificio Politécnico do Campus de Ourense baixo o título A ciencia da man do paciente.
 
Santalices Vieira subliñou a importancia  de “axilizar o diagnóstico” das persoas afectadas por unha enfermidade rara, ao tempo que se amosou esperanzado en que as diferentes liñas de investigación nas que se traballa actualmente “podan ofrecer resultados alentadores”.
 
O presidente do Parlamento agradeceu o labor de concienciación que desenvolven as diferentes organizacións que traballan no ámbito das enfermidades raras e instounos a non caer no desánimo ante a ausencia de resultados inmediatos. “Quero insistir na necesidade de non perder a esperanza e animalos a seguir chamando a atención da sociedade en xeral, e dos poderes públicos en particular”, afirmou.
 
Santalices agradeceu a invitación a participar nesta xornada, intervención que enmarcou no esforzo do Parlamento por “estar presente no día a día das galegas e galegos, porque estamos convencidos de que a nosa tarefa pode e debe resultar máis útil canto mellor coñezamos as diferentes realidades da nosa sociedade.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-29T13:40:00Z 2019-03-29T13:40:00Z http://www.parlamentodegalicia.gal/Actualidade/2873/
Acordos da Comisión 7ª. Agricultura, Alimentación, Gandaría e Montes celebrada o día 28-03-2019

A  Comisión 7ª, Agricultura, Alimentación, Gandaría e Montes, na súa sesión do 28 de marzo de 2019, adoptou os seguintes acordos:
 
Procedementos de control e impulso
Proposicións non de lei en Comisión
 
Aprobación por unanimidade con modificacións
 
- 44968 (10/PNC-003616)
Grupo Parlamentario de En Marea
Rodríguez Estévez, David e 2 máis
Sobre a recuperación pola Consellería do Medio Rural do servizo de recollida e xestión de plásticos de uso agrícola procedentes de silos, invernadoiros e hortas, así como as actuacións que debe levar a cabo ao respecto
BOPG n.º 427, do 06.02.2019
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
“O Parlamento galego insta á Xunta de Galicia a:
 
1.-  Estudar a implantación de medidas  para  colaborar  cos  concellos  na  recollida  e transporte dos plásticos de orixe agrícola.
 
2.- Facer unha campaña de concienciación entre gandeiros e gandeiras e agricultores e agricultoras para aumentar o volumen de plástico que se está a recoller e para a súa axeitada xestión.”

Aprobación por unanimidade sen modificacións
 
- 44051 (10/PNC-003525)
Grupo Parlamentario dos Socialistas de Galicia
Fernández Fernández, Raúl e Pérez Seco, José Manuel
Sobre a modernización das estruturas produtivas agrarias e gandeiras coa finalidade de medir a consecución do obxectivo da incorporación da mocidade ao mercado laboral para facilitar o cambio xeracional
BOPG n.º 418, do 24.01.2019
 
Sométese a votación e resulta aprobada sen modificacións pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento galego insta a Xunta de Galicia a apostar pola modernización das estruturas produtivas agrarias e gandeiras, cun seguimento público e verificable no relativo aos seus resultados anuais, coa finalidade de medir a consecución do obxectivo  da  incorporación  da  mocidade  ao  mercado  laboral  para  facilitar  o relevo xeracional."
 
- 45007 (10/PNC-003623)
Grupo Parlamentario Popular de Galicia
Blanco Paradelo, Moisés e 12 máis
Sobre as medidas que debe levar a cabo a Xunta de Galicia en canto ao fomento da modernización das explotacións agrícolas e gandeiras a través da innovación tecnolóxica e a dixitalización
BOPG n.º 427, do 06.02.2019
 
Sométese a votación e resulta aprobada sen modificacións pola unanimidade dos 12 deputados e deputadas presentes.
 
O texto aprobado é o seguinte:
 
“O Parlamento de Galicia insta á Xunta de Galicia a continuar fomentando a modernización das explotacións coa introdución de novas solucións tecnolóxicas, a través do fomento e posta en común do coñecemento, a innovación e a dixitalización nas zonas agrícolas, gandeiras e do rural de Galicia”.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-28T14:19:00Z 2019-03-28T14:19:00Z http://www.parlamentodegalicia.gal/Actualidade/2872/
Proposicións non de lei aprobadas polo Pleno do Parlamento de Galicia o 27 de marzo de 2019

5.3 45234 (10/PNP-003395)
Grupo Parlamentario Popular de Galicia
Blanco Paradelo, Moisés e 5 máis
Sobre o mantemento pola Xunta de Galicia do seu apoio aos profesionais que traballan no campo galego a tempo parcial, así como o impulso das medidas necesarias para fomentar e protexer a súa actividade nel
Publicación da iniciativa, BOPG n.º 430, do 13.02.2019
 
O texto aprobado é o seguinte:
 
“O  Parlamento  de  Galicia  insta  á Xunta  de  Galicia a  manter  o  apoio  aos  profesionais que  traballan  no  campo  a  tempo  parcial,  así  como  impulsar  cantas  medidas  sexan necesarias para fomentar e protexer a súa actividade no campo galego”
 
5.6 46854 (10/PNP-003517)
Grupo Parlamentario Popular de Galicia
Nóvoa Iglesias, Marta e 14 máis
Sobre a demanda que debe realizar o Goberno galego ao Goberno central en relación co establecemento dun marco enerxético estable e un prezo eléctrico competitivo consensuado co sector electrointensivo, así como a actuación que debe levar a cabo respecto da presentación dun expediente de regulación de emprego temporal na empresa Ferroatlántica.
Publicación da iniciativa pola vía de urxencia, BOPG n.º 437, do 27.02.2019

 
O texto aprobado é o seguinte:
 
“O Parlamento de  Galicia, insta a Xunta de Galicia a:
1. Demandar ao Goberno  que rectifique o borrador do Estatuto dos Consumidores Electrointensivos e esta vez se teña en conta as alegacións que a Xunta consensuou coas empresas electrointensivas galegas para conseguir un prezo competitivo e estable da electricidade:
 
- Incluír unha categorización das empresas electrointensivas diferenciando entre consumidores electrointensivos, consumidores altamente electrointensivos e consumidores hiperelectrointensivos co obxectivo de que se poidan atender as necesidades concretas de cada empresa en función do consumo enerxético que teña o seu proceso produtivo.
 
- Establecer compensacións polo pagamento de renovables, sobre todo para as empresas que teñen unha maior carga no seu custo enerxético vinculado ao custo das renovables.
 
- Habilitar o dereito ás compensacións desde o punto de vista fiscal e dos descontos por peaxe, dous aspectos que teñen unha incidencia directa no custo enerxético que asumen as empresas electrointensivas.
 
- Introducir as compensacións que habilita a propia Comisión Europea derivadas das propias poxas de CO2 coa finalidade de permitir unha suficiencia financeira axeitada para dar resposta á empresas electrointensivas.
 
- Que estas medidas sexan retroactivas desde o 1 de xaneiro co obxectivo de que as empresas poidan ter unha  certeza sobre os custos enerxéticos que terán que asumir durante 2019.
 
2. Demandar ao Goberno as modificacións normativas necesarias para que a planta de Alcoa na Coruña poida participar na poxa de interrompibilidade do segundo semestre do ano, así como do resto de empresas electrointensivas que viñan participando desde Galicia.
3. Demandar ao Goberno máxima transparencia e máxima cooperación institucional respecto ás empresas ou fondos  que están interesados en Alcoa Coruña, coa finalidade de garantir a unidade de acción en favor dos traballadores e as súas familias.
 
4. Seguir mantendo o contacto coa traballadores das empresas e cos seus representantes sindicais para acordar o mantemento  da actividade industrial e para a defensa dos postos de traballo”.

5.8 47456 (10/PNP-003588)
Grupo Parlamentario de En Marea
Casal Vidal, Francisco e 2 máis
Sobre as actuacións que debe levar a cabo o Goberno galego e as xestións que debe realizar diante do Goberno central en relación co concurso voluntario de acredores con proposta de liquidación para a fábrica de Poligal en Narón
Publicación da iniciativa, BOPG n.º 444, do 13.03.2019
 
 O texto aprobado é o seguinte:  
 
“O Parlamento de Galicia insta a Xunta de Galicia a intervir  de  maneira  contundente  ante  a  empresa  para  garantir  o  mantemento da actividade e dos postos de traballo na planta de Poligal en Narón”.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-27T14:13:00Z 2019-03-27T14:13:00Z http://www.parlamentodegalicia.gal/Actualidade/2871/
Mocións aprobadas polo Pleno do Parlamento de Galicia o 26 de marzo de 2019

 

4.1 47839 (10/MOC-000132)
Grupo Parlamentario do Bloque Nacionalista Galego
Presas Bergantiños, Noa
Sobre as actuacións que debe levar a cabo o Goberno galego e as demandas que debe realizar ao Goberno central en relación co sector da industria electrointensiva galega e o expediente de regulación de emprego temporal presentado por Ferroatlántica. (Moción, a consecuencia da Interpelación nº 41768, publicada no BOPG nº 405, do 03.01.2019, e debatida na sesión plenaria do 12.03.2019)
 
O texto aprobado é o seguinte:
 
“O Parlamento galego acorda instar á Xunta de Galicia a: 
 
1.  Manter  un  contacto  permanente cos  traballadores  e traballadoras  dos  centros de Ferroatlántica en Galicia e coas corporacións municipais dos concellos afectados para defender o mantemento dos postos de traballo e da actividade produtiva.
 
2.   Esixir   ao   goberno   central   a   inmediata   aprobación   do   Estatuto   de Electrointensivas e o seu consenso co sector electrointensivo galego. 
 
3.  Esixir  ao  goberno  central  a  non  aplicación  na  industria  galega e de todos os consumidores galegos da  suba  de prezo  da  enerxía  por  mor  da  aplicación  dos  suplementos  territoriais  en  canto  non  se resolvan os recursos pendentes.  De non prosperar, esixir que a suba sexa asumida polo Estado”.
 
 
4.3 47849 (10/MOC-000134)
Grupo Parlamentario dos Socialistas de Galicia
Álvarez Martínez, Luis Manuel
Sobre as actuacións que debe levar a cabo o Goberno galego en materia lingüística. (Moción, a consecuencia da Interpelación nº 37279, publicada no BOPG nº 362, do 26.09.2018, e debatida na sesión plenaria do 12.03.2019)
 
O texto aprobado é o seguinte:

“O Parlamento de Galicia insta o Goberno galego para que:
 
1º)      Garanta  que  ao  remate  das  etapas  educativas  nas  que  o  ensino  da  lingua galega sexa obrigatoria, o alumnado coñeza nos seus niveis oral e escrito a lingua galega en igualdade co castelán.
 
2º)    Manteña  a  esixencia  da  acreditación  do  coñecemento  da  lingua  galega  nos procesos  de  ingreso,  acceso  e  adquisición  de  novas  especialidades  nos  corpos docentes  naqueles  procesos  que  se  desenvolvan  na  comunidade  autónoma  de Galicia.
 
3º)  No  acceso  aos postos  da  Administración  xeral  autonómica  de  Galicia  se manteña como requisito a acreditación do coñecemento da lingua galega”.

Saúdos, Gabinete de Comunicación.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-26T18:23:00Z 2019-03-26T18:24:00Z http://www.parlamentodegalicia.gal/Actualidade/2870/
Declaración institucional a prol do sector lácteo galego

O sector lácteo é un sector estratéxico para Galicia e un dos piares do sostemento económico e demográfico de moitas comarcas rurais. Achega o 1,7% do PIB galego, pero ten un impacto real na economía moi superior polo forte encadeamento con outras ramas de actividade.
 
O sector sufriu unha profunda reestruturación desde a incorporación á Unión Europea, pasando das 100.000 explotacións en 1985 a menos de 8.000 na actualidade.
 
Neste período os gandeiros galegos fixeron un enorme esforzo: aumentaron o tamaño, melloraron a xestión e o nivel técnico das explotacións e multiplicaron por máis de dous o volume de entregas ás industrias (de 1,24 millóns de toneladas de 1985, pasouse a máis de 2,7 millóns no ano 2018). Hoxe Galicia produce case o 40% do leite do Estado, e está dentro das dez primeiras rexións produtoras de Europa.
 
Con todo, o sector presenta problemas nos que cómpre traballar xuntos para garantir o seu futuro, baseado preferentemente en granxas de base familiar, e así manter o equilibrio territorial e ambiental de Galicia.
 
No eido da produción as explotacións teñen que aumentar a súa base territorial, reducir os custos e evitar a dependencia dos insumos comprados nos mercados internacionais, que van estar suxeitos a unha gran volatilidade, ao igual que os prezos do leite. Para iso é necesario fortalecer instrumentos como o Banco de Terras e abordar unha reforma lexislativa ambiciosa, de amplo consenso, que contribúa á mobilización da terra agraria de Galicia.
 
Outro dos problemas do sector é o peche de explotacións e a perda de investimento produtivo no rural pola falta de sucesión e de relevo xeracional. Neste senso precísanse medidas orientadas a facilitar a sucesión e incentivar a incorporación á actividade leiteira.
 
No eido da industria, esta caracterízase pola súa debilidade estrutural e a súa orientación cara a derivados simples de escaso valor engadido e pola súa incapacidade de transformar en Galicia todo o leite que se produce, premendo á baixa os prezos que reciben os produtores. Por iso cómpre desenvolver accións de política industrial orientadas á implantación en Galicia de proxectos industriais que valoricen o leite e con acceso aos mercados internacionais.
 
Ademais, e como mecanismo para o fortalecemento conxunto do sector, precísanse medidas para lograr unha distribución equitativa do valor ao longo da cadea.
 
Concretamente unha modificación do paquete lácteo que elimine as asimetrías existentes nos tres elos da cadea e flexibilizar os requisitos de constitución das Organizacións de Produtores Lácteos.
 
Por último considérase necesario impulsar o asesoramento, a formación e a investigación como eixes transversais para o futuro do sector lácteo.
 
Por todo isto, o Parlamento de Galicia, considerando o sector lácteo como un sector estratéxico de vital importancia para o rural de Galicia, comprométese a traballar nas liñas anteriores a prol do seu fortalecemento para que no futuro continúe sendo motor de desenvolvemento económico, xerador de valor engadido, investimento e emprego nos espazos rurais de Galicia. Un sector que ademais mantén superficie agraria útil, actúa como eficaz corta lumes e preserva unha paisaxe agraria coidada, símbolo da identidade territorial de Galicia, que beneficia ao conxunto da sociedade galega.
 
Santiago de Compostela, 26 de marzo de 2019

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-26T12:18:00Z 2019-03-26T12:18:00Z http://www.parlamentodegalicia.gal/Actualidade/2869/
Visita institucional do embaixador de Turquía ao Parlamento de Galicia

Santiago, 25 de marzo de 2019.- O embaixador da República de Turquía en España, Cihad Erginay, efectuou esta mañá unha visita institucional ao Parlamento de Galicia, onde foi recibido polo presidente da Cámara, Miguel Ángel Santalices Vieira.
 
A visita enmárcase na rolda de contactos que o diplomático turco está a manter despois da súa recente toma de posesión como embaixador en España.
 
Santalices Vieira interesouse polas relacións entre España e Turquía e fixo votos polo seu fortalecemento. O diplomático turco foi convidado a asinar no libro de ouro do Parlamento de Galicia e, rematada a entrevista, tivo ocasión de efectuar unha visita ás diferentes dependencias do Pazo do Hórreo.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-25T13:17:00Z 2019-03-25T13:17:00Z http://www.parlamentodegalicia.gal/Actualidade/2868/
Acordos da Comisión 8ª. Pesca e Marisqueo do día 22.03.2019

A  Comisión 8ª, Pesca e Marisqueo, na súa sesión do 22 de marzo de 2019, adoptou os seguintes acordos:
 
Procedementos de control e impulso
Proposicións non de lei en Comisión
 
Aprobación sen modificacións
 
- 45063 (10/PNC-003630)
Grupo Parlamentario do Bloque Nacionalista Galego
Prado Cores, María Montserrat e 5 máis
Sobre as medidas que debe adoptar o Goberno galego no relativo á exención da pesca artesanal dos sistemas de totais admisibles de capturas e cotas
BOPG n.º 427, do 06.02.2019
 
Sométese a votación e resulta aprobada sen modificacións por 10 votos a favor, 0 votos en contra e 2 abstencións.
 
O texto aprobado é o seguinte:
 
“O Parlamento de Galiza insta ao Goberno galego a:
 
1.       Promover  e  consensuar  as  medidas  necesarias  para materializar a exclusión das capturas accesorias ou accidentais da frota costeira artesanal dos sistema de TACs e cotas, dada a súa multiespecificidade  e,  polo  tanto,  o  seu  escaso  impacto  no  estado  dos recursos mariños.
 
Dentro da pesca costeira artesanal, compre estabelecer criterios de diferenciación entre o que significa a pesca accidental e a pesa dirixida. O tratamento das dúas modalidades debería ser de todo independente: a accidental debe estar á marxe dos criterios de TACs e cotas ou de obriga de desembarco, dado  que  representa  as capturas  de  especies  accesorias  durante  a  pesqueira dunha determinada especie, debéndoselle aplicar unha xestión das posibilidades de pesca a través de criterios de reparto que garanten igualdade de condicións entre as unidades de frota participantes.
 
2.         Requirir un tratamento distinto e diferenciado da xestión das posibilidades de pesca da frota artesanal con respecto ás frotas industrial e/ou semi-industrial.
 
As embarcacións de pesca costeira artesanal son de pequeno porte, utilizan artes e aparellos de pesca altamente selectivos, desenvolven a súa actividade  pesqueira  de  forma  tradicional,  sostíbel,  cun  baixo  volume  de capturas de especies moi diversas e de gran calidade.
 
A pesca costeira artesanal nas súas diferentes modalidades realízase de xeito   exclusivo   en   augas   interiores   e   cunha   importante   dependencia
socioeconómica, tendo en conta a gran cantidade de postos de traballo que xera, tanto directos como indirectos.
 
Xa que logo, queda suficientemente demostrado que a incidencia da pesca costeira artesanal é socialmente moito máis relevante que a industrial ou semi-industrial e, polo tanto, estímase esencial a súa protección e salvagarda, propoñendo a súa regulación a través de criterios específicos e consecuentes, e en ningún caso mesturados con outras pesqueiras de intereses moi distintos.
 
3.         Continuar reclamando que a pesca costeira artesanal quede exenta da obriga de desembarque.
 
É indispensábel seguir insistindo ante a Unión Europea, que a normativa que regula a obriga de desembarque de capturas para a frota costeira artesanal, quede sen efecto.
 
É indubidábel que a decisión de “política de descartes cero” tomouse de xeito precipitado no seu da UE, sen facerse os estudos correspondentes e sen ter en conta as pesqueiras multiespecíficas nas que desenvolve a súa actividade a frota pesqueira artesanal galega.
 
O feito de aplicar o regulamento tal e como está redactado, podería supoñer que non se poida desenvolver a actividade pesqueira, cando se poden acreditar as boas condicións dos caladoiros galegos, debido a forma de traballo sostíbel da pesca costeira artesanal.”

- 46885 (10/PNC-003769)
Grupo Parlamentario Popular de Galicia
Egerique Mosquera, Teresa e 7 máis
Sobre as demandas que debe realizar o Goberno galego ao Goberno central en relación co artigo 10 do actual Regulamento do Fondo Europeo Marítimo e de Pesca co fin de outorgar seguridade xurídica á concesión de achegas ao sector marítimo-pesqueiro
BOPG n.º 441, do 06.03.2019
 
Sométese a votación e resulta aprobada sen modificacións por 7 votos a favor, 0 votos en contra e 5 abstencións.
 
O texto aprobado é o seguinte:
 
“O Parlamento de Galicia insta á Xunta de Galicia a pedir do Goberno do Estado a formulación dunha interpretación do artigo 10 do actual regulamento do FEMP por parte de Bruxelas e á consecuente adopción de medidas de claridade e adecuación da prohibición contemplada no sinalado artigo, de forma que se outorgue seguridade xurídica á concesión de achegas ao sector marítimo-pesqueiro”.
 
- 46889 (10/PNC-003771)
Grupo Parlamentario Popular de Galicia
Egerique Mosquera, Teresa e 7 máis
Sobre as demandas que debe realizar o Goberno galego ao Goberno central en relación coas medidas establecidas pola Unión Europea para evitar o sometemento das pesqueiras aos efectos das denominadas “"especies de estrangulamento", así como respecto da posibilidade de aplicación das medidas adicionais propostas
BOPG n.º 441, do 06.03.2019
 
Sométese a votación e resulta aprobada sen modificacións por 7 votos a favor, 0 votos en contra e 5 abstencións.
 
O texto aprobado é o seguinte:
 
“O Parlamento de Galicia insta á Xunta de Galicia a pedir do Goberno do Estado que demande da UE a necesidade de verificar a eficacia das medidas dispostas para evitar o sometemento das pesquerías aos efectos perniciosos das chamadas “especies de estrangulamento” (choke-species), ademais de verificar a posibilidade de aplicación das medidas adicionais propostas, con especial incidencia de:
 
• Aplicación do rango superior do nivel RMS para a pescada no Cantábrico y Noroeste (HKE/8C3411) cando entre en vigor o   plan plurianual para as poboacións de peixes nas augas occidentais.
 
• Determinación de alternativas que complementen as campañas centinela no Cantábrico e Noroeste (UF 25 e 31), de forma que se poidan confirmar os datos que leven a reabrir a pesquería desta especie.

• Aumento das porcentaxes de flexibilidade nos intercambios de cota entre zonas, con especial atención ao aumento das cifras marcadas para a anchoa e o xurelo entre as  zonas VIIIc e IXa.
 
• Determinación de eliminación de TAC para ochavo ou reloxo (BOR/678-).
 
• Determinación da eliminación do TAC de ollomol e alfonsinos para Gran Sol e
Cantábrico e Noroeste (SBR/678-) (ALF/3X14-)”.

Aprobación por unanimidade sen modificacións
- 46247 (10/PNC-003711)
Grupo Parlamentario dos Socialistas de Galicia
Otero Rodríguez, Patricia e Toja Suárez, María Dolores
Sobre as actuacións que debe levar a cabo o Goberno galego en relación coa posibilidade de extraer o ourizo de mar na Mariña lucense mediante mergullo con subministración de aire desde a superficie
BOPG n.º 434, do 20.02.2019
 
Sométese a votación e resulta aprobada sen modificacións pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento de Galicia insta o Goberno galego a realizar unha mostraxe aleatoria da existencia do ourizo de mar na Mariña lucense, realizado por biólogos da Consellería do Mar e que en función dos resultados desa mostraxe valore a posibilidade de permitir ou non a extracción do ourizo mediante mergullo con subministro de aire desde a superficie."
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-25T11:27:00Z 2019-03-25T11:27:00Z http://www.parlamentodegalicia.gal/Actualidade/2867/
Santalices agradece o labor das entidades que traballan no ámbito da Síndrome de Down e insiste en que “superar as dificultades é posible"

 
• O presidente do Parlamento participou en Vigo no acto organizado co gallo do Día Mundial da Síndrome de Down

Santiago, 21 de marzo de 2019.- O presidente do Parlamento de Galicia, Miguel Ángel Santalices Vieira, participou esta tarde en Vigo no acto organizado coincidindo coa celebración do Día Internacional da Síndrome de Down, onde felicitou e agradeceu o labor das entidades que traballan neste ámbito e lanzou unha mensaxe de esperanza. “Superar as dificultades é posible”, dixo.
 
Santalices referiuse ao 30 aniversario de Down Vigo, tres décadas que, ao seu xuízo,  acreditan “a utilidade, a necesidade e a eficacia práctica do traballo multidisciplinar que desenvolven entidades como Down Galicia e tantas outras que operan en Galicia e en España no ámbito da inclusión das persoas con algún tipo de diversidade”.
 
Defendeu o presidente do Parlamento a utilidade de celebracións como a de hoxe, Día Mundial da Síndrome de Down, na medida en que contribúen a facer visible esta realidade. Na súa opinión, a concienciación, xunto co traballo das organizacións, “resultan determinantes para avanzar na inclusión social e laboral, e tamén na independencia das persoas con Síndrome de Down”.
 
Paralelamente, Santalices Vieira recordou que todas as persoas “e moi especialmente cantos ostentamos responsabilidades públicas, temos a obriga de nos implicar activamente para avanzar na integración e na normalización da vida das persoas con discapacidade”.
 
Saúdos, Gabinete de Comunicación.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-21T21:32:00Z 2019-03-21T22:05:00Z http://www.parlamentodegalicia.gal/Actualidade/2866/
Acordos da 6ª, Industria, Enerxía, Comercio e Turismo, celebrada o 21.03.2019

 
A  Comisión 6ª, Industria, Enerxía, Comercio e Turismo, na súa sesión do 21 de marzo de 2019, adoptou os seguintes acordos:
 
Procedementos de control e impulso
 
Proposicións non de lei en Comisión
 
Aprobación por unanimidade con modificacións
 
- 46700 (10/PNC-003758)
Grupo Parlamentario do Bloque Nacionalista Galego
Bará Torres, Xosé Luís e 5 máis
Sobre as actuacións que debe levar a cabo a Xunta de Galicia en relación co anuncio da presentación dun concurso de acredores e co posible peche da planta de Poligal, en Narón
BOPG n.º 441, do 06.03.2019
 
Sométese a votación e resulta aprobada con modificacións respecto do texto orixinal, pola unanimidade dos 11 deputados e deputadas presentes.
 
O texto aprobado é o seguinte:
 
“O Parlamento galego acorda instar á Xunta de Galiza a levar a cabo todas as actuacións posibles para o mantemento do emprego e do proceso produtivo de Poligal en Narón, así como do mantemento e impulso da actividade industrial nesta comarca, a comezar por unha Mesa de Traballo na que se integre ás partes e axentes implicados, comprometendo axilidade e periodicidade nas súas reunións.”

- 47132 (10/PNC-003802)
Grupo Parlamentario de En Marea
Casal Vidal, Francisco e 3 máis
Sobre as actuacións que debe levar a cabo o Goberno galego en relación co expediente de regulación temporal de emprego presentado pola empresa Bosch Service Solutions, de Vigo, e a situación xeral do sector do telemárketing en Galicia
BOPG n.º 441, do 06.03.2019
 
Sométese a votación separada por puntos:
 
Puntos 1, 2, 4, 5, 8, 9 e 11: resultan aprobados por unanimidade dos 11 deputados e deputadas presentes
Punto 3: resulta rexeitado  por 2 votos a favor, 7 votos en contra e 2 abstencións
Puntos 6, 7 e 10: resultan rexeitados por 4 votos a favor, 7 votos en contra e 0 abstencións
 
O texto aprobado é o seguinte:
 
O Parlamento galego insta a Xunta de Galicia a:
 
1.-Solicitar publicamente tanto a Bosch como a Vodafone, responsables directas deste ERTE, que aclaren na medida do posible onde se vai a prestar o servizo de atención ao cliente, xa que as chamadas non desaparecen dun día para outro.
 
2.- Amosar de maneira pública o seu rexeitamento ao ERTE de Bosch no seu centro de Vigo e demandar a dita compañía e a Vodafone a súa retirada para garantir o mantemento da totalidade dos postos de traballo.
 
4.- Manifestar o seu compromiso para adoitar todas as medidas ao seu alcance para deixar sen efecto este ERTE e a loitar a longo prazo por mellorar as condicións dun sector tan relevante  neste País.
 
5.- Establecer unha mesa de traballo cos representantes das traballadoras, das empresas e das que contratan os seus servizos neste sector do Telemarketing para chegar a acordos que eviten as regulacións de emprego e podan o camiño para unha mellora das condicións de traballo.
 
8.- Instar ao Goberno do Estado a aumentar a dotación de medios humanos e materiais da Inspección de Traballo e Seguridade Social para garantir que se cumpre a lexislación laboral no sector do Telemarketing e desenvolver actuacións eficaces na comprobación das causas técnicas, produtivas, organizativas ou económicas que poidan alegar as empresas para solicitar ERES ou ERTES.
 
9.- Solicitar ao Goberno do Estado e a Axencia de Protección de Datos do Estado Español a prohibición de que os datos de cidadáns españois poidan ser trasladados a países externos a Unión Europea.
 
11.- Desenvolver campañas de comunicación para que os clientes destas compañías en Galicia soliciten que a súa atención sexa dada en galego.

Aprobación por unanimidade sen modificacións
 
- 46013 (10/PNC-003703)
Grupo Parlamentario dos Socialistas de Galicia
Losada Álvarez, Abel Fermín e Pérez Seco, José Manuel
Sobre as actuacións que debe levar a cabo a Xunta de Galicia en relación co remate do ferri que se está a construír no estaleiro Vulcano, na cidade de Vigo, o pagamento aos traballadores, provedores e empresas auxiliares, así como a continuidade do tecido industrial
BOPG n.º 434, do 20.02.2019
 
Sométese a votación e resulta aprobada sen modificacións pola unanimidade dos 11 deputados e deputadas presentes.
 
O texto aprobado é o seguinte:
 
O Parlamento galego insta a Xunta de Galicia a:
 
1. Manifestar o seu total compromiso coa finalización da construción do ferry que actualmente está nas gradas do estaleiro.
 
2. Tomar a iniciativa para reunir a todas as partes implicadas no proxecto para tentar chegar a un acordo global que permita aos traballadores cobrar os salarios que se lles deben e o pago aos provedores e empresas auxiliares.
 
3. Implicarse na supervisión da xestión da construción, tal e como se comprometeu dende o inicio da mesma.
 
4. Activar un plan conxunto cos demais axentes económicos que consolide a continuidade do tecido industrial cos seus postos de traballo, una vez finalizada a construción actual.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-21T14:01:00Z 2019-03-21T14:02:00Z http://www.parlamentodegalicia.gal/Actualidade/2865/
Convocatoria do Pleno do Parlamento de Galicia previsto para o 26 de marzo de 2019

A Presidencia, de conformidade co disposto no artigo 53 do Regulamento do Parlamento, resolveu convocar o Pleno do Parlamento para realizar unha sesión o próximo día 26 de marzo de 2019, ás 10:00 horas, no pazo do Parlamento.
 
De acordo coa Xunta de Portavoces e a Mesa, na reunión do día 20 de marzo de 2019, a orde do día da sesión é a seguinte:
 
Punto 1. Debate do ditame e das propostas de resolución,
aprobados na reunión da Comisión Permanente non Lexislativa para as Relacións co Consello de Contas, en relación cos Informes de fiscalización do sector público de Galicia, contidos na Memoria de actividades do Consello de Contas de 2017 (conta Xeral da Comunidade Autónoma de Galicia de 2016) (doc. núm. 33638, 10/ICON-000003).
 
Punto 2. Texto lexislativo
 

 Debate de toma en consideración da Proposición de lei, do Grupo Parlamentario dos Socialistas de Galicia, reguladora da actividade dos grupos de interese en Galicia (doc. núm. 41626, 10/PPL-000033)
 Publicación da iniciativa, BOPG n.º 398, do 14.12.2018
 
Punto 3. Comparecencia
 
 47929 (10/CPP-000096)
 Da Sra. conselleira de Medio Ambiente, Territorio e Vivenda, por petición propia, para dar conta da súa política en materia de xestión de residuos
 
Punto 4. Mocións
 

4.1 47839 (10/MOC-000132)
 Grupo Parlamentario do Bloque Nacionalista Galego
 Presas Bergantiños, Noa
 Sobre as actuacións que debe levar a cabo o Goberno galego e as demandas que debe realizar ao Goberno central en relación co sector da industria electrointensiva galega e o expediente de regulación de emprego temporal presentado por Ferroatlántica. (Moción, a consecuencia da Interpelación nº 41768, publicada no BOPG nº 405, do 03.01.2019, e debatida na sesión plenaria do 12.03.2019)
 
4.2 47848 (10/MOC-000133)
 Grupo Parlamentario de En Marea
 Sánchez García, Antón
 Sobre as actuacións que debe levar a cabo o Goberno galego en materia de vivenda protexida. (Moción, a consecuencia da Interpelación nº 44325, publicada no BOPG nº 423, do 31.01.2019, e debatida na sesión plenaria do 12.03.2019)
 
4.3 47849 (10/MOC-000134)
 Grupo Parlamentario dos Socialistas de Galicia
 Álvarez Martínez, Luis Manuel
 Sobre as actuacións que debe levar a cabo o Goberno galego en materia lingüística. (Moción, a consecuencia da Interpelación nº 37279, publicada no BOPG nº 362, do 26.09.2018, e debatida na sesión plenaria do 12.03.2019)
 
Punto 5. Proposicións non de lei
 

5.1 42194 (10/PNP-003186)
 Grupo Parlamentario do Bloque Nacionalista Galego
 Presas Bergantiños, Noa e 5 máis
 Sobre as actuacións que debe realizar a Xunta de Galicia en relación coa industria electrointensiva
 Publicación da iniciativa, BOPG n.º 410, do 14.01.2019
 
5.2 45086 (10/PNP-003388)
 Grupo Parlamentario de En Marea
 Cuña Bóveda, María de los Ángeles e Chao Pérez, Luca
 Sobre as medidas que debe adoptar a Xunta de Galicia respecto da protección dos "garranos"
 Publicación da iniciativa, BOPG n.º 427, do 06.02.2019
 
5.3 45234 (10/PNP-003395)
 Grupo Parlamentario Popular de Galicia
 Blanco Paradelo, Moisés e 5 máis
 Sobre o mantemento pola Xunta de Galicia do seu apoio aos profesionais que traballan no campo galego a tempo parcial, así como o impulso das medidas necesarias para fomentar e protexer a súa actividade nel
 Publicación da iniciativa, BOPG n.º 430, do 13.02.2019
 
5.4 45692 (10/PNP-003427)
 Grupo Parlamentario dos Socialistas de Galicia
 Álvarez Martínez, Luis Manuel e Pierres López, María Luisa
 Sobre a remisión polo Goberno galego ao Parlamento de Galicia, antes do remate da X lexislatura, dun proxecto de lei de mobilidade sostible para a súa aprobación
 Publicación da iniciativa, BOPG n.º 430, do 13.02.2019
 
5.5 46385 (10/PNP-003483)
 Grupo Parlamentario dos Socialistas de Galicia
 Vilán Lorenzo, Patricia e 2 máis
 Sobre a elaboración e aprobación polo Goberno galego, antes do remate de 2019 e coa participación dos grupos parlamentarios, dun novo plan de xestión de residuos urbanos de Galicia
 Publicación da iniciativa, BOPG n.º 437, do 27.02.2019
 
5.6 46854 (10/PNP-003517)
 Grupo Parlamentario Popular de Galicia
 Nóvoa Iglesias, Marta e 14 máis
 Sobre a demanda que debe realizar o Goberno galego ao Goberno central en relación co establecemento dun marco enerxético estable e un prezo eléctrico competitivo consensuado co sector electrointensivo, así como a actuación que debe levar a cabo respecto da presentación dun expediente de regulación de emprego temporal na empresa Ferroatlántica.
 Publicación da iniciativa pola vía de urxencia, BOPG n.º 437, do 27.02.2019
 
5.7 47354 (10/PNP-003574)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre a posición do Parlamento de Galicia respecto das reivindicacións do persoal da compañía Bosch con sede en Vigo, así como as actuacións que debe levar a cabo o Goberno galego en relación co expediente de regulación de emprego temporal presentado pola empresa
 Publicación da iniciativa, BOPG n.º 444, do 13.03.2019
 
5.8 47456 (10/PNP-003588)
 Grupo Parlamentario de En Marea
 Casal Vidal, Francisco e 2 máis
 Sobre as actuacións que debe levar a cabo o Goberno galego e as xestións que debe realizar diante do Goberno central en relación co concurso voluntario de acredores con proposta de liquidación para a fábrica de Poligal en Narón
 Publicación da iniciativa, BOPG n.º 444, do 13.03.2019
 
Punto 6. Interpelacións

 
6.1 46711 (10/INT-001549)
 Grupo Parlamentario de En Marea
 Solla Fernández, Eva
 Sobre a política do Goberno galego en relación coa atención primaria da saúde
 Publicación da iniciativa, BOPG n.º 441, do 06.03.2019

6.2 47099 (10/INT-001565)
 Grupo Parlamentario dos Socialistas de Galicia
 Torrado Quintela, Julio e Blanco Rodríguez, Noela
 Sobre a valoración da Xunta de Galicia en relación coa posición amosada polos colectivos e profesionais respecto das medidas anunciadas para reformular o modelo de atención primaria no sistema público sanitario, así como a incidencia destas nos problemas existentes
 Publicación da iniciativa, BOPG n.º 441, do 06.03.2019
 
6.3 47129 (10/INT-001567)
 Grupo Parlamentario de En Marea
 Casal Vidal, Francisco e 3 máis
 Sobre a política do Goberno galego en relación co emprego no sector do telemárketing
 Publicación da iniciativa, BOPG n.º 441, do 06.03.2019
 
Punto 7. Preguntas para resposta oral do Presidente da Xunta

 
7.1 47924 (10/POPX-000136)
 Grupo Parlamentario de En Marea
 Villares Naveira, Luis
 Sobre as actuacións previstas polo Goberno galego para solucionar os conflitos laborais abertos nalgúns dos servizos públicos fundamentais da comunidade autónoma
 
7.2 47935 (10/POPX-000137)
 Grupo Parlamentario do Bloque Nacionalista Galego
 Pontón Mondelo, Ana Belén
 Sobre a posición do Goberno galego en relación coas discriminacións a Galicia e os privilexios de Ence
 
7.3 47936 (10/POPX-000138)
 Grupo Parlamentario dos Socialistas de Galicia
 Fernández Leiceaga, Xoaquín María
 Sobre as actuacións previstas pola Xunta de Galicia para darlle resposta á contestación social respecto das súas políticas nos ámbitos centrais da súa acción de Goberno
 
Punto 8. Preguntas ao Goberno
 
8.1 47923 (10/PUP-000235)
 Grupo Parlamentario Popular de Galicia
 Prado del Río, Paula e 8 máis
 Sobre a opinión do Goberno galego respecto da decisión do Ministerio de Xustiza de apartarse por primeira vez da proposta de creación das novas unidades xudiciais formulada de xeito consensuado pola Comisión Mixta formada polo Tribunal Superior de Xustiza de Galicia e o Goberno galego
 
8.2 47931 (10/PUP-000237)
 Grupo Parlamentario de En Marea
 Cal Ogando, Marcos e Sánchez García, Antón
 Sobre as previsións da Xunta de Galicia respecto da atención das demandas do estudantado referidas á posta en marcha de políticas urxentes contra o cambio climático
 
8.3 46919 (10/POP-005604)
 Grupo Parlamentario de En Marea
 Sánchez García, Antón e Cal Ogando, Marcos
 Sobre a avaliación que fai a Xunta de Galicia dos datos reflectidos na documentación técnica asociada á solicitude de autorización da vertedura das augas pluviais procedentes da balsa da Bama, incorporada ao proxecto mineiro de Touro
 Publicación da iniciativa, BOPG n.º 441, do 06.03.2019
 
8.4 47928 (10/PUP-000236)
 Grupo Parlamentario do Bloque Nacionalista Galego
 Bará Torres, Xosé Luís e 5 máis
 Sobre as medidas previstas pola Xunta de Galicia para resolver a situación das empresas auxiliares afectadas polos impagamentos do sector naval da ría de Vigo
 
8.5 46619 (10/POP-005545)
 Grupo Parlamentario do Bloque Nacionalista Galego
 Rodil Fernández, Olalla e 5 máis
 Sobre a opinión e as medidas previstas pola Xunta de Galicia en relación coa obriga de cursar a materia de Relixión no bacharelato
 Publicación da iniciativa, BOPG n.º 437, do 27.02.2019
 
8.6 42816 (10/POP-005046)
 Grupo Parlamentario de En Marea
 Solla Fernández, Eva
 Sobre os cambios introducidos nos pregos de contratación do Servizo de transporte sanitario urxente terrestre en Galicia
 Publicación da iniciativa, BOPG n.º 414, do 18.01.2019
 
8.7 42872 (10/POP-005056)
 Grupo Parlamentario dos Socialistas de Galicia
 Blanco Rodríguez, Noela e 2 máis
 Sobre a valoración por parte da Xunta de Galicia do impacto da eliminación da Área sanitaria de Valdeorras na calidade da asistencia sanitaria no Hospital Comarcal de Valdeorras
 Publicación da iniciativa, BOPG n.º 414, do 18.01.2019
 
8.8 46884 (10/POP-005600)
 Grupo Parlamentario Popular de Galicia
 Rey Varela, José Manuel e 10 máis
 Sobre as previsións do Goberno galego referidas á creación dunha unidade de referencia para a diagnose e asesoramento respecto das patoloxías relacionadas coa exposición ao asbesto
 Publicación da iniciativa, BOPG n.º 441, do 06.03.2019
 
8.9 47156 (10/POP-005639)
 Grupo Parlamentario Popular de Galicia
 Rodríguez Arias, Marta e 8 máis
 Sobre o balance que fai a Xunta de Galicia do desenvolvemento do programa Nelson Mandela, de inclusión e integración social das persoas en situación de reclusión en penitenciarías
 Publicación da iniciativa, BOPG n.º 441, do 06.03.2019
 
8.10 47257 (10/POP-005636)
 Grupo Parlamentario dos Socialistas de Galicia
 Pérez Seco, José Manuel e Fernández Fernández, Raúl
 Sobre as medidas previstas pola Xunta de Galicia para diminuír o número de accidentes de tráfico provocados polos xabarís
 Publicación da iniciativa, BOPG n.º 444, do 13.03.2019
 
Os grupos parlamentarios poderán presentar emendas ás mocións e ás proposicións non de lei ata seis horas antes do inicio da sesión, ao abeiro do disposto no artigo 161.2 do Regulamento.
 
Santiago de Compostela, 20 de marzo de 2019
 
Miguel Ángel Santalices Vieira
Presidente
 
 
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-20T19:08:00Z 2019-03-20T19:11:00Z http://www.parlamentodegalicia.gal/Actualidade/2864/
O Parlamento concede a súa medalla á emigración galega

• A Mesa da Cámara adoptou o acordo por unanimidade e considera “de xustiza” recoñecer coa meirande distinción institucional do Parlamento a “grande epopea migratoria do pobo galego”
 
• A Medalla do Parlamento entrégase o 6 de abril de cada ano, aniversario da promulgación do Estatuto de Autonomía de Galicia
 
• Nesta edición será entregada ás entidades que integran a Comisión Delegada do Consello de Comunidades Galegas
 
Santiago, 15 de marzo de 2019.- A Medalla do Parlamento de Galicia correspondente á edición de 2019 será entregada á emigración galega no seu conxunto logo do acordo unánime adoptado pola Mesa da Cámara.
 
No acordo de concesión, o órgano reitor do Lexislativo galego considera que “resulta de xustiza que a distinción  institucional que cada ano concede o Parlamento de Galicia recoñeza a grande epopea migratoria do pobo galego, que tivo como protagonistas a centos de milleiros de homes, mulleres e nenos que atravesaron medio mundo na procura dun futuro mellor, buscaron a integración social nun entorno moitas veces hostil e sempre descoñecido,  e traballaron sen desmaio mantendo sempre viva a memoria da súa Galicia natal, que cultivan e transmiten con mimo de xeración en xeración”.
 
“A historia contemporánea de Galicia –prosegue o acordo- non se entende sen a emigración, que deixou pegadas en practicamente todos os ámbitos: na economía, nas artes plásticas e nas letras, na educación ou en tantos outros”.

Galicia, en débeda coa emigración
 
A Mesa do Parlamento  estima que a Galicia territorial está en débeda con todas as galegas e galegos que nalgún momento das súas vidas, no pasado recente ou remoto, transitaron polo camiño da emigración.
 
A Medalla do Parlamento de Galicia á emigración será entregada aos 14 centros e entidades que integran a Comisión Delegada do Consello de Comunidades Galegas, como lexítimos representantes do conxunto da emigración galega de todos os tempos.
 
A Comisión Delegada do Consello de Comunidades Galegas é o órgano que asume as funcións do Pleno do Consello de Comunidades Galegas cando este non estea reunido (reúnese cada tres anos). O Consello de Comunidades Galegas e o órgano colexiado de representación e de participación das comunidades galegas asentadas fóra de Galicia e desempeña funcións consultivas e de asesoramento á administración autonómica en materia de emigración e galeguidade. Foi creado pola Lei 4/1983, do 15 de xuño, de recoñecemento da galeguidade, aprobada polo Parlamento galego.
 
A elección da composición da Comisión Delegada do Consello de Comunidades Galegas corresponde ao Consello de Comunidades galegas conforme ao procedemento establecido pola Lei 7/2013, de 13 de xuño, da galeguidade.
 
Integrantes da Comisión Delegada
 
Catro comunidades galegas en representación das asentadas nas comunidades autónomas de España:
Electos:
 
• Unión de Asociacións Galegas en Catalunya (UAGALCAT)
• Centro Gallego de Salamanca
• Agrupación Hijos de Galicia en Sestao
• Lar Gallego de Sevilla
Catro comunidades galegas en representación das asentadas fóra de España en países de Europa, África e Asia:
 
• Xuventude de Galicia, Centro Galego de Lisboa (Portugal)
• Centro Cultural Gallego de Cuxhaven e. V. (Alemania)
• Centro Galego de Londres (Reino Unido)
• Asociación Cultural ASC  - “As – Xeitosiñas” Grupo de Baile e Banda de Gaitas de Zürich”
 
Catro comunidades galegas en representación as asentadas en países de América e Oceanía:
 
• Unidad Gallega de los EE.UU. de América INC (Casa de Galicia) (Estados Unidos)
• Centro Pontevedrés Social y Deportivo de Montevideo  (Uruguay)
• Asociación Civil Hijos del Ayuntamiento de Zas (Argentina)
• Sociedad Cultural Rosalía de Castro (Cuba)
 
Natos:
 
Un representante por cada comunidade galega inscrita no Rexistro da Galeguidade que teña máis de 20.000 socios galegos:
 
• Casa de Galicia de Montevideo (Uruguay)
• Hermandad Gallega de Venezuela (Venezuela)

Entrega o 6 de abril
 
A medalla do Parlamento de Galicia entrégase o 6 de abril de cada ano, coincidindo coa promulgación do vixente Estatuto de Autonomía de Galicia. En anteriores edicións, esta Medalla foi concedida aos expresidentes/as do Parlamento de Galicia (2016), á Comisión dos 16 (autores do anteproxecto de Estatuto de Autonomía de Galicia), no ano 2017); e a  Cáritas diocesanas, COGAMI e Aldeas Infantiles SOS en 2018.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-18T09:40:00Z 2019-03-25T11:41:00Z http://www.parlamentodegalicia.gal/Actualidade/2863/
Proposicións non de lei aprobadas polo Pleno do Parlamento de Galicia o 13 de marzo de 2019

Proposicións non de lei aprobadas polo Pleno do Parlamento de Galicia o 13 de marzo de 2019
 
4.1 6062 (10/PNP-000523)
 Grupo Parlamentario Popular de Galicia
 Pazos Couñago, José Alberto e 8 máis
 Sobre a demanda  do Goberno galego ao Concello de Vigo para que retorne ao consenso acadado para a modificación da Lei da área metropolitana de Vigo e ao cumprimento desta, así como do cumprimento do convenio asinado en materia de transporte metropolitano garantindo as mesmas tarifas para todas as persoas usuarias con independencia do seu lugar de procedencia
 Publicación da iniciativa, BOPG n.º 83, do 15.03.2017
 
O texto aprobado é o seguinte:
 
“O Parlamento de Galicia insta á Xunta de Galicia para:
1.-  Dirixirse  ao  Concello  de  Vigo  para  solicitarlle  o  retorno  ao  consenso  entre  os  concellos e o goberno galego que permitiu a modificación da lei da Área Metropolitana  de  Vigo  e  a  súa  aprobación  por  unanimidade  no  Parlamento  de  Galicia,  así  como  a  exisirlle o seu cumprimento.
 
2.-  Demandar  ao  Concello  de  Vigo  que  cumpra  o  convenio  asinado  en  materia  de transporte metropolitano, garantindo as mesmas tarefas para tódalas persoa  usuarias, con independencia do seu lugar de procedencia”.
 
4.4 44557 (10/PNP-003328)
 Grupo Parlamentario Popular de Galicia
 Novo Fariña, María Isabel e 6 máis
 Sobre as demandas que debe realizar o Goberno galego ao Goberno central co fin de cubrir as vacantes na Unidade de Policía Adscrita a Galicia e de incrementar os seus efectivos ata un mínimo de catrocentos setenta e cinco
 Publicación da iniciativa, BOPG n.º 423, do 31.01.2019
 
O texto aprobado é o seguinte
 
“O Parlamento de Galicia insta á Xunta de Galicia a solicitar ao Goberno do Estado que por  parte  do  Ministerio  do  Interior,  a  través  da Dirección  General  de  la  Policía  se articule  un  concurso  de  méritos  na  Policía  Nacional  que  permita  cubrir  vacantes  na Unidade de  Policía  Adscrita  para  incrementar  canto  menos  ata  475  os  seus  efectivos, de   xeito   que   esta   Unidade   poida   cumprir   coas   funcións   que   actualmente   está prestando”.

4.7 45704 (10/PNP-003429)
 Grupo Parlamentario do Bloque Nacionalista Galego
 Presas Bergantiños, Noa e 5 máis
 Sobre as actuacións que debe impulsar o Goberno galego para a incorporación de cláusulas de igualdade na contratación pública de Galicia
 Publicación da iniciativa, BOPG n.º 430, do 13.02.2019
 
O texto aprobado é o seguinte:
 
“O  Parlamento galego  insta  á  Xunta  de  Galicia  a  impulsar  as  seguintes  accións para a incorporación cláusulas de igualdade na contratación pública galega:
 
1. Definir  e  aprobar,  en  colaboración  coas  forzas  políticas,  sindicais  e  axentes sociais e económicos, no prazo de 6 meses o proceso metodolóxico para a implantación de  cláusulas  de  igualdade  onde  se  contemple:  diagnose,  planificación  para  a  posta  en marcha e mecanismos de avaliación.
 
2. Designar   unha   comisión   responsable   do   seguimento   do   proceso   e   da avaliación    periódica    na    que    obrigatoriamente    estea    incorporada    unha    persoa representante da Secretaría Xeral de Igualdade. 

3. Garantir  un  grupo  técnico  multidisciplinar  para  fornecer  a  asistencia  técnica especializada que precisen as áreas de goberno.
 
4. Elaborar  e  remitir  á  Cámara  Galega  un  informe  anual  da  implantación progresiva das cláusulas de igualdade que incorpore información tanto estatística como cualitativa e a difusión de experiencias e boas prácticas
 
5. Impulsar   as   modificacións   legais   oportunas   para   blindar   legalmente   a obrigatoriedade da inclusión deste tipo de cláusulas na contratación pública galega”.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-13T18:13:00Z 2019-03-13T18:13:00Z http://www.parlamentodegalicia.gal/Actualidade/2862/
Moción aprobada polo Pleno do Parlamento de Galicia o 12 de marzo de 2019

3.2 47158 (10/MOC-000130)
 Grupo Parlamentario dos Socialistas de Galicia
 Pierres López, María Luisa
 Sobre as melloras que debe implementar e impulsar a Xunta de Galicia en relación coa rede de centros de información á muller. (Moción consecuencia da Interpelación n.º 44310, publicada no BOPG n.º 423, do 31.01.2019, e debatida na sesión plenaria do 26.02.2019)
O texto aprobado é o seguinte: 
 
 “O Parlamento  galego  insta  a  Xunta  de  Galicia  a  implementar  e impulsar  as seguintes  melloras  na  Rede  CIM  de  Galicia  e  que  permitan  garantir  o  servicio integral e de calidade para todas as mulleres galegas,  independentemente da súa localización no territorio,  mellorando a accesibilidade ós servizos:
 
1.- Consolidación da Rede integral de CIM en todo o territorio, especialmente no rural  galego,  impulsando  en  colaboración  cos  diferentes  concellos  a  apertura  de máis   centros,   independentes   ou   mancomunados,   e   que   permitan   cubrir   a totalidade do territorio galego no horizonte do ano 2020.
 
2.  Fomento  da    cooperación  institucional  e  entre  os  propios  CIM, así  como  de maior  cooperación  interautonómica,  co  fin  de  intercambiar  experiencias  e  crear protocolos  que  permitan  coordinar  e  optiminizar  as  actuacións  en  materia  de violencia de xénero.
 
3. Mellora do funcionamento da plataforma Xestión CIM, e revisión e estudio de melloras    no  sistema  de  implementación  de  datos  para  a  xustificación  das actuacións dos CIM, para velar pola confidencialidade na atención ás usuarias.
 
4. Extender o programa de Inserción Laboral para mulleres vítimas de violencia de xénero iniciado no ano 2016 a través das entidades de inciativa social sin ánimo de lucro, neste ano 2019 ás entidades locais, así como ao tecido empresarial.
 
5. Seguir a apoiar á rede autonómica de Centros de Información á Muller, garantindo o financiamento dos recursos económicos necesarios máis aló do período actual vixente dos fondos europeos así como dos medios técnicos precisos; fomentar que nas entidades locais incorporen perfís profesionais a maiores dos que se recollen no artigo 10 do Decreto 130/2016, do 15 de setembro, polo que se establecen os requisitos e o procedemento para o recoñecemento e acreditación dos centros de información á muller de titularidade das entidades locais de Galicia.
 
6.  Implementar  desde  o  vindeiro  ano  2020,  a  presentación  durante  o  mes  de xaneiro,  do  programa  e  axenda  anual  de  formación  dos  e  das  profesionais  dos CIM,  atendendo  ás  realidades  dos  colectivos  atendidos  nestes  centros  (LGTBI, inmigrantes,  mulleres  e  menores  vítimas  de  violencia  de  xénero...)  e  as  súas problemáticas  (traumas,  dependencia  emocional,  apego,  adiccións  e  traumas)  así como outras formacións suxeridas nos informes das memorias anuais dos CIM de toda Galicia”.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-13T11:25:00Z 2019-03-14T14:22:00Z http://www.parlamentodegalicia.gal/Actualidade/2861/
Minuto de silencio no Parlamento de Galicia contra a violencia machista

Santiago, 11 de marzo de 2019.- O Parlamento de Galicia gardou este mediodía un minuto de silencio en repulsa contra a violencia machista e en memoria das últimas vítimas galegas: unha muller natural de Sober asasinada en Madrid o pasado venres e unha muller asasinada onte en Valga.
Na concentración, encabezada polo presidente do Parlamento, Miguel Ángel Santalices Vieira, participaron membros da Mesa, portavoces, deputadas e deputados, persoal da Cámara e do Valedor do Pobo.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-11T13:09:00Z 2019-03-11T13:09:00Z http://www.parlamentodegalicia.gal/Actualidade/2860/
O Parlamento de Galicia reafirma o seu compromiso coa igualdade nunha concentración ante a súa sede

 

Santiago, 8 de marzo de 2019.- O Parlamento de Galicia celebrou este mediodía unha concentración de cinco minutos de duración, convocada pola Presidencia da Cámara na escaleira principal do Pazo do Hórreo, para reafirmar o compromiso da institución coa igualdade coincidindo co Día Internacional da Muller.
 

Saúdos, Gabinete de Comunicación.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-08T12:19:00Z 2019-03-08T12:21:00Z http://www.parlamentodegalicia.gal/Actualidade/2859/
Visita institucional do delegado de Defensa en Galicia ao Parlamento

 
 
Santiago, 8 de marzo de 2019.- O coronel Antonio Bernal Martín, que recentemente tomou posesión como delegado de Defensa en Galicia, efectuou esta mañá unha visita institucional de presentación ao Parlamento de Galicia, onde se reuniu co presidente da Cámara, Miguel Ángel Santalices Vieira.
 
O presidente do Parlamento reiterou ao delegado de Defensa o compromiso da Cámara co fortalecemento das relacións institucionais coas Forzas Armadas.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-08T11:34:00Z 2019-03-08T11:35:00Z http://www.parlamentodegalicia.gal/Actualidade/2858/
Convocatoria do Pleno do Parlamento de Galicia previsto para o 12 de marzo de 2019

A Presidencia, de conformidade co disposto no artigo 53 do Regulamento do Parlamento, resolveu convocar o Pleno do Parlamento para realizar unha sesión o próximo día 12 de marzo de 2019, ás 10:00 horas, no pazo do Parlamento.

De acordo coa Xunta de Portavoces e a Mesa, na reunión do día 5 de marzo de 2019, a orde do día da sesión é a seguinte:
 
Punto 1. Texto lexislativo
 
 Debate de toma en consideración da Proposición de lei, do Grupo Parlamentario do Bloque Nacionalista Galego, de memoria histórica democrática de Galicia (doc. núm. 38857, 10/PPL-000028)
 Publicación da iniciativa, BOPG n.º 374, do 19.10.2018
 
Punto 2. Comparecencias
 
2.1 46813 (10/CPP-000094)
 Do Sr. conselleiro de Sanidade, por petición propia, para informar do novo modelo de atención primaria
 Publicación da iniciativa, BOPG n.º 437, do 27.02.2019
 
Acumúlase na anterior, a seguinte:
2.2 46741 (10/CPP-000093)
 Do Sr. conselleiro de Sanidade, por petición dos Grupos Parlamentarios de En Marea, dos Socialistas de Galicia e do Bloque Nacionalista Galego, para dar conta do novo modelo de atención primaria
 Publicación da iniciativa, BOPG n.º 437, do 27.02.2019
 
2.3 47234 (10/CPP-000095)
 Do Sr. conselleiro de Cultura e Turismo, por petición propia, para informar da posta en marcha dos novos plans e medidas en materia de turismo
 
Punto 3. Mocións
 
3.1 47155 (10/MOC-000129)
 Grupo Parlamentario de En Marea
 Quinteiro Araújo, Paula
 Sobre as actuacións que debe levar a cabo o Goberno galego en relación co tratamento das informacións en materia de igualdade. (Moción consecuencia da Interpelación n.º 44014, publicada no BOPG n.º 417, do 23.01.2019, e debatida na sesión plenaria do 26.02.2019)
 
3.2 47158 (10/MOC-000130)
 Grupo Parlamentario dos Socialistas de Galicia
 Pierres López, María Luisa
 Sobre as melloras que debe implementar e impulsar a Xunta de Galicia en relación coa rede de centros de información á muller. (Moción consecuencia da Interpelación n.º 44310, publicada no BOPG n.º 423, do 31.01.2019, e debatida na sesión plenaria do 26.02.2019)
 
3.3 47162 (10/MOC-000131)
 Grupo Parlamentario dos Socialistas de Galicia
 Otero Rodríguez, Patricia
 Sobre as actuacións que debe levar a cabo o Goberno galego para a igualdade entre mulleres e homes. (Moción consecuencia da Interpelación n.º 25183, publicada no BOPG n.º 260, do 14.02.2018, e debatida na sesión plenaria do 26.02.2019)
 
Punto 4. Proposicións non de lei
 
4.1 6062 (10/PNP-000523)
 Grupo Parlamentario Popular de Galicia
 Pazos Couñago, José Alberto e 8 máis
 Sobre a demanda  do Goberno galego ao Concello de Vigo para que retorne ao consenso acadado para a modificación da Lei da área metropolitana de Vigo e ao cumprimento desta, así como do cumprimento do convenio asinado en materia de transporte metropolitano garantindo as mesmas tarifas para todas as persoas usuarias con independencia do seu lugar de procedencia
 Publicación da iniciativa, BOPG n.º 83, do 15.03.2017
 
4.2 42689 (10/PNP-003205)
 Grupo Parlamentario dos Socialistas de Galicia
 Torrado Quintela, Julio e Blanco Rodríguez, Noela
 Sobre o impulso da Xunta de Galicia para convocar unha xuntanza da mesa sectorial que trate os problemas específicos dos colectivos de profesionais de PAC, servizos de urxencias e transporte sanitario urxente
 Publicación da iniciativa, BOPG n.º 414, do 18.01.2019
 
4.3 43460 (10/PNP-003247)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre as medidas que debe adoptar o Goberno galego para a mellora da situación da atención primaria
 Publicación da iniciativa, BOPG n.º 417, do 23.01.2019
 
4.4 44557 (10/PNP-003328)
 Grupo Parlamentario Popular de Galicia
 Novo Fariña, María Isabel e 6 máis
 Sobre as demandas que debe realizar o Goberno galego ao Goberno central co fin de cubrir as vacantes na Unidade de Policía Adscrita a Galicia e de incrementar os seus efectivos ata un mínimo de catrocentos setenta e cinco
 Publicación da iniciativa, BOPG n.º 423, do 31.01.2019
 
4.5 44794 (10/PNP-003350)
 Grupo Parlamentario de En Marea
 Solla Fernández, Eva
 Sobre a elaboración pola Xunta de Galicia dun plan de mellora da atención primaria, así como as actuacións que debe levar a cabo en relación coa dotación de persoal e horarios de traballo dos puntos de atención continuada
 Publicación da iniciativa, BOPG n.º 427, do 06.02.2019
 
4.6 45209 (10/PNP-003393)
 Grupo Parlamentario dos Socialistas de Galicia
 Fernández Leiceaga, Xoaquín María e 2 máis
 Sobre as actuacións que debe levar a cabo a Xunta de Galicia en relación coa asunción de novas competencias pola Comunidade Autónoma
 Publicación da iniciativa, BOPG n.º 430, do 13.02.2019
 
4.7 45704 (10/PNP-003429)
 Grupo Parlamentario do Bloque Nacionalista Galego
 Presas Bergantiños, Noa e 5 máis
 Sobre as actuacións que debe impulsar o Goberno galego para a incorporación de cláusulas de igualdade na contratación pública de Galicia
 Publicación da iniciativa, BOPG n.º 430, do 13.02.2019
 
4.8 46293 (10/PNP-003467)
 Grupo Parlamentario de En Marea
 Quinteiro Araújo, Paula e 2 máis
 Sobre as actuacións que debe levar a cabo o Goberno galego e as demandas que debe realizar ao Goberno central en relación coa fenda salarial de xénero e as desigualdades existentes no mercado laboral, así como coa revalorización das pensións
 Publicación da iniciativa, BOPG n.º 434, do 20.02.2019
 
Punto 5. Interpelacións
 
5.1 37279 (10/INT-001243)
 Grupo Parlamentario dos Socialistas de Galicia
 Álvarez Martínez, Luis Manuel e Burgo López, María de la Concepción
 Sobre os criterios do Goberno acerca da normativa do galego
 Publicación da iniciativa, BOPG n.º 362, do 26.09.2018
 
5.2 41768 (10/INT-001396)
 Grupo Parlamentario do Bloque Nacionalista Galego
 Presas Bergantiños, Noa e 5 máis
 Sobre a política da Xunta de Galicia en relación co sector da industria electrointensiva galega
 Publicación da iniciativa, BOPG n.º 405, do 03.01.2019
 
5.3 44325 (10/INT-001451)
 Grupo Parlamentario de En Marea
 Sánchez García, Antón e Cal Ogando, Marcos
 Sobre a política do Goberno galego en materia de vivenda protexida
 Publicación da iniciativa, BOPG n.º 423, do 31.01.2019
 
Punto 6. Preguntas para resposta oral do Presidente da Xunta

 
6.1 47245 (10/POPX-000133)
 Grupo Parlamentario de En Marea
 Villares Naveira, Luis
 Sobre a incidencia que está a ter a xestión do Goberno galego en materia de política industrial
 
6.2 47251 (10/POPX-000134)
 Grupo Parlamentario do Bloque Nacionalista Galego
 Pontón Mondelo, Ana Belén
 Sobre a opinión do Goberno galego respecto da eliminación do coñecemento da lingua galega como requisito para acceder á función pública
 
6.3 47252 (10/POPX-000135)
 Grupo Parlamentario dos Socialistas de Galicia
 Fernández Leiceaga, Xoaquín María
 Sobre as actuacións previstas polo Goberno galego para afrontar os riscos para o autogoberno de Galicia derivados das ameazas de recentralización
 
Punto 7. Preguntas ao Goberno
 
7.1 44042 (10/POP-005264)
 Grupo Parlamentario dos Socialistas de Galicia
 Pierres López, María Luisa e 4 máis
 Sobre a posta en marcha do I Plan de igualdade da Administración xeral da Xunta de Galicia
 Publicación da iniciativa, BOPG n.º 417, do 23.01.2019
 
7.2 47232 (10/PUP-000229)
 Grupo Parlamentario dos Socialistas de Galicia
 Díaz Villoslada, Juan Manuel e 2 máis
 Sobre as medidas que vai adoptar o Goberno galego para garantir a conexión prioritaria da vía ártabra coa autovía A-6 co fin de darlle efectivo servizo á área metropolitana da Coruña
 
7.3 47241 (10/PUP-000230)
 Grupo Parlamentario Popular de Galicia
 Rodríguez Barreira, María Julia e 6 máis
 Sobre a opinión do Goberno galego respecto do Plan director para o corredor atlántico de mercadorías presentado recentemente polo Ministerio de Fomento
 
7.4 46095 (10/POP-005490)
 Grupo Parlamentario de En Marea
 Chao Pérez, Luca e Cuña Bóveda, María de los Ángeles
 Sobre os obxectivos da posta en marcha nos centros educativos dunha campaña de concienciación infantil e xuvenil a favor da minaría en Galicia
 Publicación da iniciativa, BOPG n.º 434, do 20.02.2019
 
7.5 47212 (10/PUP-000228)
 Grupo Parlamentario do Bloque Nacionalista Galego
 Rivas Cruz, José Luis e 5 máis
 Sobre as actuacións levadas a cabo ou previstas polo Goberno galego para favorecer o mantemento da actividade produtiva da empresa Poligal en Narón
 
7.6 47250 (10/PUP-000231)
 Grupo Parlamentario de En Marea
 Casal Vidal, Francisco e 2 máis
 Sobre as actuacións de carácter político, administrativo e lexislativo que vai desenvolver o Goberno galego para evitar ou desincentivar a deslocalización de empresas moi rendibles e imprescindibles para o tecido industrial e produtivo de Galicia 
 
7.7 46380 (10/POP-005520)
 Grupo Parlamentario Popular de Galicia
 Fernández Gil, César Manuel e 8 máis
 Sobre as liñas mestras que vai seguir a política do Goberno galego para continuar avanzando nos eidos da igualdade e da coeducación en Galicia nos vindeiros anos
 Publicación da iniciativa, BOPG n.º 437, do 27.02.2019
 
7.8 45580 (10/POP-005434)
 Grupo Parlamentario dos Socialistas de Galicia
 Vilán Lorenzo, Patricia e 2 máis
 Sobre a opinión da Xunta de Galicia respecto da atención sanitaria que se está a prestar na comarca de Pontevedra
 Publicación da iniciativa, BOPG n.º 430, do 13.02.2019
 
7.9 45761 (10/POP-005457)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre a valoración do Goberno galego da atención pediátrica no concello de Zas
 Publicación da iniciativa, BOPG n.º 430, do 13.02.2019
 
Os grupos parlamentarios poderán presentar emendas ás mocións e ás proposicións non de lei ata seis horas antes do inicio da sesión, ao abeiro do disposto no artigo 161.2 do Regulamento.

 
Santiago de Compostela, 5 de marzo de 2019
 
Miguel Ángel Santalices Vieira
Presidente

 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-05T19:57:00Z 2019-03-05T19:58:00Z http://www.parlamentodegalicia.gal/Actualidade/2857/
O Parlamento de Galicia instalará pictogramas adaptados ás necesidades de comunicación das persoas con trastorno do espectro autista

• O presidente do Parlamento e a responsable de Autismo Galicia asinan un protocolo de colaboración encamiñado a facilitar a comunicacion e a accesibilidade das persoas con Trastorno do Espectro Autista no ámbito do Lexislativo galego

Santiago, 1 de marzo de 2018.- O presidente do Parlamento de Galicia, Miguel Ángel Santalices Vieira, e maila presidenta da Federación Autismo Galicia, María José Álvarez Folgar, asinaron hoxe un protocolo de colaboración orientado a facilitar a comunicacion e a accesibilidade, no ámbito da Cámara galega, das persoas con Trastorno do Espectro Autista (TEA).
No marco deste protocolo, o Parlamento de Galicia implantará, na súa sede, pictogramas específicos orientados ás persoas con TEA, para o que contará con asesoramento da Federación Autismo Galicia.
Accesibilidade e participación
O Lexislativo galego facilitará a accesibilidade e participación das persoas con TEA nos diferentes programas de divulgación da Cámara galega. Para iso, adaptará as diferentes modalidades de visitas guiadas  ás necesidades específicas das persoas con TEA, axustará a guía didáctica do programa “Coñece as túas institucións” dirixido ao estudantado, e terá en conta as necesidades das persoas con TEA nas actividades institucionais, sociais e culturais que organice o  Lexislativo galego. Entre outras medidas, o Parlamento tamén adecuará o material divulgativo sobre a institución para que resulte comprensible para as persoas con TEA.
 
A sinatura deste convenio enmárcase na liña de acordos que o Parlamento está a formalizar con diferentes entidades e asociacións que traballan no ámbito da diversidade funcional e a integración social.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-01T11:21:00Z 2019-03-01T11:21:00Z http://www.parlamentodegalicia.gal/Actualidade/2856/
Acordo da Comisión 7ª, Agricultura, Alimentación, Gandería e Montes, do 28-02-2019

A  Comisión 7ª, Agricultura, Alimentación, Gandaría e Montes, na súa sesión do 28 de febreiro de 2019, adoptou os seguintes acordos:
 
Procedementos de control e impulso
Proposicións non de lei en Comisión
 
Aprobación sen modificacións
 
- 43165 (10/PNC-003475)
Grupo Parlamentario Popular de Galicia
Oubiña Solla, Rosa e 6 máis
Sobre a actuación que debe levar a cabo o Goberno galego e as demandas que debe realizar ao Goberno central co fin de simplificar a realización dos trámites administrativos que teñen que facer os operadores vitivinícolas
BOPG n.º 418, do 24.01.2019
 
Sométese a votación e resulta aprobada sen modificacións por 10 votos a favor, 0 votos en contra e 2 abstencións.
 
O texto aprobado é o seguinte:
 
O Parlamento de Galicia insta a Xunta de Galicia a:
 
1.- Poñer en marcha os mecanismos necesarios para facilitarlle e simplificar aos operadores vitivinícolas a realización dos trámites administrativos que teñen que realizar.

2.- Solicitarlle ao Ministerio a modificación da aplicación INFOVI a efectos de simplificar a tramitación das declaracións que están obrigados a presentar os operadores vitivinícolas.

3.- Instar ao Ministerio á creación dun grupo de traballo implicando tamén a Comunidades Autónomas, Consellos Reguladores e a representantes expertos dos operadores do sector que aborde a simplificación administrativa de maneira pormenorizada, co compromiso de levar a cabo a mesma."
 
Aprobación por unanimidade sen modificacións
 
- 45235 (10/PNC-003640)
Grupo Parlamentario Popular de Galicia
Gómez Salgado, Carlos e 6 máis
Sobre o mantemento polo Goberno galego das medidas e protocolos establecidos para acadar a erradicación da couza guatemalteca da pataca
BOPG n.º 430, do 13.02.2019
 
Sométese a votación e resulta aprobada sen modificacións pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento de Galicia insta a Xunta de Galicia a seguir coas medidas e protocolos establecidos na loita contra a couza da pataca para conseguir a súa erradicación."
 
- 45361 (10/PNC-003647)
Grupo Parlamentario de En Marea
Rodríguez Estévez, David e Sánchez García, Antón
Sobre a dotación pola Xunta de Galicia dos medios humanos e materiais necesarios á Oficina Agraria Comarcal de Xinzo de Limia
BOPG n.º 430, do 13.02.2019
 
Sométese a votación e resulta aprobada sen modificacións pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento de Galicia insta a Xunta de Galicia a dotar de suficientes medios materiais e humanos a Oficina Agraria Comarcal (OAC) de Xinzo de Limia."
 
- 45797 (10/PNC-003689)
Grupo Parlamentario dos Socialistas de Galicia
Fernández Fernández, Raúl e Fernández Leiceaga, Xoaquín María
Sobre o remate pola Xunta de Galicia do proceso de concentración parcelaria do monte nas parroquias de Figueiras e Villestro, no concello de Santiago de Compostela
BOPG n.º 434, do 20.02.2019
 
Sométese a votación e resulta aprobada sen modificacións pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento galego insta a Xunta de Galicia a que remate o proceso de concentración parcelaria do monte nas parroquias de Figueiras e Villestro, do concello de Santiago de Compostela, iniciado no ano 1991 e coas bases definitivas aprobadas desde 2009."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-03-01T09:14:00Z 2019-03-01T09:14:00Z http://www.parlamentodegalicia.gal/Actualidade/2855/
Proposicións non de lei aprobadas polo Pleno do Parlamento de Galicia o 27 de febreiro de 2019

Proposicións non de lei aprobadas polo Pleno do Parlamento de Galicia o 27 de febreiro de 2019
 
  
4.5 44792 (10/PNP-003349)
Grupo Parlamentario Popular de Galicia
Tellado Filgueira, Miguel Ángel e 15 máis
Sobre as demandas que debe realizar o Goberno galego ao Goberno central en relación coa decisión da empresa Naturgy de pechar a central térmica de Meirama e construír nos seus terreos un parque eólico e unha central de biogás.
Publicación da iniciativa pola vía de urxencia, BOPG n.º 423, do 31.01.2019
 
O texto aprobado é o seguinte:
“O Parlamento de Galicia insta á Xunta a solicitar do Goberno de España  :
 
1.- Que articulen as medidas necesarias para evitar que se materialice a decisión  que ten comunicado Naturgy sobre o peche da central de Meirama.
 
2.-   Que   no   seu   defecto,   articule   xunto   a   Naturgy   un   verdadeiro   plan   de reindustrialización  vinculado  co  mantemento  e  a  creación  de  emprego,  de  xeito  que ningún dos colectivos afectados se vexa prexudicado pola decisión de peche da central de Meirama.
 
3.- Que a aprobación deste plan industrial así como as decisións en materia de política industrial vinculadas aos terreos de Meirama se tomen en consenso coa Administración galega”.
 

4.7 45754 (10/PNP-003436)
Grupo Parlamentario de En Marea
Quinteiro Araújo, Paula e 2 máis
Sobre as medidas que debe adoptar a Xunta de Galicia para mellorar as condicións das traballadoras de servizos no fogar e solicitar do Goberno de España a inclusión destas no Réxime Xeral da Seguridade Social e no Estatuto do Traballador, así como que se asine o Convenio 189 da Organización Internacional do Traballo
Publicación da iniciativa, BOPG n.º 430, do 13.02.2019
 
O texto aprobado é o seguinte:
 
“O Parlamento de Galicia insta á Xunta de Galicia a:
1. Abrir unha mesa de diálogo coas organizacións do sector co fin de mellorar as actuais condicións laborais destas e avaliar o cumprimento da lexislación vixente.
 
2. A instar ao Goberno do Estado español para que asine o  Convenio  189  da  OIT  de  cara  a  garantir  unhas  condicións  de traballo dignas”.
 
 
4.8 45756 (10/PNP-003437)
Grupo Parlamentario Popular de Galicia
García Míguez, María Ángeles e 7 máis
Sobre as medidas que debe adoptar a Xunta de Galicia e demandar ao Goberno do Estado para o fomento da inserción laboral das mulleres en condicións de igualdade e a conciliación da vida persoal, familiar e laboral
Publicación da iniciativa, BOPG n.º 430, do 13.02.2019
 
O texto aprobado é o seguinte:
 
 “O Parlamento de Galicia insta á Xunta de Galicia a:
1.      Fomentar,  en  colaboración  coas  entidades  locais,  dunha  banda  medidas  e programas  de  conciliación  e  corresponsabilidade  nos  que  se  incorporen  a  perspectiva de  xénero  para  fomentar  a  igualdade  entre  mulleres  e  homes  nos  nenos  e  nenas participantes  nestas  actuacións  e  doutra  banda  o  impulso  dos  bancos  de  tempo  coa finalidade  de  facilitarlles  ás  persoas,  especialmente  aquelas  que  residan  nun  concello rural,    a  conciliación  da  súa  vida  persoal,  familiar  e  laboral,  a  través  dun  sistema articulado  de  intercambio  destinado  a  subministrar  servizos  e/ou  coñecementos,  entre mulleres e homes dun contorno dado, cuxa medida é a hora de tempo.
 
2.  Continuar  a  desenvolver  programas  de  inserción  laboral  dirixidos  a  mulleres  en situación  de  violencia  de  xénero  coas  entidades  de  iniciativa  social  e  extender  estes programas ás empresas e as entidades locais de Galicia neste 2019.
 
3.    Dar  cumprimento  e  aplicar, ao longo de 2019, todas aquelas medidas incluídas no Pacto de Estado contra a Violencia de Xénero que afecten ao seu ámbito competencial: inserción laboral, campañas de sensibilización e prevención, protocolos de coordinacion e colaboración entre as administracións e institucións competentes, establecer un sistema de acompañamento ás mulleres, reforzar os servizos de apoio ás/aos menores, reforzo dos puntos de encontro familiar, formación especializada no ámbito educativo e dos medios de comunicación e reforzo das Unidades de Valoración Forense Integral.
 
4.   Demandar do Goberno do Estado:
 
a.      A  aprobación  da  Lei  de  Igualdade  Salarial  para  rematar  coa  fenda  salarial  de xénero entre homes e mulleres neste ano 2019
 
b.  A aprobación da Lei de Conciliación e corresponsabilidade onde se teña en conta a racionalización  horaria  e  favoreza  a  compatibilidade  do  traballo  coa  vida  personal  e familiar neste ano 2019
 
c.    A  aplicación  e  cumplimento  de  todas  as  medidas  incluídas  no  Pacto  de  Estado contra   a   violencia   de   xénero   cuxa   competencia   sexa   estatal   e   con   especial consideración aos cambios lexislativos aprobados e recollidos no Pacto”.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-27T13:57:00Z 2019-02-27T13:57:00Z http://www.parlamentodegalicia.gal/Actualidade/2854/
Acordos acadados na sesión da Comisión 8ª, Pesca e Marisqueo, celebrada o día 22-02-2019


A  Comisión 8ª, Pesca e Marisqueo, na súa sesión do 22 de febreiro de 2019, adoptou os seguintes acordos:
 
Procedementos de control e impulso
Proposicións non de lei en Comisión
 
Aprobación sen modificacións
 
- 43889 (10/PNC-003508)
Grupo Parlamentario Popular de Galicia
Egerique Mosquera, Teresa e 7 máis
Sobre o impulso da Xunta de Galicia para que demande do Goberno central e da Comisión Europea a defensa e aplicación das mesmas condicións para o peixe importado que as exixidas á conserva europea
BOPG n.º 418, do 24.01.2019
 
Sométese a votación e resulta aprobada sen modificacións por 10 votos a favor, 0 votos en contra e 2 abstencións.
 
O texto aprobado é o seguinte:
 
“O Parlamento de Galicia insta a Xunta de Galicia para que demande do Goberno central e da Comisión Europea a defensa e aplicación das mesmas condicións para o pescado importado das que lle esixen á conserva europea, de xeito que non reste competitividade á industria de transformación do vello continente, así como a revisión da coherencia da aplicación das normas europeas reguladoras do comercio internacional e da pesca”.
 
- 45019 (10/PNC-003624)
Grupo Parlamentario Popular de Galicia
Egerique Mosquera, Teresa e 7 máis
Sobre as demandas que a Xunta de Galicia debe trasladar ao Goberno central en relación coa suba das cotizacións á Seguridade Social dos traballadores do réxime especial do mar
BOPG n.º 427, do 06.02.2019
 
Sométese a votación e resulta aprobada sen modificacións por 7 votos a favor, 3 votos en contra e 2 abstencións.
 
O texto aprobado é o seguinte:
 
“O Parlamento de Galicia insta a Xunta de Galicia a dirixirse ao Goberno Central para que teña en conta os efectos perniciosos que esta suba terá sobre o persoal inscrito no Réxime Especial do Mar e a que corrixa esta modificación legal deixando sen efecto esta suba dos abonos á Seguridade Social ou ben a que outorgue novos dereitos e beneficios aos inscritos que compensen ese incremento”.

Aprobación con modificacións
 
- 44862 (10/PNC-003604)
Grupo Parlamentario de En Marea
Miranda Pena, Flora María e Quinteiro Araújo, Paula
Sobre as actuacións que debe levar a cabo a Xunta de Galicia para evitar o impacto que está a ter para a frota costeira artesanal o actual sistema de TAC e cotas, así como a obriga de desembarque
BOPG n.º 427, do 06.02.2019
 
Sométese a votación  por puntos co resultado seguinte:
Punto Primeiro, aprobado por 10 votos a favor, 0 votos en contra e 2 abstencións.
 
Puntos Segundo e Terceiro, aprobados pola unanimidade dos 12 deputados e deputadas presentes
 
O texto aprobado é o seguinte:
 
"O Parlamento galego acorda demandar da Xunta de Galicia:
Primeiro.- Promover e consensuar as medidas necesarias para materializar a exclusión das capturas accesorias ou accidentais da frota costeira artesanal do sistema de tacs e cotas, dada a súa multiespecificidade e, polo tanto, o seu escaos impacto no estado dos recursos mariños.
Segundo.- Requirir un tratamento distinto e diferenciado da xestión das posibilidades de pesca da frota artesanal con respecto ás frotas industrial e/ou semiindustrial.
Terceiro.- Continuar reclamando que a pesca costeira artesanal quede exenta da obriga de desembarque."
 

Aprobación por unanimidade con modificacións:
 
- 44034 (10/PNC-003522)
Grupo Parlamentario dos Socialistas de Galicia
Toja Suárez, María Dolores e Otero Rodríguez, Patricia
Sobre as actuacións que debe levar a cabo o Goberno galego destinadas a eliminar a situación de risco existente no porto de Malpica

BOPG n.º 418, do 24.01.2019
- 45001 (10/PNC-003621)
Grupo Parlamentario de En Marea
Miranda Pena, Flora María e 2 máis
Sobre as actuacións que debe levar a cabo a Xunta de Galicia para a mellora da actividade e a seguridade no porto de Malpica
BOPG n.º 427, do 06.02.2019

Sométense a votación conxunta e resultan aprobadas con modificacións respecto dos seus textos orixinais, pola unanimidade dos 12 deputados e deputadas presentes.
O texto aprobado é o seguinte:
 
"O Parlamento de Galicia  insta a Xunta de Galicia a:
 
Primeiro.- Acometer de forma urxente, baixo o asesoramento dos técnicos e comunidade portuaria e coa previa análise da positividade e efectividade das medidas a adoptar, as medidas reclamadas pola confraría de Malpica para o seu porto naqueles aspectos que sexan viables e positivos técnica e operativamente, de cara a eliminar a situación de risco existente no porto de Malpica, co fin de evitar novas desgrazas.
 
Segundo.- Se proceda, urxentemente a analizar a viabilidade de executar, en caso de ter a avaliación técnica, medidas para que se elimine o desnivel ou escalón existente baixo a comporta da dársena, se proceda a dragar a dársena, se mellore a iluminación da comporta e se regulen os fondeadoiros das embarcacións da sétima lista.
 
Terceiro.- Se proceda, de feito inmediato a analizar a viabilidade, e si así fose, a elaborar e executar no menor prazo posible, o proxecto que permita mellorar a seguridade mediante o alargamento do espigón e dique de abrigo do porto, tal como recomenden os técnicos."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-25T11:19:00Z 2019-02-25T11:19:00Z http://www.parlamentodegalicia.gal/Actualidade/2853/
Participantes nun intercambio europeo impulsado polo Concello de Melide visitan o Parlamento de Galicia


 
• Foron recibidos polo presidente da Cámara, Miguel Ángel Santalices Vieira

Santiago, 21 de febreiro de 2019.- As persoas participantes no proxecto de irmandamento “Igualdade e desigualdade de xénero na Europa da Conciliación”, impulsado polo Concello de Melide visitaron esta tarde o Parlamento de Galicia, onde foron recibidos polo presidente da Cámara, Miguel Ángel Santalices Vieira.
 
Participan nesta iniciativa arredor de 40 persoas procedentes de 6 localidades de outros tantos países europeos: Portugal, Eslovaquia, Polonia, Italia, Letonia e Hungría.
 
Durante o encontro, Santalices explicou a historia e funcionamento do Parlamento de Galicia e respondeu ás cuestións que lle foron plantexadas polos visitantes.
 
Participaron tamén na visita a alcaldesa de Melide, Dalia García Couso, e a directora xeral de Xuventude da Xunta, Cristina Pichel Toimil.
 
Saúdos, Gabinete de Comunicación.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-21T18:28:00Z 2019-02-21T18:30:00Z http://www.parlamentodegalicia.gal/Actualidade/2852/
Acordo da Comisión 2ª, Ordenación Territorial, Obras Públicas, Medio Ambiente e Servizos celebrada o día 21-02-2019

A  Comisión 2ª, Ordenación Territorial, Obras Públicas, Medio Ambiente e Servizos, na súa sesión do 21 de febreiro de 2019, adoptou os seguintes acordos:
 
Procedementos de control e impulso
 
Proposicións non de lei en Comisión
 
Aprobación sen modificacións

 
- 44217 (10/PNC-003541)
Grupo Parlamentario Popular de Galicia
Moreira Ferro, Jacobo e 7 máis
Sobre as demandas que debe realizar o Goberno galego ao Ministerio de Fomento en relación coa definición do trazado do treito A Ermida-Pilarteiros da autovía A-57 e coa tramitación do expediente para a execución do proxecto
BOPG n.º 422, do 30.01.2019
 
Sométese a votación e resulta aprobada sen modificacións por 7 votos a favor, 0 votos en contra e 5 abstencións.
 
O texto aprobado é o seguinte:
 
“O Parlamento de Galicia insta á Xunta de Galicia a solicitar ao Ministerio de Fomento que defina o trazado do treito da A-57 entre A Ermida-Pilarteiros tendo en conta o diálogo cos afectados, a fin de que se adopte unha solución que sexa socialmente asumible e na que se teñan en conta as reivindicacións veciñais que sexan técnicamente viables. E unha vez sexa acordado o trazado cos colectivos afectados, axilice a tramitación administrativa necesaria para levar adiante o proxecto”
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-21T14:16:00Z 2019-02-21T14:16:00Z http://www.parlamentodegalicia.gal/Actualidade/2851/
Acordo da Comisión 1ª. Institucional, de Administración Xeral, Xustiza e Interior celebrada o día 20-02-2019

A  Comisión 1ª, Institucional, de Administración Xeral, Xustiza e Interior, na súa sesión do 20 de febreiro de 2019, adoptou os seguintes acordos:
 
Procedementos de control e impulso
Proposicións non de lei en Comisión
 
Aprobación por unanimidade con modificacións
 
- 40175 (10/PNC-003243)
Grupo Parlamentario de En Marea
Villares Naveira, Luis e Santos Queiruga, Carmen
Sobre as demandas que debe realizar o Goberno galego ao Goberno central en relación coa revisión da Lei de Demarcación e de Planta Xudicial co fin de ampliar o número de xulgados exclusivos en materia de violencia sobre a muller, o incremento de especialización na materia no resto dos xulgados e o impulso da especialización por agrupación de varios partidos xudiciais lindeiros
BOPG n.º 386, do 21.11.2018
 
Sométese a votación e resulta aprobada con modificacións respecto do texto orixinal, pola unanimidade dos 11 deputados e deputadas presentes.
 
O texto aprobado é o seguinte:
 
 "O Parlamento insta a Xunta de Galicia a dirixirse ao Goberno do Estado co fin de:
 
1.- Incrementar a especialización nos xulgados non exclusivos en materia de violencia sobre a muller, reforzando a formación do funcionariado estatal nos xulgdos con competencias sobre a materia.
 
2.-Promover a especialización por agrupación de varios partidos xudiciais lindeiros onde non se dificulte o acceso por razón de distancia á xurisdición promovendo a comarcalización dos servizos especializados na loita contra a violencia machista, tales como o Imelga (especialmente as unidades de valoración forense), as Oficinas de Atención ás Vítimas e a Policia Xudicial, de xeito consensuado coa Comisión Mixta que existe co Tribunal Superior de Xustiza de Galicia.”

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-21T09:10:00Z 2019-02-21T09:10:00Z http://www.parlamentodegalicia.gal/Actualidade/2850/
Acordo da Comisión 5ª, Sanidade, Política Social e Emprego celebrada o 20-02-2019

A Comisión 5.ª, Sanidade, Política Social e Emprego, na súa sesión do 20 de febreiro de 2019, adoptou os seguintes acordos:
 
Procedementos de control e impulso
Proposicións non de lei en Comisión
 
Aprobación sen modificacións
 
- 45399 (10/PNC-003654)
Grupo Parlamentario Popular de Galicia
Tellado Filgueira, Miguel Ángel e 6 máis
Sobre as demandas que debe realizar o Goberno galego en relación coa negociación dun novo convenio colectivo polo Grupo Endesa
BOPG n.º 430, do 13.02.2019
Sométese a votación e resulta aprobada sen modificacións por 10 votos a favor, 0 votos en contra e 2 abstencións.
O texto aprobado é o seguinte:
 
"O Parlamento de Galicia insta a Xunta de Galicia a solicitarlle ao Goberno de España:
 
1) Que exixa ao Grupo Endesa retomar a negociación dun novo convenio marco, respectando a actual mesa negociadora, e mentres este non se formalice, manter activas as condicións establecidas no IV Convenio Marco.
 
2) Aplicar o disposto no IV Acordo Marco para o Emprego e a Negociación Colectiva 2018-2020 asinado en xullo de 2018 co consenso dos axentes sociais."
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-20T14:52:00Z 2019-02-20T14:52:00Z http://www.parlamentodegalicia.gal/Actualidade/2849/
Acordo da Comisión 6ª, Industria, Enerxía, Comercio e Turismo celebrada o 19-02-2019

A Comisión 6ª, Industria, Enerxía, Comercio e Turismo, na súa sesión do 19 de febreiro de 2019, adoptou os seguintes acordos:
 
Procedementos de control e impulso
Proposicións non de lei en Comisión
 
Aprobación sen modificacións
 
- 45335 (10/PNC-003644)
Grupo Parlamentario Popular de Galicia
Vázquez Domínguez, Sandra e 6 máis
Sobre a realización dun estudo respecto do impacto do deseño na economía galega. (Procedemento de urxencia)
BOPG n.º 427, do 06.02.2019
Sométese a votación e resulta aprobada sen modificacións por 7 votos a favor, 0 votos en contra e 5 abstencións.
 
O texto aprobado é o seguinte:
 
“O Parlamento de Galicia insta á Xunta de Galicia a realizar un estudo sobre o impacto do deseño na economía galega para coñecer con detalle a súa dimensión e, a ser posible, establecer unha comparativa co resto das comunidades autónomas”.

Aprobación por unanimidade con modificacións
 
- 38709 (10/PNC-003093)
Grupo Parlamentario dos Socialistas de Galicia
Pérez Seco, José Manuel e Losada Álvarez, Abel Fermín
Sobre as actuacións que debe levar a cabo o Goberno galego para mellorar a competitividade das empresas do sector turístico
BOPG n.º 375, do 24.10.2018
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
“O Parlamento de Galicia insta a Xunta de Galicia a:

1º) Financiar programas de investigación, desenvolvemento, innovación e tecnoloxía (I+D+i+T) que faciliten a incorporación das empresas turísticas galegas á sociedade do coñecemento.
 
2º) Promover accións que doten ao sector turístico, conxuntamente coa Administración autonómica, a un papel protagonista no establecemento de estratexias e accións turísticas.
 
3º) Favorecer a introdución nas empresas turísticas das novas tecnoloxías da información e da comunicación.
4º) O uso de accións de marketing online para a promoción e mellora turística.”
 
5º) Cumprir as actuacións previstas ao abeiro da Estratexia de Turismo de Galiza 2020."
 
- 43931 (10/PNC-003512)
Grupo Parlamentario dos Socialistas de Galicia
Díaz Villoslada, Juan Manuel e 3 máis
Sobre o impulso da Xunta de Galicia para apoiar o proceso de implantación e desenvolvemento do novo polo tecnolóxico da Coruña "Cidade das TIC"
BOPG n.º 418, do 24.01.2019
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento de Galicia insta á Xunta de Galicia a apoiar de forma activa o proceso de implantación e desenvolvemento do novo polo tecnolóxico da Coruña Cidade das Tic, impulsada polo clúster TIC Galicia en colaboración coa Universidade da Coruña, debéndose acadar o maior apoio institucional para esta iniciativa estratéxica."
 
Aprobación por unanimidade sen modificacións
 
- 45296 (10/PNC-003642)
Grupo Parlamentario Popular de Galicia
Nóvoa Iglesias, Marta e 6 máis
Sobre as medidas que debe adoptar o Goberno galego para corrixir as deficiencias detectadas no procedemento de concesión do bono social. (Procedemento de urxencia)
BOPG n.º 427, do 06.02.2019
 
Sométese a votación e resulta aprobada sen modificacións pola unanimidade dos 12 deputados e deputadas presentes.
 
O texto aprobado é o seguinte:
 
O Parlamento de Galicia insta á Xunta de Galicia a dirixirse ao Goberno do Estado para:
 
1.- Adoptar  medidas  que  resolvan  as  deficiencias  apreciadas  no  procedemento  de concesión do bono social para evitar a denegación do bono social ás persoas que teñen dereito ao mesmo, polo mero feito de trabucarse ao cumprimentar a solicitude.
 
2.- Garantir  a  concesión  automática  con  efectos  retroactivos  dende  o  momento  da primeira solicitude no caso de que se aprecie algún erro destas características, sen que se esixa ningunha actuación posterior por parte da persoa interesada.
 
3.- Levar a cabo as actuacións que permitan acceder ao bono social a aquelas persoas que tendo dereito ao mesmo non podan demostrar os seus ingresos por non estar obrigados a realizar a declaración de IRPF, nin percibir pensión, así como a aquelas persoas que non poidan acceder á titularidade dun contrato de enerxía eléctrica, pero si estean a se facer cargo do importe derivado do consumo en virtude dun contrato de arrendamento”.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-20T09:55:00Z 2019-02-20T10:40:00Z http://www.parlamentodegalicia.gal/Actualidade/2848/
Convocatoria do Pleno do Parlamento de Galicia previsto para o 26 de febreiro de 2019

A Presidencia, de conformidade co disposto no artigo 53 do Regulamento do Parlamento, resolveu convocar o Pleno do Parlamento para realizar unha sesión o próximo día 26 de febreiro de 2019, ás 10:00 horas, no pazo do Parlamento.
 
De acordo coa Xunta de Portavoces e a Mesa, na reunión do día 19 de febreiro de 2019, a orde do día da sesión é a seguinte:
 
Punto 1.  Textos lexislativos
 
1.1 Debate de totalidade do Proxecto de lei de rehabilitación e de rexeneración e renovación urbanas de Galicia (doc. núm, 44223, 10/PL-000012)
 Publicación da iniciativa, BOPG n.º 417, do 23.01.2019
 Publicación de emendas á totalidade, BOPG n.º 431, do 14.02.2019
 
1.2 Debate de toma en consideración da Proposición de lei, do Grupo Parlamentario dos Socialistas de Galicia, orgánica de transferencias complementarias a Galicia en materia de tráfico, circulación de vehículos e seguranza viaria (doc. núm. 44486, 10/PPLC-000012)
 Publicación da iniciativa, BOPG n.º 424, do 01.02.2019
 
Punto 2. Comparecencia
 
 37714 (10/CPP-000080)
 Da Sra. conselleira de Política Social, por petición propia, para informar das liñas xerais de actuación do seu departamento
 Publicación da iniciativa, BOPG n.º 365, do 03.10.2018
 
Punto 3. Mocións
 
3.1 46358 (10/MOC-000127)
 Grupo Parlamentario do Bloque Nacionalista Galego
 Prado Cores, María Montserrat
 Sobre as actuacións que debe levar a cabo o Goberno galego en relación coa situación da sanidade pública en Galicia. (Moción, a consecuencia da Interpelación n.º 43841, publicada no BOPG n.º 417, do 23.01.2019, e debatida na sesión plenaria do 12.02.2019)
 
3.2 46415 (10/MOC-000128)
 Grupo Parlamentario dos Socialistas de Galicia
 Torrado Quintela, Julio
 Sobre as actuacións que debe levar a cabo o Goberno galego en relación coa situación do servizo de pediatría no Sistema galego de Saúde. (Moción, a consecuencia da Interpelación n.º 41288, publicada no BOPG n.º 397, do 13.12.2018, e debatida na sesión plenaria do 12.02.2019)

Punto 4. Proposicións non de lei
 

4.1 41015 (10/PNP-003097)
 Grupo Parlamentario de En Marea
 Miranda Pena, Flora María e Quinteiro Araújo, Paula
 Sobre as actuacións que debe levar a cabo o Goberno galego para a atención á saúde das mulleres con perspectiva de xénero
 Publicación da iniciativa, BOPG n.º 394, do 05.12.2018
 
4.2 41203 (10/PNP-003113)
 Grupo Parlamentario dos Socialistas de Galicia
 Álvarez Martínez, Luis Manuel e Pierres López, María Luisa
 Sobre as actuacións que debe levar a cabo a Xunta de Galicia en relación coas peaxes das autoestradas autonómicas AG-57, Puxeiros-Val Miñor, e AG-55, A Coruña-Carballo
 Publicación da iniciativa, BOPG n.º 397, do 13.12.2018
 
4.3 41848 (10/PNP-003169)
 Grupo Parlamentario dos Socialistas de Galicia
 Vilán Lorenzo, Patricia e 3 máis
 Sobre as actuacións que debe levar a cabo a Xunta de Galicia destinadas a reducir o tempo de emisión dos informes das unidades de valoración do Imelga, así como respecto da dotación dos equipos de Pontevedra e da Coruña con máis profesionais e da creación dun equipo exclusivo de unidades de valoración integral do Imelga en Galicia
 Publicación da iniciativa, BOPG n.º 405, do 03.01.2019
 
4.4 44588 (10/PNP-003333)
 Grupo Parlamentario do Bloque Nacionalista Galego
 Presas Bergantiños, Noa e 4 máis
 Sobre as actuacións que debe levar a cabo a Xunta de Galicia e a demanda que debe realizar ao Goberno central respecto das propostas de legalización e de normalización da práctica dos ventres de alugueiro ou xestación subrogada
 Publicación da iniciativa, BOPG n.º 423, do 31.01.2019
 
4.5 44792 (10/PNP-003349)
 Grupo Parlamentario Popular de Galicia
 Tellado Filgueira, Miguel Ángel e 15 máis
 Sobre as demandas que debe realizar o Goberno galego ao Goberno central en relación coa decisión da empresa Naturgy de pechar a central térmica de Meirama e construír nos seus terreos un parque eólico e unha central de biogás.
 Publicación da iniciativa pola vía de urxencia, BOPG n.º 423, do 31.01.2019
 
4.6 45617 (10/PNP-003423)
 Grupo Parlamentario do Bloque Nacionalista Galego
 Presas Bergantiños, Noa e 5 máis
 Sobre a posición do Parlamento de Galicia en relación co feminismo galego e as convocatorias de folga de mulleres de marzo de 2019, así como as demandas que debe realizar á Xunta de Galicia ao respecto
 Publicación da iniciativa, BOPG n.º 430, do 13.02.2019
 
4.7 45754 (10/PNP-003436)
 Grupo Parlamentario de En Marea
 Quinteiro Araújo, Paula e 2 máis
 Sobre as medidas que debe adoptar a Xunta de Galicia para mellorar as condicións das traballadoras de servizos no fogar e solicitar do Goberno de España a inclusión destas no Réxime Xeral da Seguridade Social e no Estatuto do Traballador, así como que se asine o Convenio 189 da Organización Internacional do Traballo
 Publicación da iniciativa, BOPG n.º 430, do 13.02.2019
 
4.8 45756 (10/PNP-003437)
 Grupo Parlamentario Popular de Galicia
 García Míguez, María Ángeles e 7 máis
 Sobre as medidas que debe adoptar a Xunta de Galicia e demandar ao Goberno do Estado para o fomento da inserción laboral das mulleres en condicións de igualdade e a conciliación da vida persoal, familiar e laboral
 Publicación da iniciativa, BOPG n.º 430, do 13.02.2019
 
Punto 5. Interpelacións
 
5.1 43899 (10/INT-001440)
 Grupo Parlamentario de En Marea
 Cal Ogando, Marcos e Sánchez García, Antón
 Sobre o incremento da mortalidade nas estradas galegas
 Publicación da iniciativa, BOPG n.º 417, do 23.01.2019
 
5.2 25183 (10/INT-000821)
 Grupo Parlamentario dos Socialistas de Galicia
 Blanco Rodríguez, Noela e 2 máis
 Sobre a política da Xunta de Galicia para a igualdade laboral e salarial entre mulleres e homes
 Publicación da iniciativa, BOPG n.º 260, do 14.02.2018
 
5.3 44014 (10/INT-001442)
 Grupo Parlamentario de En Marea
 Quinteiro Araújo, Paula e 2 máis
 Sobre o tratamento das informacións en materia de igualdade
 Publicación da iniciativa, BOPG n.º 417, do 23.01.2019
 
5.4 44310 (10/INT-001449)
 Grupo Parlamentario dos Socialistas de Galicia
 Pierres López, María Luisa e 4 máis
 Sobre as medidas que debe executar e impulsar a Xunta de Galicia para a mellora da formación continua do persoal dos centros de información ás mulleres
 Publicación da iniciativa, BOPG n.º 423, do 31.01.2019
 
Punto 6. Preguntas para resposta oral do Presidente da Xunta
 
6.1 46484 (10/POPX-000130)
 Grupo Parlamentario do Bloque Nacionalista Galego
 Pontón Mondelo, Ana Belén
 Sobre as previsións do Goberno galego de respectar as mulleres que defenden a igualdade cunha folga o 8 de marzo de 2019
 
6.2 46485 (10/POPX-000131)
 Grupo Parlamentario dos Socialistas de Galicia
 Fernández Leiceaga, Xoaquín María
 Sobre a opinión do Goberno galego respecto da necesidade de enfrontar a crise de natalidade que experimenta Galicia
 
6.3 46486 (10/POPX-000132)
 Grupo Parlamentario de En Marea
 Villares Naveira, Luis
 Sobre a actuación que vai levar a cabo o Goberno galego en relación co exercicio por parte das mulleres do dereito á folga o día 8 de marzo de 2019
 
Punto 7. Preguntas ao Goberno
 
7.1 46451 (10/PUP-000225)
 Grupo Parlamentario dos Socialistas de Galicia
 Blanco Rodríguez, Noela e 2 máis
 Sobre as razóns da Xunta de Galicia para pagar os gastos xerados pola vivenda do fiscal xefe da Audiencia Provincial de Ourense
 
7.2 45329 (10/PUP-000221)
 Grupo Parlamentario dos Socialistas de Galicia
 Álvarez Martínez, Luis Manuel e Pierres López, María Luisa
 Sobre a valoración do Goberno galego respecto das execucións orzamentarias do Ministerio de Fomento na comunidade autónoma de Galicia nos anos 2015, 2016 e 2017
 Publicación da iniciativa, BOPG n.º 427, do 06.02.2019
 
7.3 46428 (10/PUP-000224)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre as actuacións que está a levar a cabo o Goberno galego para rectificar a cronificación da precariedade laboral, da temporalidade e da fenda salarial das mulleres
 
7.4 42110 (10/POP-004879)
 Grupo Parlamentario Popular de Galicia
 Fernández Gil, César Manuel e 7 máis
 Sobre a valoración pola Consellería de Educación, Universidade e Formación Profesional da Estratexia galega de convivencia-Educonvives 2015-2020
 Publicación da iniciativa, BOPG n.º 410, do 14.01.2019
 
7.5 44402 (10/POP-005302)
 Grupo Parlamentario de En Marea
 Chao Pérez, Luca e 2 máis
 Sobre a avaliación que fai a Xunta de Galicia respecto da educación afectivo-sexual que está a recibir a mocidade galega
 Publicación da iniciativa, BOPG n.º 423, do 31.01.2019
 
7.6 45504 (10/POP-005425)
 Grupo Parlamentario do Bloque Nacionalista Galego
 Rodil Fernández, Olalla e 5 máis
 Sobre a valoración que fai o Goberno galego da situación da afectividade e da educación sexual en Galicia
 Publicación da iniciativa, BOPG n.º 430, do 13.02.2019
 
7.7 45585 (10/POP-005435)
 Grupo Parlamentario dos Socialistas de Galicia
 Otero Rodríguez, Patricia e 2 máis
 Sobre a valoración que fai o Goberno galego da situación da atención primaria na Mariña lucense
 Publicación da iniciativa, BOPG n.º 430, do 13.02.2019
 
7.8 46483 (10/PUP-000226)
 Grupo Parlamentario de En Marea
 Santos Queiruga, Carmen e 7 máis
 Sobre as previsións do Goberno galego respecto da garantía dos dereitos sexuais e reprodutivos das mulleres
 
7.9 44888 (10/POP-005358)
 Grupo Parlamentario de En Marea
 Vázquez Verao, Paula
 Sobre o aumento do número de persoas usuarias de comedores sociais ao longo de 2018
 Publicación da iniciativa, BOPG n.º 427, do 06.02.2019
 
7.10 45252 (10/POP-005416)
 Grupo Parlamentario Popular de Galicia
 Egerique Mosquera, Teresa e 6 máis
 Sobre a valoración do Goberno galego respecto da visita a Vigo realizada pola ministra de Sanidade o día 28 de xaneiro de 2019
 
Os grupos parlamentarios poderán presentar emendas ás mocións e ás proposicións non de lei ata seis horas antes do inicio da sesión, ao abeiro do disposto no artigo 161.2 do Regulamento.
 
Santiago de Compostela, 19 de febreiro de 2019
 
 
Miguel Ángel Santalices Vieira
Presidente

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-19T19:00:00Z 2019-02-19T19:02:00Z http://www.parlamentodegalicia.gal/Actualidade/2847/
Proposicións non de lei aprobadas polo Pleno do Parlamento de Galicia o 13 de febreiro de 2019

4.2 41431 (10/PNP-003132)
Grupo Parlamentario de En Marea
Sánchez García, Antón e Cal Ogando, Marcos
Sobre a demanda polo Goberno galego ao Goberno central relativa á defensa da  inclusión  da conexión Vigo-Oporto  no Corredor  Atlántico,  dentro  do Proceso  de  reforma  dos  regulamentos    UE  1315/2013  e  1316/2013  do Parlamento e do Consello Europeo
Publicación da iniciativa, BOPG n.º 397, do 13.12.2018

 
O texto aprobado é o seguinte:
 
“O Parlamento galego insta á Xunta de Galicia  a que inste ao Goberno  español á defensa  da  inclusión  da  conexión  Vigo-Porto  no  Corredor  Atlántico  dentro  do proceso   de   reforma   regulamentaria   dos   Regulamentos   UE   1315/2013   do Parlamento  Europeo  e  do  Consello  do  11  de  decembro  de  2013  sobre  as orientacións   da   Unión   para   o   desenvolvemento   da   Rede   Transeuropea   de Transporte,  e  1316/2013  do  Parlamento  Europeo  e  do  Consello  do  11  de decembro de 2013 polo que se crea o Mecanismo `Conectar Europa´”.

4.6 44345 (10/PNP-003308)
Grupo Parlamentario Popular de Galicia
Tellado Filgueira, Miguel Ángel e 19 máis
Sobre o posicionamento do Parlamento de Galicia respecto ao Proxecto de lei de orzamentos xerais do Estado para o 2019
Publicación da iniciativa, BOPG n.º 423, do 31.01.2019
 
O texto aprobado é o seguinte:
 
“O Parlamento de Galicia acorda:
 
1. Manifestar  o  rexeitamento  do  Parlamento  de  Galicia  ao  proxecto  de  lei  de Orzamentos Xerais do Estado para 2019 presentado polo Goberno  de España, por ser uns orzamentos irreais e absolutamente discriminatorios para Galicia.
 
2. Solicitar da Xunta de Galicia que se dirixa aos  grupos  parlamentarios  do  Congreso  dos  Deputados  e  do  Senado para solicitarlles a modificación destes Orzamentos Xerais do Estado para 2019 de tal xeito que, cando menos, se manteña o nivel de investimento para Galicia recollido  na  Lei  de  Presupostos  Xerais  do  Estado  de  2018  e  se  inclúan  as partidas  suficientes  para  iniciar,  continuar  ou  rematar  as  obras  en  ferrocarrís, autovías,  estradas  e  outros  proxectos  comprometidos  e  orzamentados  polo anterior Goberno do Estado.
 
3. Dar   traslado   destes   acordos   ao   Goberno,   aos   grupos   parlamentarios   do Congreso  dos  Deputados,  do  Senado  e  do  Parlamento  de  Galicia,  así  como  á Xunta de Galicia”.
 
4.8 44787 (10/PNP-003348)
Grupo Parlamentario Popular de Galicia
Núñez Feijóo, Alberto e 40 máis
Sobre a posición do Parlamento de Galicia en relación coa situación de Venezuela.
Publicación da iniciativa pola vía de urxencia, BOPG n.º 423, do 31.01.2019
 
O texto aprobado é o seguinte:
 
“O Parlamento de Galicia acorda declarar a súa solidariedade e o seu apoio ao pobo de Venezuela,   co   que   temos   tantos   vínculos   familiares,   e   ás   súas   institucións lexitimamente constituídas,  nos seguintes termos:
 
1. Que  é  necesario  que  se  tomen  medidas  para  actuar  de  forma  urxente  ante  a situación de emerxencia humanitaria que vive o pais por estes anos de sometemento a un réxime socialista bolivariano que só trouxo pobreza, falta de alimentos e medicinas e unha violencia extrema que xera unha inseguridade permanente con risco cotián para o dereito fundamental á vida.
 
2. Que  apoia  á  Asemblea  Nacional  lexítima  democraticamente  elixida  polo  pobo venezolano.
 
3. Que apoia ao Presidente da Asemblea tamén lexítimo e elixido democraticamente.
 
4. Que  en  Venezuela  debe  iniciarse  un  proceso  de  normalización  democrática,  dando paso  a  unhas  eleccións  libres  con  todas  as  garantías  que  exixe  a  comunidade internacional,  que  poña fin  a  este  proceso  de  réxime  autoritario  que  conculca  de  xeito cotián os dereitos individuais, sociais e políticos dos cidadáns venezolanos; e que dito proceso  debe  facerse  de  acordo  co  que  estableza  a  Asemblea  Nacional  e  o  seu Presidente como representantes lexítimos do pobo venezolano.
 
5. Que  Galicia  asume  o  compromiso,  como  fixo  ata  agora,  de  axudar  aos  galegos  de Venezuela  para  saír  desta  difícil  situación  na  que  se  encontran  e  avanzar  cara  o camiño  da  prosperidade  e  do  benestar,  como  achega  á  recuperación  do  conxunto  do pobo venezolano”.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-13T15:28:00Z 2019-02-13T15:29:00Z http://www.parlamentodegalicia.gal/Actualidade/2846/
Moción aprobada polo Pleno do Parlamento de Galicia o 12 de febreiro de 2019


3.3 45124 (10/MOC-000123)
Grupo Parlamentario dos Socialistas de Galicia
Pierres López, María Luisa
Sobre a posición do Parlamento de Galicia e as actuacións que debe levar a cabo o Goberno galego en materia de violencia de xénero. (Moción, a consecuencia da Interpelación nº 39868, publicada no BOPG nº 383, do 14.11.2018, e debatida na sesión plenaria do 21.01.2019)
 
O texto aprobado é o seguinte:
 
“Por eso hoxe solicitamos ao Parlamento de Galicia a que reafirme o  seu  compromiso  coa  igualdade  e  contra  a violencia machista así como coa consecución inmediata dun Pacto galego contra a violencia machista, e insta a Xunta de Galicia a:
 
1. Impulsar decididamente as medidas contidas no Pacto de Estado en materia de Violencia de Xénero de Congreso e Senado co obxectivo de  combater  o  terrorismo  machista, que  ten  o  seu  caldo  de  cultivo  nunha cultura e educación profundamente antidemocrática e que parte da idea da superioridade do home sobre a muller.
 
1.1. Para isto a Xunta de Galicia comprométese a remitir, ou incorporar como addenda no vindeiro informe anual que se elabora ao abeiro da Disposición Adicional Cuarta da Lei 11/2007, do 27 de xullo, galega para a prevención e o tratamento integral da violencia de xénero, información detallada sobre a concreción das actuacións financiadas polo Estado, de forma que se poida avaliar o alcance da aplicación do Pacto Estatal por parte dos ámbitos implicados na prevención e no tratamento da violencia machista.
 
2. Manifestar a súa repulsa a todas as manifestacións da devandita violencia, o    seu    compromiso    coas    vítimas    e    declarar    tolerancia    cero    cos maltratadores
 
3. Expresar  o  seu   rexeitamento  a   calquera  posicionamento  político  que propugne  a  eliminación  ou  minoración  das  medidas  de  protección  das mulleres  fronte  á  violencia  machista,  así  como  o  drama  social  e  as consecuencias que ten para as vítimas.
 
4. A  rexeitar  a  adopción  de  calquera  tipo  de  acordo,  explícito  ou implícito,  con  formacións  que plantexan a  supresión  ou  redución  das medidas  de  protección  das  mulleres,  dando  así  cobertura  a  políticas irresponsables que levan un altísimo risco de agravar o problema.
 
5. No   marco   do   reforzo   das   iniciativas   para   combater   esta   secuela, a comprometerse  a  impulsar  a  aplicación  da  Lei Orgánica  de  Medidas  de Protección  Integral  contra  a  Violencia  de  Xénero  e  a  Lei 12/2016, do  22  de  xullo, de  modificación da  Lei  11/2007,  do  27  de  xullo,  galega para  a prevención  e  o  tratamento  Integral  da  violencia  de  xénero,  en coordinación    con    todos    os    poderes    públicos,    tanto    locais   como  autonómicos e estatais.
 
6. Para o seguimento por parte do Parlamento Galego, a Xunta de Galicia comprométese a facilitar o punto 1.1. así como un debate anual ao respecto, conforme o comprometido verbalmente polo vicepresidente da Xunta de Galicia.
 
7. Garantir  o  cumprimento   do  Convenio  do  Consello  de   Europa   sobre prevención  e  loita contra  a  violencia  contra  as  mulleres  e  a  violencia doméstica,   coñecido  como  o  Convenio  de  Estambul.
 
8. Iniciar, durante o primeiro semestre do ano 2019, a posta en marcha dos acordos parlamentarios tomados o 12 de abril e o 11 de setembro de 2018, acerca da elaboración dunha macroenquisa galega sobre a incidencia das violencias machistas ao longo do ciclo de vida das mulleres, e dar conta e facer partícipe da elaboración desta á Comisión Permanente de Estudo para a Igualdade e para os dereitos das Mulleres”.
 
 
Saúdos, Gabinete de Comunicación.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-12T20:31:00Z 2019-02-12T20:36:00Z http://www.parlamentodegalicia.gal/Actualidade/2845/
Presidente e vicepresidenta da Real Academia Galega de Ciencias efectúan unha visita de cortesía ao Parlamento


 

Santiago, 11 de febreiro de 2019.- O presidente e a vicepresidenta da Real Academia Galega de Ciencias, Juan Manuel Lema Rodicio e Alicia Estévez Toranzo, efectuaron esta tarde unha visita de cortesía ao Parlamento de Galicia, onde foron recibidos polo presidente da institución, Miguel Ángel Santalices Vieira.

A visita ao Parlamento enmárcase na rolda de contactos que a nova directiva da Academia Galega de Ciencias está a celebrar logo da súa toma de posesión, celebrada o pasado 20 de xaneiro.
 

Saúdos, Gabinete de Comunicación.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-11T17:17:00Z 2019-02-11T17:18:00Z http://www.parlamentodegalicia.gal/Actualidade/2844/
O viceministro polaco de Emprendemento e Tecnoloxía interésase polo funcionamento do Parlamento de Galicia

• Santalices explícalle os mecanismo de participación cidadá habilitados pola Cámara galega e que se poden facer efectivos a través da sede electrónica, pioneira nos lexislativos autonómicos

Santiago, 11 de febreiro de 2019.- O viceministro polaco de Emprendemento e Tecnoloxía, Macin Michal Ociepa, visitou esta mañá o Parlamento de Galicia, onde foi recibido e mantivo unha entrevista co titular da Cámara, Miguel Ángel Santalices Vieira.
 
A visita responde ao interese do viceministro por coñecer o funcionamento da Cámara galega, no marco dunha viaxe a Galicia.
 
Santalices Vieira explicoulle a historia, o funcionamento e a composición do Parlamento de Galicia. Detívose especialmente nos mecanismos de participación cidadá habilitados polo Parlamento de Galicia, boa parte dos cales se poden facer efectivos a través da sede electrónica habilitada a finais do pasado ano pola Administración parlamentaria, converténdose así no primeiro lexislativo autonómico en dispor cun servizo destas características. O ministerio polaco de Emprendemento e Tecnoloxía é o competente en materia de dixitalización.
 
O viceministro acudiu acompañado pola embaixadora da República de Polonia en España. Marzenna Adamczyk, e polo cónsul honorario de Polonia en Galicia, Juan M. Vieites Baptista de Sousa.
 
O alto funcionario polaco foi convidado a asinar no libro de honra do Parlamento de Galicia e coñeceu o edificio acompañado polo presidente do Parlamento.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-11T12:30:00Z 2019-02-11T12:30:00Z http://www.parlamentodegalicia.gal/Actualidade/2843/
Acordos da Comisión 5ª, Sanidade, Política Social e Emprego, celebrada o 06-02-2019

A Comisión 5.ª, Sanidade, Política Social e Emprego, na súa sesión do 6 de febreiro de 2019, adoptou os seguintes acordos:

Procedementos de control e impulso
Proposicións non de lei en Comisión

Aprobación sen modificacións

- 42305 (10/PNC-003431)
Grupo Parlamentario Popular de Galicia
Rodríguez Arias, Marta e 6 máis
Sobre as medidas para mellorar o acollemento familiar dos nenos e nenas e adolescentes e o acollemento familiar de menores estranxeiros non acompañados
BOPG n.º 410, do 14.01.2019

Sométese a votación e resulta aprobada sen modificacións por 7 votos a favor, 0 votos en contra e 5 abstencións.

O texto aprobado é o seguinte:

"O Parlamento insta a Xunta de Galicia a seguir apostando polo acollemento familiar dos nenos, nenas e adolescentes que estean baixo o sistema de protección co fin de acadar máis do 60% e de impulsar o acollemento familiar de menores estranxeiros non acompañados."

Aprobación con modificacións

- 41353 (10/PNC-003362)
Grupo Parlamentario de En Marea
Vázquez Verao, Paula e Villares Naveira, Luis
Sobre as actuacións que debe levar a cabo o Goberno galego e as demandas que debe realizar ao Goberno central para mellorar as condicións de vida das persoas xordocegas
BOPG n.º 397, do 13.12.2018

Sométese a votación por puntos a transacción coa emenda do G. P. dos Socialistas de Galicia, doc. núm. 45461, cos resultados seguintes:

Puntos 1 e 2, aprobados pola unanimidade dos 12 deputados e deputadas presentes.

Puntos 3, 4, 5 e 6: rexeitados por 5 votos a favor, 7 votos en contra e 0 abstencións.

O texto aprobado, con modificacións respecto do texto orixinal, é o seguinte:

" O Parlamento galego insta a Xunta de Galicia a:

1. Colaborar co Goberno do Estado para a realización dun censo efectivo e real das persoas xordocegas.
2. Dirixirse ao Goberno do Estado para regular, en colaboración coas entidades sociais, a aplicación de todos os productos dun sistema de identificación en sistema braille que indique o contido do produto, así como a instalación de códigos e lectores dos mesmos que indiquen mediante sons de que productos se trata."

Aprobación por unanimidade con modificacións

- 41230 (10/PNC-003353)
Grupo Parlamentario de En Marea
Solla Fernández, Eva
Sobre a dotación pola Xunta de Galicia ao novo centro de saúde da Estrada dunha base para a ambulancia do 061, así como dun lugar de descanso para os traballadores
BOPG n.º 397, do 13.12.2018

Sométese a votación a transacción coa emenda do G. P. Popular de Galicia, doc. núm. 45485, e resulta aprobada pola unanimidade dos 12 deputados e deputadas presentes.

O texto aprobado, con modificacións respecto do texto orixinal, é o seguinte:

"O Parlamento de Galicia insta a Xunta de Galicia a iniciar os trámites necesarios, en colaboración co concello, para a ubicación anexa ao novo centro de saúde da Estrada, dunha base para a ambulancia do 061 e para os seus traballadores."

Aprobación por unanimidade sen modificacións

- 42683 (10/PNC-003449)
Grupo Parlamentario dos Socialistas de Galicia
Blanco Rodríguez, Noela e 2 máis
Sobre a exixencia do cumprimento da normativa e dos estándares de calidade exixidos para os centros residenciais e do funcionamento da residencia de maiores de Trives (Ourense)
BOPG n.º 414, do 18.01.2019

Sométese a votación e resulta aprobada sen modificacións pola unanimidade dos 12 deputados e deputadas presentes.

O texto aprobado é o seguinte:

"O Parlamento galego insta a Xunta de Galicia a:

1. Realizar una inspección de maneira urxente na residencia de maiores de Trives (Ourense), para comprobar o estado no que se atopan as súas instalacións, así como que se cumpre coa ratio mínima de persoa de atención directa en réxime de xornada completa de 0,20 por residente con autonomía, e de 0,35 por residente dependente establecida pola lexislación vixente, así como garantir a vixilancia e o coidado da saúde dos residentes por persoal cualificado para esta función, coa presenza localizada de persoal médico, e coa presenza física de ATS ou DUE as 24 horas, tal e como establece a normativa actual.

En caso de detectar irregularidades na inspección deste centro, tomar todas as medidas ao seu alcance para garantir que de maneira urxente se subsanen ditas deficiencias.

2. Esixir aos centros residenciais que manteñan actualizados, permanentemente, os datos que consten no Rexistro Único de Entidades Prestadoras de Servizos sociais (RUEPSS) en canto instrumento público de publicación e de ordenación do Sistema Galego de Servizos Sociais.

3. Reforzar o labor inspector, incrementando durante a X lexislatura os recursos humanos para vixiar os incumprimentos da normativa ou estándares de calidade esixidos, adoptando en caso de que sexa necesario as medidas sancionadoras recollidas na Lei 13/2008, do 3 de decembro, de servizos sociais de Galicia.

4. Dotarse de maneira urxente dun sistema informático normalizado para a xestión do persoal dos centros da nosa comunidade autónoma co obxecto de facilitar a xestión, e ofrecer información precisa da cobertura efectiva das xornadas de traballo."

- 42789 (10/PNC-003454)
Grupo Parlamentario do Bloque Nacionalista Galego
Prado Cores, María Montserrat e 5 máis
Sobre o número de centros de saúde construídos e que se van construír en Galicia
BOPG n.º 414, do 18.01.2019

Sométese a votación e resulta aprobada sen modificacións pola unanimidade dos 12 deputados e deputadas presentes.

O texto aprobado é o seguinte:

"O Parlamento de Galicia insta ao Goberno galego a que presente neste Parlamento un informe no prazo máximo dun mes coa seguinte información:

. Relación dos 54 centros de saúde construídos, con data de inicio e de finalización e orzamento de cada un deles.
. Relación dos 20 centros de saúde que se van construír ou ampliar con data de inicio e finalización e orzamento de cada un deles.
. Relación dos 82 centros de saúde novos ou ampliados que se terán ao final de lexislatura, con data de inicio e finalización e orzamento de cada un deles."


 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-07T11:02:00Z 2019-02-07T11:02:00Z http://www.parlamentodegalicia.gal/Actualidade/2842/
Acordos da Comisión Comisión 1ª, Institucional, de Administración Xeral, Xustiza e Interior, celebrada o día 06-02-2019

A  Comisión 1ª, Institucional, de Administración Xeral, Xustiza e Interior, na súa sesión do 6 de febreiro de 2019, adoptou os seguintes acordos:
 
Procedementos de control e impulso
Proposicións non de lei en Comisión
 
Aprobación por unanimidade con modificacións
 
- 11060 (10/PNC-001153)
Grupo Parlamentario dos Socialistas de Galicia
Díaz Villoslada, Juan Manuel e 3 máis
Sobre a redacción e aprobación polo Goberno galego dun plan xeral de infraestruturas e equipamentos deportivos de Galicia
BOPG n.º 140, do 05.07.2017
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
" O Parlamento de Galicia, insta ao Goberno galego a axilizar os trámites para que o censo de infraestruturas e equipamentos deportivos de Galicia sexa pronto unha realidade, avanzando despois, en coordinación coas Deputacións Provinciais e os Concellos de Galicia, na redacción dun Plan xeral de instalacións e equipamentos deportivos para Galicia, do que se deberá informar oportunamente ao Parlamento de Galicia."
 
- 18007 (10/PNC-001476)
Grupo Parlamentario dos Socialistas de Galicia
Vilán Lorenzo, Patricia e 2 máis
Sobre as actuacións que debe levar a cabo o Goberno galego en relación coa institución a masonería e o sufrimento daquelas persoas que padecen persecución, sancións, condenas penais, exilio ou son executadas pola súa defensa e a dos seus ideais
BOPG n.º 188, do 06.10.2017
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento acorda recoñecer e declarar a honorabilidade da institución da Masonería e apoiar o dereito dos seus membros a defender os seus ideais no marco dun ordenamento democrático que, como o español, ampare o exercicio dos dereitos de liberdade de conciencia e pensamento, un obxectivo que debería extenderse a todos os países do mundo"
 
- 40568 (10/PNC-003279)
Grupo Parlamentario de En Marea
Santos Queiruga, Carmen e 13 máis
Sobre a iniciación por parte do Goberno galego dos procedementos e xestións necesarias para a declaración da toponimia galega como Patrimonio da Humanidade, de acordo coa Real Academia Galega, e o impulso dun plan concreto co fin de evitar a perda dos símbolos da identidade cultural de Galicia, así como a asunción dun compromiso real cos proxectos e iniciativas que están a traballar nese eido
BOPG n.º 390, do 28.11.2018
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
" O Parlamento de Galicia insta á Xunta de Galicia a:
1.- Dar un novo impulso ao desenvolvemento de plans e programas para a recuperación, defensa e salvagarda da toponimia galega, promovendo con recursos económicos, persoais e materiais iniciativas encamiñadas a esta finalidade.
 
2.- Valorar a candidatura da toponimia galega a Patrimonio Cultural da Humanidade da UNESCO, estudando se sería posible e realista acadar esta declaración"

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-06T14:33:00Z 2019-02-06T14:37:00Z http://www.parlamentodegalicia.gal/Actualidade/2841/
Convocatoria do Pleno do Parlamento de Galicia previsto para o día 12 de febreiro de 2019

A Presidencia, de conformidade co disposto no artigo 53 do Regulamento do Parlamento, resolveu convocar o Pleno do Parlamento para realizar unha sesión o próximo día 12 de febreiro de 2019, ás 10:00 horas, no pazo do Parlamento.
 
De acordo coa Xunta de Portavoces e a Mesa, na reunión do día 5 de febreiro de 2019, a orde do día da sesión é a seguinte:
 
Punto 1. Textos lexislativos
 
1.1 Debate de toma en consideración da Proposición de lei, do Grupo Parlamentario do Bloque Nacionalista Galego, orgánica de Transferencia de Competencias á Comunidade Autónoma de Galicia en materia de Salvamento Marítimo e Loita contra a Contaminación Mariña (doc. núm. 20123, 10/PPLC-000006)
 Publicación da iniciativa, BOPG n.º 211, do 15.11.2017
 
1.2 Debate de toma en consideración da Proposición de lei, do Grupo Parlamentario dos Socialistas de Galicia, reguladora da actividade dos grupos de interese en Galicia (doc. núm. 41626, 10/PPL-000033)
 Publicación da iniciativa, BOPG n.º 398, do 14.12.2018
  
Punto 2. Comparecencias
 
2.1 45055 (10/CPP-000091)
 Da Sra. conselleira de Infraestruturas e Mobilidade, por petición propia, para informar da situación actual do calendario e das perspectivas do Plan de transporte público de Galicia
 
2.2 37715 (10/CPP-000081)
 Do Sr. conselleiro do Medio Rural, por petición propia, para informar das liñas xerais de actuación do seu departamento
 Publicación da iniciativa, BOPG n.º 365, do 03.10.2018
 
Punto 3. Mocións
 
3.1 45115 (10/MOC-000125)
 Grupo Parlamentario de En Marea
 Solla Fernández, Eva
 Sobre as actuacións que debe levar a cabo o Goberno galego para evitar as situacións de saturación nos servizos de urxencias dos hospitais do Sergas. (Moción, a consecuencia da Interpelación nº 40247, publicada no BOPG nº 386, do 21.11.2018, e debatida na sesión plenaria do 21.01.2019)
 
3.2 45116 (10/MOC-000126)
 Grupo Parlamentario de En Marea
 Villares Naveira, Luis
 Sobre a defensa pola Xunta de Galicia, nos espazos políticos e institucionais e nos acordos que leve a cabo, dos dereitos humanos, da igualdade de mulleres e homes e do autogoberno. (Moción, a consecuencia da Interpelación nº 43058, publicada no BOPG nº 414, do 18.01.2019, e debatida na sesión plenaria do 21.01.2019)
 
3.3 45124 (10/MOC-000123)
 Grupo Parlamentario dos Socialistas de Galicia
 Pierres López, María Luisa
 Sobre a posición do Parlamento de Galicia e as actuacións que debe levar a cabo o Goberno galego en materia de violencia de xénero. (Moción, a consecuencia da Interpelación nº 39868, publicada no BOPG nº 383, do 14.11.2018, e debatida na sesión plenaria do 21.01.2019)
 
3.4 45125 (10/MOC-000124)
 Grupo Parlamentario dos Socialistas de Galicia
 Vilán Lorenzo, Patricia
 Sobre as actuacións que debe levar a cabo o Goberno galego en relación co cumprimento da Lei 4/2017, do 3 de outubro, de protección e benestar dos animais de compañía. (Moción, a consecuencia da Interpelación nº 35663, publicada no BOPG nº 354, do 12.09.2018, e debatida na sesión plenaria do 21.01.2019)
 
Punto 4. Proposicións non de lei
 
4.1 25169 (10/PNP-001794)
 Grupo Parlamentario dos Socialistas de Galicia
 Blanco Rodríguez, Noela e 2 máis
 Sobre a implantación polo Goberno galego do Servizo de Hemodinámica as 24 horas do día no Complexo Hospitalario Universitario de Ourense
 Publicación da iniciativa, BOPG n.º 260, do 14.02.2018
 4.2 41431 (10/PNP-003132)
 Grupo Parlamentario de En Marea
 Sánchez García, Antón e Cal Ogando, Marcos
 Sobre a demanda polo Goberno galego ao Goberno central relativa á defensa da  inclusión  da conexión Vigo-Oporto  no Corredor  Atlántico,  dentro  do Proceso  de  reforma  dos  regulamentos    UE  1315/2013  e  1316/2013  do Parlamento e do Consello Europeo
 Publicación da iniciativa, BOPG n.º 397, do 13.12.2018
 
4.3 41484 (10/PNP-003140)
 Grupo Parlamentario dos Socialistas de Galicia
 Pierres López, María Luisa e 4 máis
 Sobre a posta en marcha polo Goberno galego dun plan de vivenda para a emancipación xuvenil
 Publicación da iniciativa, BOPG n.º 397, do 13.12.2018
 
4.4 42795 (10/PNP-003210)
 Grupo Parlamentario de En Marea
 Solla Fernández, Eva
 Sobre as actuacións que debe realizar a Xunta de Galicia destinadas a levar a cabo a xestión directa do Servizo de transporte sanitario urxente terrestre en Galicia
 Publicación da iniciativa, BOPG n.º 414, do 18.01.2019
 
4.5 43939 (10/PNP-003268)
 Grupo Parlamentario do Bloque Nacionalista Galego
 Pontón Mondelo, Ana Belén e 5 máis
 Sobre o Proxecto de orzamentos xerais do Estado para 2019 en relación co investimento para Galicia
 Publicación da iniciativa, BOPG n.º 417, do 23.01.2019
 Publicación correccións, BOPG n.º 423, do 31.01.2019
 
4.6 44345 (10/PNP-003308)
 Grupo Parlamentario Popular de Galicia
 Tellado Filgueira, Miguel Ángel e 19 máis
 Sobre o posicionamento do Parlamento de Galicia respecto ao Proxecto de lei de orzamentos xerais do Estado para o 2019
 Publicación da iniciativa, BOPG n.º 423, do 31.01.2019
 
4.7 44503 (10/PNP-003325)
 Grupo Parlamentario do Bloque Nacionalista Galego
 Bará Torres, Xosé Luís e 5 máis
 Sobre as demandas que debe realizar o Goberno galego ao Goberno central en relación co prezo das peaxes nas autoestradas AP-9 e AP-53
 Publicación da iniciativa, BOPG n.º 423, do 31.01.2019
 
4.8 44787 (10/PNP-003348)
 Grupo Parlamentario Popular de Galicia
 Núñez Feijóo, Alberto e 40 máis
 Sobre a posición do Parlamento de Galicia en relación coa situación de Venezuela.
 Publicación da iniciativa pola vía de urxencia, BOPG n.º 423, do 31.01.2019
 
Punto 5. Interpelacións
 
5.1 41288 (10/INT-001377)
 Grupo Parlamentario dos Socialistas de Galicia
 Torrado Quintela, Julio e Blanco Rodríguez, Noela
 Sobre a política do Goberno galego en relación coa situación do servizo de pediatría no Sistema galego de saúde
 Publicación da iniciativa, BOPG n.º 397, do 13.12.2018
 
5.2 43481 (10/INT-001434)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre a política do Goberno galego diante da situación da sanidade pública galega
 Publicación da iniciativa, BOPG n.º 417, do 23.01.2019
 
5.3 43899 (10/INT-001440)
 Grupo Parlamentario de En Marea
 Cal Ogando, Marcos e Sánchez García, Antón
 Sobre o incremento da mortalidade nas estradas galegas
 Publicación da iniciativa, BOPG n.º 417, do 23.01.2019
 
Punto 6. Preguntas para resposta oral do Presidente da Xunta
 
6.1 45341 (10/POPX-000127)
 Grupo Parlamentario do Bloque Nacionalista Galego
 Pontón Mondelo, Ana Belén
 Sobre as previsións do Goberno galego respecto do exercicio das súas competencias en materia de sanidade rectificando os recortes e privatizacións para garantir o dereito das persoas á saúde
 
6.2 45342 (10/POPX-000128)
 Grupo Parlamentario dos Socialistas de Galicia
 Fernández Leiceaga, Xoaquín María
 Sobre as actuacións previstas polo Goberno galego para igualar o nivel competencial de Galicia co das outras nacionalidades históricas
 
6.3 45343 (10/POPX-000129)
 Grupo Parlamentario de En Marea
 Villares Naveira, Luis
 Sobre a valoración do Goberno galego respecto da situación actual do autogoberno en Galicia
 
Punto 7. Preguntas ao Goberno
 
7.1 45339 (10/PUP-000222)
 Grupo Parlamentario de En Marea
 Cuña Bóveda, María de los Ángeles
 Sobre os funcionarios que forman parte da mutualidade que substituíu ao Centro Galego de Bos Aires en Ospaña
 
7.2 43711 (10/POP-005204)
 Grupo Parlamentario Popular de Galicia
 Castiñeira Broz, Jaime e 6 máis
 Sobre o investimento previsto pola Xunta de Galicia, no marco do programa Rexurbe, para a adquisición e posterior rehabilitación de inmobles nos núcleos históricos de Ferrol, Betanzos, Lugo e Ourense
 Publicación da iniciativa, BOPG n.º 417, do 23.01.2019
 
7.3 45329 (10/PUP-000221)
 Grupo Parlamentario dos Socialistas de Galicia
 Álvarez Martínez, Luis Manuel e Pierres López, María Luisa
 Sobre a valoración do Goberno galego respecto das execucións orzamentarias do Ministerio de Fomento na Comunidade Autónoma de Galicia nos anos 2015, 2016 e 2017
 
7.4 45340 (10/PUP-000223)
 Grupo Parlamentario Popular de Galicia
 Tellado Filgueira, Miguel Ángel e 8 máis
 Sobre a avaliación do Goberno galego respecto da viaxe institucional a Miami e Nova York anunciada polo presidente da Xunta de Galicia para reforzar as relacións económicas e comerciais cos Estados Unidos de América
 
7.5 44410 (10/POP-005304)
 Grupo Parlamentario de En Marea
 Chao Pérez, Luca e Cuña Bóveda, María de los Ángeles
 Sobre as razóns da facturación ás familias das reparacións dos equipos informáticos facilitados ao alumnado que forma parte da iniciativa de educación dixital E-Dixgal na modalidade de cesión de uso
 Publicación da iniciativa, BOPG n.º 423, do 31.01.2019
 
7.6 43716 (10/POP-005205)
 Grupo Parlamentario dos Socialistas de Galicia
 Pérez Seco, José Manuel e 2 máis
 Sobre as actuacións previstas polo Goberno galego para solucionar a situación na que se atopa o servizo de pediatría nos concellos de Moeche, Cerdido, As Somozas e San Sadurniño
 Publicación da iniciativa, BOPG n.º 417, do 23.01.2019
 
7.7 45316 (10/PUP-000220)
 Grupo Parlamentario do Bloque Nacionalista Galego
 Presas Bergantiños, Noa e 5 máis
 Sobre as previsións da Xunta de Galicia respecto da ampliación do funcionamento do servizo de hemodinámica do Complexo Hospitalario Universitario de Ourense ás 24 horas do día
 
7.8 42711 (10/POP-005027)
 Grupo Parlamentario dos Socialistas de Galicia
 Vilán Lorenzo, Patricia e 3 máis
 Sobre o cumprimento do convenio asinado coa Deputación Provincial de Pontevedra o 22 de xaneiro de 1991 e ratificado no ano 2000 respecto da finca de Lourizán, en Pontevedra
 Publicación da iniciativa, BOPG n.º 414, do 18.01.2019
 
7.9 43949 (10/POP-005256)
 Grupo Parlamentario do Bloque Nacionalista Galego
 Rivas Cruz, José Luis e 5 máis
 Sobre as axudas para previr os danos causados polo lobo e o porco bravo na gandería e nos cultivos agrícolas
 Publicación da iniciativa, BOPG n.º 417, do 23.01.2019
 
Os grupos parlamentarios poderán presentar emendas ás mocións e ás proposicións non de lei ata seis horas antes do inicio da sesión, ao abeiro do disposto no artigo 161.2 do Regulamento.
 
 
Santiago de Compostela, 5 de febreiro de 2019
 
 
 
Miguel Ángel Santalices Vieira
Presidente

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-05T18:47:00Z 2019-02-05T18:48:00Z http://www.parlamentodegalicia.gal/Actualidade/2840/
Integrantes da Coordinadora galega de ONG para o desenvolvemento explican o seu traballo ao presidente do Parlamento

Santiago, 5 de febreiro de 2019.- Directivos da Coordinadora Galega de ONG para o Desenvolvemento reuníronse este mediodía co presidente do Parlamento, Miguel Ángel Santalices Vieira, ao que explicaron os principais proxectos e liñas de traballo que están a acometer en diferentes países.
 
Participaron na reunión o presidente da Coordinadora, Alejandro Quiñoá Casteleiro; a vicepresidenta, Gema Filgueira Garrido; a secretaria, María Paz Gutiérez; e a técnica Sara García Mato.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-05T13:56:00Z 2019-02-05T13:56:00Z http://www.parlamentodegalicia.gal/Actualidade/2839/
Santalices: “As administracións deben evolucionar ao carón da sociedade nun entorno crecentemente cambiante”

 
• O presidente o Parlamento de Galicia inaugurou en Ourense as I Xornadas sobre retos das administracións contemporáneas
 
• Considera que, para estar á altura das demandas sociais, as administracións deberán ser  transparentes, confiables, accesibles, responder con inmediatez e xestionar con eficiencia

Santiago, 4 de febreiro de 2019.- “As administracións deben evolucionar ao carón da sociedade, a ser posible por diante, nun entorno crecentemente cambiante, no que a sensibilidade e as demandas da cidadanía mudan a moito maior ritmo ca no pasado”. Son palabras do presidente do Parlamento de Galicia, esta tarde, na inauguración das I Xornadas sobre retos das administracións contemporáneas, que se celebran no Centro Cultural Marcos Valcárcel, en Ourense.
 
Abundando nesta idea, o titular do Lexislativo galego engadiu que o principal desafío dos poderes públicos é “dar resposta ás demandas e ás necesidades da cidadanía”.
 
Obxectivos
 
Apuntou, nesta liña, que “para estar á altura do que a xente agarda dela”, a Administración –con independencia do seu ámbito competencial-  “deberá ser transparente, deberá transmitir confianza, deberá ser accesible, facilitar a participación e  amosarse próxima aos intereses das persoas;  deberá responder con inmediatez e deberá xestionar os recursos públicos –recursos que son de todos, porque proceden dos impostos- con criterios de eficacia e de eficiencia”.
 
Para materializar estes obxectivos –engadou Santalices Vieira-, as tecnoloxías da información e a comunicación “convertéronse en magníficos aliados”, especialmente en ámbitos como o da transparencia, a accesibilidade, a proximidade ou a participación.
 
Administración parlamentaria
 
Recordou que malia non ser unha administración ao uso, o Parlamento de Galicia traballa co obxectivo de facer realidade obxectivos como os enunciados por Santalices na súa intervención e convidou aos participantes nas xornadas a coñecer a sede electrónica da Cámara, a primeira deste tipo impulsada por un parlamento autonómico en España para avanzar en materia de transparencia, participación e proximidade.
 
“Somos unha cámara eficaz pero, ademais, xestionamos con eficiencia os recursos económicos que a sociedade pon a nosa disposición”, afirmou o Parlamento de Galicia, que puxo como exemplo o feito de que o custe medio dun deputado no Parlamento de Galicia é xusto a metade respecto ao Parlamento Vasco, que conta tamén con 75 deputados. 
 
Santalices comezou a súa intervención recoñecendo a “non moi boa imaxe” do colectivo de funcionarios públicos entre o conxunto da sociedade, feito que, na súa opinión, constitúe tamén un reto a superar.
 

Saúdos, Gabinete de Comunicación.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-04T18:46:00Z 2019-02-04T18:48:00Z http://www.parlamentodegalicia.gal/Actualidade/2838/
Santalices anima a utilizar os diferentes mecanismos de participación cidadá impulsados polo Parlamento de Galicia

 
• Impartiu unha conferencia sobre “O Parlamento de Galicia, unha institución aberta”, no auditorio do Museo Etnográfico casa do Patrón, en Doade (Lalín)
 
• O Parlamento de Galicia é a primeira Cámara autonómica con sede electrónica propia, reforzando así as posibilidades de participación cidadá e completando a dixitalización de procedementos como a licitación ou a factura electrónica

Santiago, 2 de febreiro de 2019.- O presidente do Parlamento de Galicia, Miguel Ángel Santalices Vieira, explicou esta mañá, nunha conferencia impartina no auditorio do Museo Etnográfico Casa do Patrón, en Doade (Lalín), os diferentes mecanismos de participación cidadá impulsados pola Cámara galega, ao tempo que defendeu a aposta da institución por achegarse á xente.
 
O titular do Lexislativo detívose na estratexia de apertura impulsada pola Cámara e que permite á cidadanía impulsar proposicións de lei de iniciativa cidadá e proposicións non de lei, ao tempo que fai posible  a participación na elaboración das leis, no control ao goberno, ou exercer o dereito de petición. Todas estas posibilidades de participación foron reforzadas recentemente, como recordou Santalices, coa posta en marcha  da sede electrónica do Parlamento de Galicia que se converteu na primeira Cámara autonómica en ofrecer un servizo deste tipo. 
 
Deputadas e deputados, persoas e empresas contan, deste xeito, con todos os servizos de administración electrónica dispoñibles a día de hoxe. A sede electrónica reforza, ademais, as posibilidades de participación cidadá e completa a dixitalización de procedementos como a licitación ou a factura electrónica.
 
Abrir o Parlamento
 
Canda a participación cidadá, Santalices Vieira insistiu no seu empeño en abrir o Parlamento á xente a través de medidas como o programa de visitas guiadas á sede do lexislativo galego, as xornadas de portas abertas semanais que permiten a calquera que o desexe poda visitar o Parlamento cada luns sen necesidade de inscrición previa, o programa “Coñece as túas institucións” co que escolares de 5º e 6º de Primaria e 1º e 2º de ESO poden visitar na mesma xornada o Parlamento e  Xunta, ou ciclo de charlas divulgativas en centros educativos impartido pos exdeputados/as.
Búscase, con estas iniciativas, superar o descoñecemento que a sociedade ten respecto ao Parlamento e as competencias que este ten encomendadas.
 
 
Saúdos, Gabinete de Comunicación.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-02-02T14:55:00Z 2019-02-02T14:58:00Z http://www.parlamentodegalicia.gal/Actualidade/2837/
Santalices gaba o galeguismo “democrático, plural e integrador” que inspirou a traxectoria política de Fernández Albor

 
• O presidente do Parlamento participou esta tarde na presentación do libro Xerardo Fernández Albor e o seu tempo. Cen anos dun presidente

Santiago, 31 de xaneiro de 2019.- O presidente do Parlamento de Galicia, Miguel Ángel Santalices Vieira, subliñou esta tarde que o expresidente da Xunta Xerardo Fernández Albor exerceu a política “con paixón, pero tamén con sentidiño, desde a coherencia e co galeguismo como sinal de identidade”. Santalices expresábase así na presentación do libro Xerardo Fernández Albor e o seu tempo. Cen anos dun presidente, na que se deron cita diferentes personalidades, encabezadas polo titular da Xunta, Alberto Núñez Feijóo.
 
Santalices gabou o “galeguismo democrático, plural e integrador” que inspirou a acción política de Fernández Albor,  sentimento que situou “nas antípodas do nacionalismo excluínte e segregador”. Falou dun galeguismo “herdeiro das mellores correntes históricas da Galicia territorial e da Galicia universal; un galeguismo aberto ao conxunto de España e do mundo, con espírito e vocación europea, pola que tanto traballaría posteriormente D. Xerardo desde Bruxelas e Estrasburgo”.
 
Transformación de Galicia
 
O presidente do Parlamento felicitou aos coordinadores e impulsores da edición deste libro “ameno, de lectura doada e gratificante para as persoas interesadas na figura do Dr. Fernández Albor e a Galicia do seu tempo”. Un volume que “ademais de poñer en valor a figura do homenaxeado, nos axuda a comprender a profunda transformación rexistrada en Galicia en pouco máis de medio século”.
 
Para o titular do Lexislativo galego, ese avance é “consecuencia directa, en gran parte, da estabilidade e o benestar derivados da Constitución do 78 e do asentamento e consolidación da autonomía que a Carta Magna e o posterior Estatuto nos brindaron e que persoas como D. Xerardo puxeron en marcha”.
 
Da traxectoria persoal do homenaxeado, Santalices recordou que Fernández Albor destacou como médico humanista, como cirurxán, como xestor sanitario  e como “galego bo e xeneroso que amaba profundamente a Galicia”. Por iso, no cumio da súa carreira profesional, o Dr. Fernández Albor non dubidou en antepoñer os intereses colectivos sobre os persoais”.
 
 

Saúdos, Gabinete de Comunicación.

 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-31T19:39:00Z 2019-01-31T19:49:00Z http://www.parlamentodegalicia.gal/Actualidade/2836/
Proposicións non de lei aprobadas polo Pleno do Parlamento de Galicia o 30 de xaneiro de 2019


 
4.2 34672 (10/PNP-002600)
Grupo Parlamentario Popular de Galicia
Prado del Río, Paula e 8 máis
Sobre as actuacións que debe realizar a Xunta de Galicia para favorecer o esclarecemento do accidente ocorrido no marco do festival "O Marisquiño", na cidade de Vigo
Publicación da iniciativa, BOPG n.º 349, do 31.08.2018
 
O texto aprobado é o seguinte:
 
“O  Parlamento  de  Galicia    insta  á  Xunta  de  Galicia  a  dirixirse  ás  Administracións competentes  para  que  fagan  pública  toda  a  documentación  pertinente,  así  como  os informes en virtude dos cales se deu a autorización para a celebración do concerto do pasado  día  12  de  agosto  en  Vigo,  a  fin  de  que  se  garanta  a  transparencia  das actuacións das administracións dentro das súas respectivas competencias e favorecer o  esclarecemento  do  ocorrido  no  terrible  accidente  no  marco  do  festival  de O Marisquiño na cidade cidade de Vigo”.
 
4.8 43429 (10/PNP-003246)
Grupo Parlamentario Popular de Galicia
Tellado Filgueira, Miguel Ángel e 10 máis
Sobre o apoio do Parlamento de Galicia á Xunta de Galicia na súa petición ao Goberno de España dunha resposta inmediata á proposta de establecemento dun marco eléctrico estable e un prezo eléctrico competitivo ás empresas electrointensivas
Publicación da iniciativa pola vía de urxencia, BOPG n.º 414, do 18.01.2019
 
O texto aprobado é o seguinte:
 
“O Parlamento de Galicia apoia á Xunta de Galicia na súa petición ao Goberno de España   dunha    resposta    inmediata    á    proposta    consensuada    coa    industria electrointensiva galega para establecer un marco eléctrico estable e un prezo eléctrico competitivo ás empresas, a través de: 
 
1. Implantación  inmediata  dun  Estatuto  da  Industria  Electrointensiva  que  debe  definir diferentes  tipos  de  electrointensivas, diferenciando ás industrias hiperelectrointensivas en  función  tanto  da  intensidade  da  enerxía  que  consomen  para  desenvolver  a  súa actividade como dos diferentes períodos nos que se distribúe este consumo.
 
2. A redución dun 90% das peaxes de acceso na parte relativa ao custo do transporte, sempre  que  os  consumos  sexan  estables  ou  anticíclicos,  e  que  máis  do  55%  dos consumos anuais prodúzanse en período 6.
 
3. Convocatoria das axudas compensatorias por custos de emisións indirectas de CO2 ao  comezo   da   anualidade   orzamentaria   cunha dotación suficiente que permita compensar os sobrecustos  do  ano en curso e que  sexa  acorde  cos  máximos autorizados pola normativa europea aplicable. Estas axudas deberían ser pagadas con periodicidade trimestral.
 
4. Exención  do  custe  regulado  correspondente  aos  custos  de  pagos  por  capacidade, así  como  das  achegas  destinadas  ao  financiamento  do  Fondo  Nacional  de  Acción  de Eficiencia Enerxética.
 
5. Elaboración   dun   estudo   das   perdas   técnicas   de   enerxía   que   son   realmente soportadas polos consumidores electrointensivos, dándolle a posibilidade de optar, ben pola  aplicación  dos  coeficientes  de  perdas  de  enerxía  actualmente  imputada  a  cada período, ben pola aplicación das perdas técnicas efectivamente producidas.
 
6. E que estas se apliquen con carácter retroactivo desde o pasado 1 de xaneiro”.
 
Saúdos, Gabinete de Comunicación.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-30T15:44:00Z 2019-01-30T15:45:00Z http://www.parlamentodegalicia.gal/Actualidade/2835/
Declaración institucional sobre o Día de conmemoración anual en memoria das vítimas do Holocausto

O 1 de novembro de 2005, a Asemblea Xeral das Nacións Unidas, na súa 42ª sesión plenaria, reafirmou que o Holocausto, que tivo como resultado que un terzo do pobo xudeu e innumerables membros doutras minorías morreron asasinados, será sempre unha advertencia para todo o mundo dos perigos do odio, o fanatismo, o racismo e os prexuízos.
 
E tamén decidiu designar o 27 de xaneiro como Día Internacional de conmemoración anual en memoria das vítimas do Holocausto, todas elas vítimas do nazismo, entre as que se contan tamén galegos e galegas.
 
O Holocausto é o resultado dun programa de persecución, encarceramento e exterminio levado a cabo polo nazismo que asasinou a máis de seis millóns de persoas. Tivo a súa orixe no intento de eliminación da disidencia política e ideolóxica e derivou nun xenocidio que contou coa colaboración da Ditadura franquista e que perseguiu miles de homes e mulleres que fuxiron do Estado español despois da derrota da República en 1939 e tras a instauración dun réxime fascista.
 
En particular, este Parlamento quere lembrar os máis de 10.000 republicanos españois que terminaron deportados nos campos nazis pola colaboración do ditador Francisco Franco co nazismo alemán e o fascismo italiano. Segundo algunhas fontes historiográficas, preto de 200 deles eran orixinarios de Galicia e morreron alí ou foron liberados pero nunca puideron regresar porque a ditadura franquista, que lles retirara previamente a nacionalidade, lles negou o dereito a regresaren ao seu país de orixe.
 
Por todo isto, o Parlamento de Galicia fai súa a declaración da Asemblea Xeral das Nacións Unidas na que rexeitou toda negación, xa sexa parcial ou total, do Holocausto como feito histórico. E condenou sen reservas, condena que tamén este Parlamento fai súa, todas as manifestacións de intolerancia relixiosa, incitación, acoso ou violencia contra as persoas ou comunidades baseadas na orixe étnica ou nas crenzas relixiosas, teñan lugar onde teñan lugar.
 
O Parlamento de Galicia constata, coa Asemblea Xeral das Nacións Unidas, que o descoñecemento e o menosprezo dos dereitos humanos orixinan actos de barbarie aldraxantes para a conciencia humana.
 
O Parlamento de Galicia, un ano máis e de acordo coa letra e co espírito da Declaración do 1 de novembro de 2005 da 42ª Asemblea Xeral das Nacións Unidas, chama a Xunta a traballar arreo contra os posible brotes de racismo, xenofobia, antisemitismo e outras discriminacións baseadas na orixe étnica ou nas crenzas relixiosas, e os cidadáns e as súas organizacións a permaneceren vixiantes para que nunca máis un réxime como o que produciu o Holocausto poida asentar entre nós nin en ningún lugar do mundo.
 
Santiago de Compostela, 30 de xaneiro de 2019

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-30T12:19:00Z 2019-01-30T12:19:00Z http://www.parlamentodegalicia.gal/Actualidade/2834/
O presidente do Parlamento interésase pola actividade de Executivas de Galicia


 
Santiago, 28 de xaneiro de 2019.- O presidente do Parlamento de Galicia, Miguel Ángel Santalices Vieira, mantivo esta tarde, no seu despacho da Cámara, unha reunión co equipo directivo de Executivas de Galicia, encabezado pola presidenta da organización, Carla Reyes.
 
No transcurso do encontro, Santalices Vieira interesouse polas diferentes actividades que organiza Executivas de Galicia e felicitou ás súas integrantes polo labor que desenvolven para outorgar maior visibilidade ao traballo das mulleres, especialmente nos ámbitos onde a presencia feminina é aínda minoritaria.
 
A delegación de Executivas de Galicia presentou ao presidente do Parlamento o proxecto “Referentes Galegas”, un directorio que están a elaborar para dar a coñecer o papel de mulleres profesionais e potenciar a súa presenza pública.
 
 
Saúdos, Gabinete de Comunicación.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-28T18:32:00Z 2019-01-28T18:36:00Z http://www.parlamentodegalicia.gal/Actualidade/2833/
Acordos acadados na Comisión 8ª Pesca e Marisqueo, celebrada o día 25.01.2019


A  Comisión 8ª, Pesca e Marisqueo, na súa sesión do 25 de xaneiro de 2019, adoptou os seguintes acordos:
 
Procedementos de control e impulso
Proposicións non de lei en Comisión
 
 
Aprobación sen modificacións
 
- 36688 (10/PNC-002942)
Grupo Parlamentario Popular de Galicia
Egerique Mosquera, Teresa e 6 máis
Sobre a demanda ao Goberno central para a reconsideración da decisión de incluír a quenlla entre as especies de maior protección
BOPG n.º 358, do 19.09.2018
 
Sométese a votación e resulta aprobada sen modificacións por: 7 votos a favor, 0 votos en contra e 5 abstencións.
 
O texto aprobado é o seguinte:
 
"O Parlamento de Galicia insta a Xunta de Galicia a demandar do Goberno Central a reconsideración da decisión de incluír entre as especies de maior protección ao abeiro da Convención sobre a Conservación de Especies Migratorias e á elaboración de informe sobre a súa abundancia, xestión do recurso e posibilidades de captura."
 
- 41464 (10/PNC-003381)
Grupo Parlamentario Popular de Galicia
Vega Pérez, Daniel e 6 máis
Sobre as actuacións que debe levar a cabo o Goberno galego para a implantación, nos centros existentes na Mariña lucense, de ciclos de formación náutico-pesqueira e de formación profesional dual
BOPG n.º 397, do 13.12.2018
 
Sométese a votación e resulta aprobada sen modificacións por: 9 votos a favor, 0 votos en contra e 3 abstencións.
 
O texto aprobado é o seguinte:
 
"O Parlamento de Galicia insta o Goberno galego a elaborar e desenvolver da man do sector, una planificación que permita fornecer de formación náutica-pesqueira para os profesionais da Mariña lucense, no que se contemple a emisión de Certificados de Profesionalidade Marítimo-Pesqueira, organización de cursos para a adquisición e revalidación de competencias necesarias e analizar a disposición da demanda para a implantación nos centros existentes da Mariña de ciclos de formación náutico-pesqueira e da Formación Profesional dual como a que xa está a funcionar."
 
Aprobación por unanimidade con modificacións
 
- 39771 (10/PNC-003199)
Grupo Parlamentario do Bloque Nacionalista Galego
Rivas Cruz, José Luis e 5 máis
Sobre as actuacións que debe levar a cabo o Goberno galego para a dotar os mariscadores da ría do Burgo dun posto de control coas condicións mínimas exixibles, así como a demanda que debe realizar ao Goberno central en relación co período de cobro da prestación por cesamento de actividade por presenza de toxinas
BOPG n.º 383, do 14.11.2018
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento galego insta a Xunta de Galicia a dotar aos mariscadores da Ría do Burgo dun posto de control que reúna as condicións mínimas esixíbeis."
 
- 41743 (10/PNC-003401)
Grupo Parlamentario de En Marea
Quinteiro Araújo, Paula e Miranda Pena, Flora María
Sobre as medidas que debe adoptar o Goberno galego en relación co desemprego xuvenil no sector pesqueiro
BOPG n.º 405, do 03.01.2019
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento de Galicia insta a Xunta de Galicia a incrementar os recursos e plans para mellorar e facilitar a incorporación de xente moza ao sector do mar."
 
Aprobación por unanimidade sen modificacións
 
- 38068 (10/PNC-003051)
Grupo Parlamentario dos Socialistas de Galicia
Toja Suárez, María Dolores e Otero Rodríguez, Patricia
Sobre a adopción por parte do Goberno galego das medidas necesarias para paliar a situación de inseguridade existente no porto de Laxe e ofrecerlles aos mariñeiros e ás súas embarcacións un refuxio axeitado
BOPG n.º 368, do 10.10.2018
 
Sométese a votación e resulta aprobada sen modificacións pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento de Galicia insta o Goberno galego, para que, á vista da grave situación de risco no peirao de laxe, adopte urxentemente as medidas que sexan necesarias para paliar esa situación de inseguridade, ofrecendo aos mariñeiros e ás súas embarcacións un refuxio fiable e adecuado."
 
- 42419 (10/PNC-003434)
Grupo Parlamentario de En Marea
Miranda Pena, Flora María e Quinteiro Araújo, Paula
Sobre as demandas que debe realizar a Xunta de Galicia a Portos de Galicia en materia de transparencia e publicación da información sobre a súa xestión
BOPG n.º 410, do 14.01.2019
 
Sométese a votación e resulta aprobada sen modificacións pola unanimidade dos *** deputados e deputadas presentes.
 
O texto aprobado é o seguinte:
 
"O Parlamento galego insta a Xunta de Galicia a:
1. Transmitir a Portos de Galicia a necesidade de que toda a información dispoñible sobre a xestión da institución se atope ao servizo da cidadanía e conte cun acceso fácil e rápido.
2. Esixir a Portos de Galicia a publicación de todos os Informes de Xestión a partir do ano 2013."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-25T14:59:00Z 2019-01-25T14:59:00Z http://www.parlamentodegalicia.gal/Actualidade/2832/
Acordos da Comisión 2ª. Ordenación Territorial, Obras Públicas, Medio Ambiente e Servizos, celebrada o 24-01-2019

A  Comisión 2ª, Ordenación Territorial, Obras Públicas, Medio Ambiente e Servizos, na súa sesión do 24 de xaneiro de 2019, adoptou os seguintes acordos:
 
Procedementos de control e impulso
 
Proposicións non de lei en Comisión
 
Aprobación por unanimidade con modificacións
 
- 40469 (10/PNC-003269)
Grupo Parlamentario do Bloque Nacionalista Galego
Bará Torres, Xosé Luís e 5 máis
Sobre as actuacións que debe levar a cabo o Goberno galego e a demanda que debe realizar ao Goberno central en relación cos prexuízos ocasionados ás persoas usuarias da AP-9 polas retencións rexistradas na autoestrada como consecuencia das obras de ampliación da ponte de Rande
BOPG n.º 390, do 28.11.2018
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento insta á Xunta de Galicia a dirixirse ao Ministerio de Fomento e a AUDASA para establecer un procedemento áxil e sinxelo para tramitar as reclamacións á AUDASA das persoas usuarias da autoestrada AP-9 que se viron afectadas polas retencións causadas polas obras de ampliación da ponte de Rande.
 
Asemade, insta ao goberno galego a que demande do goberno do Estado o establecemento dun protocolo que obrigue ao levantamento das barreiras das peaxes cando se produzan retencións que causen prexuízos de perda de tempo e diñeiro ás persoas usuarias das autoestradas."
 
Aprobación por unanimidade sen modificacións
 
- 38276 (10/PNC-003068)
Grupo Parlamentario Popular de Galicia
Rodríguez Barreira, María Julia e 11 máis
Sobre a demanda da Xunta de Galicia ao Ministerio de Fomento e a Renfe de manter a carga de traballo do taller de mantemento de material de Renfe de Monforte de Lemos, así como de contratar o persoal necesario para compensar as baixas por xubilación
BOPG n.º 371, do 16.10.2018
 
Sométese a votación e resulta aprobada sen modificacións pola unanimidade dos 12 deputados e deputadas presentes.
 
O texto aprobado é o seguinte:
 
“O Parlamento de Galicia insta á Xunta de Galicia a dirixirse ao Ministerio de Fomento e a RENFE, a fin de que manteñan a carga de traballo do taller de mantemento de material de Monforte, e contraten o persoal necesario para compensar as baixas por retiro, de maneira que poidan manter e atender esa carga de traballo en tempo e forma, e en condicións laborais axeitadas”.
 
- 41430 (10/PNC-003369)
Grupo Parlamentario de En Marea
Sánchez García, Antón e Cal Ogando, Marcos
Sobre a demanda polo Goberno galego ao Goberno central relativa á defensa da inclusión da conexión Vigo-Oporto no Corredor Atlántico, dentro do proceso de reforma dos regulamentos UE 1315/2013 e 1316/2013 do Parlamento e do Consello Europeo
BOPG n.º 397, do 13.12.2018
 
Sométese a votación e resulta aprobada sen modificacións pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento galego insta á Xunta de Galicia a que inste ao Goberno español á defensa da inclusión da conexión Vigo-Porto no Corredor Atlántico dentro do proceso de reforma regulamentaria dos Regulamentos UE 1315/2013 do Parlamento Europeo e do Consello do 11 de decembro de 2013 sobre as orientacións da Unión para o desenvolvemento da Rede Transeuropea de Transporte,  e  1316/2013  do  Parlamento  Europeo  e  do  Consello  do  11  de decembro de 2013 polo que se crea o Mecanismo “Conectar Europa”.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-24T14:27:00Z 2019-01-24T14:27:00Z http://www.parlamentodegalicia.gal/Actualidade/2831/
Acordos da A Comisión 3ª, Economía, Facenda e Orzamentos, celebrada o 24-01-2019

A  Comisión 3ª, Economía, Facenda e Orzamentos, na súa sesión do 24 de xaneiro de 2019, adoptou os seguintes acordos:
 
Procedementos de control e impulso
 
Proposicións non de lei en Comisión
 
Aprobación con modificacións
 
- 40955 (10/PNC-003325)
Grupo Parlamentario do Bloque Nacionalista Galego
Presas Bergantiños, Noa e 5 máis
Sobre as demandas que debe realizar o Goberno galego ao Goberno central, así como a actuación que debe levar a cabo para o establecemento dun sistema de coeficientes redutores da idade de xubilación para o persoal do sector naval
BOPG n.º 394, do 05.12.2018

 
Sométese a votación e resulta aprobada con modificacións respecto do texto orixinal, por 9 votos a favor, 0 votos en contra e 2 abstencións.
 
O texto aprobado é o seguinte:
 
"O Parlamento galego insta a Xunta de Galicia a dirixirse ao Estado para demandar a realización de todas as actuacións necesarias para o establecemento de coeficientes redutores da idade de xubilación para o persoal empregado no sector naval, entendendo por tal tanto o sector público como privado incluíndo as e os traballadores tanto das empresas principais como das auxiliares."
 
Aprobación por unanimidade con modificacións
 
- 36679 (10/PNC-002939)
Grupo Parlamentario de En Marea
Lago Peñas, José Manuel e Torregrosa Sañudo, Julia
Sobre as actuacións que debe levar a cabo a Xunta de Galicia para o cumprimento polas empresas da normativa laboral en relación co cumprimento das horas extraordinarias anuais permitidas, a contratación de novas persoas ocupadas e a conciliación da vida familiar e laboral de persoas traballadoras
BOPG n.º 358, do 19.09.2018

 
Sométese a votación e resulta aprobada con modificacións respecto do texto orixinal, pola unanimidade dos 11 deputados e deputadas presentes con dereito a voto.
 
O texto aprobado é o seguinte:
 
"O Parlamento galego insta a Xunta de Galicia a:
 
1. Intensificar as inspeccións de traballo co obxectivo de que as empresas cumpran coa normativa laboral en relación ao cumprimento das horas extraordinarias anuais permitidas.
 
2. Garantir mediante as inspeccións o cumprimento de toda normativa laboral por parte das empresas así como facilitar a contratación de novas persoas ocupadas.
 
3. Garantir o cumprimento da lei 39/1999 de 5 de novembro de conciliación de vida familiar e laboral de persoas traballadoras.
 
4. Instar o Goberno central a que dote a Inspección de Traballo en Galicia de máis medios humanos e técnicos"
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-24T14:03:00Z 2019-01-24T14:03:00Z http://www.parlamentodegalicia.gal/Actualidade/2830/
Acordos da Comisión 1ª, Institucional, de Administración Xeral, Xustiza e Interior, celebrada o 23-01-2019

 
A Comisión 1ª, Institucional, de Administración Xeral, Xustiza e Interior, na súa sesión do 23 de xaneiro de 2019, adoptou os seguintes acordos:
 
Procedementos de control e impulso
 
Proposicións non de lei en Comisión

Aprobación sen modificacións
 
- 39551 (10/PNC-003178)
Grupo Parlamentario Popular de Galicia
Prado del Río, Paula e 7 máis
Sobre as actuacións que debe levar a cabo o Goberno galego para dinamizar a participación da sociedade nas tarefas de protección civil
BOPG n.º 380, do 06.11.2018
 
Sométese a votación e resulta aprobada sen modificacións por: 9 votos a favor, 0 votos en contra e 3 abstencións.
 
O texto aprobado é o seguinte:
 
"O Parlamento de Galicia insta a Xunta de Galicia a dinamizar a participación da sociedade en tarefas de protección civil a través de campañas de promoción do voluntariado, de captación de novos membros e da promoción do recoñecemento social e institucional do labor deste persoal voluntario."
 
Aprobación por unanimidade con modificacións
 
- 40066 (10/PNC-003227)
Grupo Parlamentario do Bloque Nacionalista Galego
Bará Torres, Xosé Luís e 5 máis
Sobre a demanda que debe realizar o Goberno galego ao Goberno central en relación co acordo parlamentario do ano 2008 referido á transferencia a Galicia das competencias en materia de tráfico, circulación de vehículos e seguridade cidadá, así como a actuación que debe levar a cabo para posibilitarlle ao Corpo de Policía de Galicia a asunción das funcións reflectidas no artigo 15 da Lei 8/2008
BOPG n.º 386, do 21.11.2018
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes, con dereito a voto.
 
O texto aprobado é o seguinte:
 
"O Parlamento de Galicia insta a Xunta de Galicia a demandar do Goberno do Estado a convocatoria da Comisión Mixta de transferencias, co obxecto de levar adiante todas aquelas transferencias xa reclamadas, así como aquelas novas que o Goberno galego consideren convenientes contemplando todas aquelas que xa foron transferidas ou se están negociando con outras Comunidades Autónomas."
 
-  41578 (10/PNC-003386)
Grupo Parlamentario de En Marea
Rodríguez Estévez, David e 2 máis
Sobre as demandas que debe realizar o Goberno galego ao Ministerio de Fomento para a cesión ao Concello de Vilar de Barrio e para a rehabilitación como centro residencial de maiores de catro vivendas e unha parcela anexa pertencentes ao Adif, situadas no lugar de Barrán
BOPG n.º 400, do 18.12.2018
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes, con dereito a voto.
 
O texto aprobado é o seguinte:
 
"O Parlamento galego insta a Xunta de Galicia, con relación ás catro vivendas e parcela anexa propiedade de ADIF (sitas no lugar de Barrán, no concello de Vilar de Barrio, en Ourense), a estudar, xunto co concello, a petición da súa posible cesión co fin de:
 
1) Axudar á rehabilitación como centro residencia de maiores, mediante a creación dunha partida específica, das catro vivendas.
 
2) Executar as obras necesarias de xeito coopertativo e interadministracións, no ámbito das súas competencias entre o Ministerio de Fomento, Xunta de Galicia e Concello de Vilar de Barrio.
 
3) Aproveitar a parcela como zona de ocio/zona verde tanto para as persoas residentes no futuro centro como espazo de interacción coa xente da vila".
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-23T16:08:00Z 2019-01-23T16:09:00Z http://www.parlamentodegalicia.gal/Actualidade/2829/
Acordos da Comisión 7ª Agriculta, Alimentación, Gandería e Montes celebrada o día 22-01-2019

A  Comisión 7ª, Agricultura, Alimentación, Gandaría e Montes, na súa sesión do 22 de xaneiro de 2019, adoptou os seguintes acordos:
 
Procedementos de control e impulso
 
Proposicións non de lei en Comisión
 
Aprobación sen modificacións

 
- 40195 (10/PNC-003245)
Grupo Parlamentario Popular de Galicia
Blanco Paradelo, Moisés e 6 máis
Sobre as actuacións que debe levar a cabo a Xunta de Galicia respecto dos trámites administrativos que teñen que realizar os concellos en relación coa limpeza e conservación das fincas e faixas de protección dos núcleos de poboación, así como os traballos técnicos de redacción e elaboración dos planos que delimitarán esas faixas de protección
BOPG n.º 386, do 21.11.2018
 
Sométese a votación e resulta aprobada sen modificacións por 9 votos a favor, 0 votos en contra e 3 abstencións.
 
O texto aprobado é o seguinte:
 
"O Parlamento de Galicia insta a Xunta de Galicia a:
 
1.- Impulsar os mecanismos necesarios para que os concellos de Galicia, especialmente os máis pequenos, poidan realizar axeitadamente todos os trámites administrativos que teñen que ver coa limpeza e conservación tanto das fincas como das faixas de protección.
 
2.-Colaborar cos concellos galegos nos traballos técnicos de redacción e elaboración dos planos que delimitarán as faixas de protección nos diferentes núcleos de poboación."
 
Aprobación por unanimidade con modificacións
 
- 41682 (10/PNC-003396)
Grupo Parlamentario do Bloque Nacionalista Galego
Rivas Cruz, José Luis e 5 máis
Sobre as demandas que debe realizar o Goberno galego ao Goberno central en relación coa etiquetaxe do mel
BOPG n.º 400, do 18.12.2018
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento galego insta a Xunta a trasladar ao Goberno do Estado o seguinte:
 
-Na etiquetaxe do mel indicaranse de forma obrigatoria o país de orixe do produto e as porcentaxes de mestura, no caso de que proceda de varios países.
 
-Indicarase tamén se se trata dun mel sometido a un proceso de quecemento por riba dos 45ºC."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-22T14:19:00Z 2019-01-22T14:19:00Z http://www.parlamentodegalicia.gal/Actualidade/2828/
Convocatoria do Pleno do Parlamento de Galicia previsto para o 29 de xaneiro de 2019

A Presidencia, de conformidade co disposto no artigo 53 do Regulamento do Parlamento, resolveu convocar o Pleno do Parlamento para realizar unha sesión o próximo día 29 de xaneiro de 2019, ás 10:00 horas, no pazo do Parlamento.
De acordo coa Xunta de Portavoces e a Mesa, na reunión do día 22 de xaneiro de 2019, a orde do día da sesión é a seguinte:
 
Punto 1. Texto lexislativo
 
 Debate de toma en consideración da Proposición de lei para a súa elevación ao Congreso dos Deputados, do Grupo Parlamentario do Bloque Nacionalista Galego, para garantir que a produción eléctrica cumpra unha función social no desenvolvemento económico e na creación de emprego e riqueza en Galicia. (doc. núm. 39449, 10/PPLC-000011)
 Publicación da iniciativa, BOPG n.º 378, do 31.10.2018
 
Punto 2. Comparecencias

 
 
2.1 44220 (10/CPP-000090)
 Do Sr. conselleiro de Facenda, por petición propia, para informar do acordo de concertación do Emprego Público de Galicia asinado coas organizacións sindicais CC.OO e U.G.T.
 
2.2 37712 (10/CPP-000078)
 Da Sra. conselleira de Educación, Universidade e Formación Profesional, por petición propia, para informar das liñas xerais de actuación do seu departamento
 Publicación da iniciativa, BOPG n.º 365, do 03.10.2018
 
Punto 3. Mocións
 
3.1 41993 (10/MOC-000121)
 Grupo Parlamentario de En Marea
 Casal Vidal, Francisco
 Sobre a política do Goberno galego en relación coa información aos consumidores respecto das tarifas eléctricas (Moción consecuencia da interpelación nº 39120, publicada no BOPG núm. 375, do 24.10.2018 e debatida na sesión plenaria do 18.12.2018)
 Publicación da iniciativa, BOPG n.º 405, do 03.01.2019
 
3.2 42005 (10/MOC-000122)
 Grupo Parlamentario dos Socialistas de Galicia
 Díaz Villoslada, Juan Manuel
 Sobre as actuacións que debe levar a cabo o Goberno galego para desenvolver, durante 2019, un plan de mellora da profesionalización dos servizos de emerxencias e protección civil de Galicia (moción consecuencia da interpelación nº 40773, publicada no BOPG nº 390, do 28.11.2018, debatida no Pleno o 18 de decembro de 2018)
 Publicación da iniciativa, BOPG n.º 405, do 03.01.2019
 
Punto 4. Proposicións non de lei
 
4.1 28375 (10/PNP-002048)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre a dotación polo Goberno galego dos recursos humanos e materiais necesarios ao Servizo de Urxencias do Complexo Hospitalario Universitario de Santiago de Compostela
 Publicación da iniciativa, BOPG n.º 284, do 27.03.2018
 
4.2 34672 (10/PNP-002600)
 Grupo Parlamentario Popular de Galicia
 Prado del Río, Paula e 8 máis
 Sobre as actuacións que debe realizar a Xunta de Galicia para favorecer o esclarecemento do accidente ocorrido no marco do festival "O Marisquiño", na cidade de Vigo
 Publicación da iniciativa, BOPG n.º 349, do 31.08.2018
 
4.3 39106 (10/PNP-002909)
 Grupo Parlamentario de En Marea
 Rodríguez Estévez, David e 2 máis
 Sobre as actuacións que debe levar a cabo o Goberno galego en relación coa solicitude de aprobación da modificación puntual do planeamento urbanístico na parroquia de Tameiga, no concello de Mos, para a execución dun proxecto deportivo e comercial
 Publicación da iniciativa, BOPG n.º 375, do 24.10.2018
 
4.4 40194 (10/PNP-003014)
 Grupo Parlamentario de En Marea
 Miranda Pena, Flora María e 3 máis
 Sobre as actuacións que debe levar a cabo o Goberno galego para dignificar a Atención Primaria da saúde e as súas profesionais
 Publicación da iniciativa, BOPG n.º 386, do 21.11.2018
 
4.5 42137 (10/PNP-003182)
 Grupo Parlamentario do Bloque Nacionalista Galego
 Pontón Mondelo, Ana Belén e 5 máis
 Sobre as medidas necesarias para salvagardar o Centro Galego de Buenos Aires
 Publicación da iniciativa, BOPG n.º 410, do 14.01.2019
 
4.6 42380 (10/PNP-003192)
 Grupo Parlamentario dos Socialistas de Galicia
 Torrado Quintela, Julio e Blanco Rodríguez, Noela
 Sobre o deseño e a implantación por parte da Xunta de Galicia dun plan extraordinario de recursos humanos para a atención primaria 2019-2020 no Sistema Galego Público de Saúde
 Publicación da iniciativa, BOPG n.º 410, do 14.01.2019
 
4.7 42624 (10/PNP-003201)
 Grupo Parlamentario dos Socialistas de Galicia
 Otero Rodríguez, Patricia e 4 máis
 Sobre o impulso pola Xunta de Galicia de iniciativas que axuden a retomar a negociación do V Convenio Colectivo Marco do Grupo ENDESA
 Publicación da iniciativa, BOPG n.º 414, do 18.01.2019
 
4.8 43429 (10/PNP-003246)
 Grupo Parlamentario Popular de Galicia
 Tellado Filgueira, Miguel Ángel e 10 máis
 Sobre o apoio do Parlamento de Galicia á Xunta de Galicia na súa petición ao Goberno de España dunha resposta inmediata á proposta de establecemento dun marco eléctrico estable e un prezo eléctrico competitivo ás empresas electrointensivas
 Publicación da iniciativa pola vía de urxencia, BOPG n.º 414, do 18.01.2019
 
Punto 5. Interpelacións
 
5.1 35663 (10/INT-001186)
 Grupo Parlamentario dos Socialistas de Galicia
 Vilán Lorenzo, Patricia e 2 máis
 Sobre a política do Goberno galego en relación co cumprimento da Lei 4/2017, do 3 de outubro, de protección e benestar dos animais de compañía
 Publicación da iniciativa, BOPG n.º 354, do 12.09.2018
 
5.2 39868 (10/INT-001316)
 Grupo Parlamentario dos Socialistas de Galicia
 Pierres López, María Luisa e 4 máis
 Sobre a política do Goberno galego en materia de violencia de xénero
 Publicación da iniciativa, BOPG n.º 383, do 14.11.2018
 
5.3 40247 (10/INT-001337)
 Grupo Parlamentario de En Marea
 Solla Fernández, Eva
 Sobre a política do Goberno galego para evitar as situacións de saturación nos servizos de urxencias dos hospitais do Sergas
 Publicación da iniciativa, BOPG n.º 386, do 21.11.2018
 
5.4 43058 (10/INT-001425)
 Grupo Parlamentario de En Marea
 Villares Naveira, Luis e Santos Queiruga, Carmen
 Sobre a política do Goberno galego en materia de negociación de acordos con organizacións que cuestionan o autogoberno, os dereitos humanos e os principios fundamentais da convivencia
 Publicación da iniciativa, BOPG n.º 414, do 18.01.2019
 
Punto 6. Preguntas para resposta oral do Presidente da Xunta
 
6.1 44231 (10/POPX-000124)
 Grupo Parlamentario do Bloque Nacionalista Galego
 Pontón Mondelo, Ana Belén
 Sobre as previsións do Goberno galego para a rectificación da súa política sanitaria de recortes e privatizacións
 
6.2 44232 (10/POPX-000125)
 Grupo Parlamentario dos Socialistas de Galicia
 Fernández Leiceaga, Xoaquín María
 Sobre as intencións do Goberno galego respecto da rectificación en profundidade da súa política sanitaria dos últimos anos
 
6.3 44233 (10/POPX-000126)
 Grupo Parlamentario de En Marea
 Villares Naveira, Luis
 Sobre os recortes nos dereitos da cidadanía
 
Punto 7. Preguntas ao Goberno

 
7.1 44211 (10/PUP-000214)
 Grupo Parlamentario Popular de Galicia
 Fernández Gil, César Manuel e 7 máis
 Sobre a valoración do Goberno galego respecto dos orzamentos xerais do Estado para o ano 2019 presentados polo Goberno central
 
7.2 42998 (10/POP-005086)
 Grupo Parlamentario de En Marea
 Sánchez García, Antón e 2 máis
 Sobre as intencións do Goberno galego en relación coa modificación da Lei 8/2012, do 29 de xuño, de vivenda de Galicia, co fin de regular o concepto de vivenda baleira para efectos do recargo no cobro do IBI e o establecemento do dereito de tanteo e retracto
 Publicación da iniciativa, BOPG n.º 414, do 18.01.2019
 
7.3 42261 (10/POP-004928)
 Grupo Parlamentario Popular de Galicia
 Tellado Filgueira, Miguel Ángel e 6 máis
 Sobre a valoración que fai o Goberno galego sobre o investimento de 218 millóns de euros anunciado por Endesa na central das Pontes de García Rodríguez
 Publicación da iniciativa, BOPG n.º 410, do 14.01.2019
 
7.4 42357 (10/POP-004958)
 Grupo Parlamentario do Bloque Nacionalista Galego
 Presas Bergantiños, Noa e 5 máis
 Sobre a posición do Goberno galego diante do Estado e da Unión Europea ao respecto da transición enerxética
 Publicación da iniciativa, BOPG n.º 410, do 14.01.2019
 
7.5 44219 (10/PUP-000211)
 Grupo Parlamentario de En Marea
 Villares Naveira, Luis e 13 máis
 Sobre as actuacións que vai desenvolver a Xunta de Galicia para evitar a parada dos fornos na empresa Ferroatlántica e as súas consecuencias
 
7.6 42295 (10/POP-004938)
 Grupo Parlamentario dos Socialistas de Galicia
 Díaz Villoslada, Juan Manuel e 3 máis
 Sobre a valoración que fai a Xunta de Galicia acerca do proxecto do novo polo tecnolóxico da Coruña Cidade das TIC, impulsado pola Universidade da Coruña en colaboración co Clúster TIC Galicia
 Publicación da iniciativa, BOPG n.º 410, do 14.01.2019
 
7.7 42815 (10/POP-005045)
 Grupo Parlamentario de En Marea
 Solla Fernández, Eva
 Sobre o modelo de xestión do Servizo de transporte sanitario urxente terrestre en Galicia
 Publicación da iniciativa, BOPG n.º 414, do 18.01.2019
 
7.8 44212 (10/PUP-000213)
 Grupo Parlamentario dos Socialistas de Galicia
 Toja Suárez, María Dolores e Otero Rodríguez, Patricia
 Sobre as medidas concretas que vai levar a cabo o Goberno galego para dotar de seguridade o porto de Malpica
 
 

7.9 44213 (10/PUP-000212)
 Grupo Parlamentario do Bloque Nacionalista Galego
 Prado Cores, María Montserrat e 5 máis
 Sobre as medidas que vai adoptar a Consellería do Mar para mellorar a seguridade nas costas, así nos portos como o de Malpica
 
Os grupos parlamentarios poderán presentar emendas ás mocións e ás proposicións non de lei ata seis horas antes do inicio da sesión, ao abeiro do disposto no artigo 161.2 do Regulamento.
 
O que lle comunico para o seu coñecemento e a súa convocatoria á devandita reunión.
 
Santiago de Compostela, 22 de xaneiro de 2019
 
Miguel Ángel Santalices Vieira
Presidente

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-22T14:12:00Z 2019-01-22T14:21:00Z http://www.parlamentodegalicia.gal/Actualidade/2827/
Acordos da Comisión 6ª, Industria, Enerxía, Comercio e Turismo, celebrada o 21-01-2019


A Comisión 6ª, Industria, Enerxía, Comercio e Turismo, na súa sesión do 21 de xaneiro de 2019, adoptou os seguintes acordos:
 
Procedementos de control e impulso

Proposicións non de lei en Comisión
 
Aprobación con modificacións
 
- 39639 (10/PNC-003184)
Grupo Parlamentario de En Marea
Casal Vidal, Francisco e Sánchez García, Antón
Sobre as actuacións que debe levar a cabo o Goberno galego e as demandas que debe realizar ao Goberno central en relación coas intencións de Alcoa de pechar as súas factorías da Coruña e de Avilés
BOPG n.º 383, do 14.11.2018
 
Sométese a votación por puntos a transacción coa emenda do G.P. Popular de Galicia (doc. núm. 44134) e a autoemenda do G.P. de En Marea (doc. núm. 43969) e resulta aprobada con modificacións respecto do texto orixinal.
 
O texto aprobado é o seguinte:
 
O Parlamento galego insta ao Goberno do Estado a que, en colaboración coa Xunta de Galicia, o Goberno do Principado de Asturias e os sindicatos asinantes do Acordo entre os representantes legais dos traballadores a Alcoa, realicen os esforzos necesarios para levar a cabo as seguintes actuacións:
 
- Buscar, identificar e captar investidores industriais que engadan valor e poidan iniciar a súa actividade nas instalacións existentes en A Coruña e Avilés antes do 30 de xuño de 2019. Para iso, activarán tamén os instrumentos públicos de apoio ao investimento e de acompañamento ao investidor.
 
- Promover medidas de política industrial que contribúan ao mantemento das capacidades industriais e laborais en ambas zonas en pro dun desenvolvemento económico sostible.
 
- Que estas actuación teñan como obxectivo principal garantir a continuidade do emprego en ambas plantas, así como o seu impacto indirecto.
 
- Desenvolver, neste mesmo período de tempo, o Real Decreto Lei 20/2018, de 7 de decembro, para garantir un marco enerxético estable, predicible e competitivo para a industria electrointensiva.
 
- Instar aos Ministerio de Industria e Transición Ecolóxica a preparar e establecer, no período de 5 meses, unha nova regulación enerxética (Estatuto das empresas electrointensivas) similar a de outros países europeos, que faga viables esta o outras industrias electrointensivas.
 
- Instar aos Ministerio de Industria e Transición Ecolóxica a execución inmediata e completa da partida orzamentaria de 2018 de 150 M, xa convocada, para mellorar a viabilidade da industria electrointensiva. Do mesmo xeito modificar a partida orzamentaria dos Orzamentos do Estado de 2019 23 425A 471 do Ministerio para a Transición Ecolóxica, mantendo como mínimo  o mesmo orzamento de 150 M que no ano 2018."

Aprobación por unanimidade con modificacións
 
- 39516 (10/PNC-003171)
Grupo Parlamentario do Bloque Nacionalista Galego
Presas Bergantiños, Noa e 5 máis
Sobre a actuación que debe levar a cabo o Goberno galego e as demandas que debe realizar ao Goberno central en relación coas condicións de acceso de Galicia aos recursos económicos dispoñibles para as comarcas mineiras do Estado e a súa inclusión no novo marco para unha transición xusta e un desenvolvemento sustentable desas comarcas, así como as achegas do Plan do carbón 2006-2012 que lles corresponden ás bisbarras das Pontes e de Cerceda
BOPG n.º 380, do 06.11.2018
 
Sométese a votación por puntos e resulta aprobada con modificacións respecto do texto orixial pola unanimidade  dos 12 deputados e deputadas presentes
 
O texto aprobado é o seguinte:
 
"O Parlamento galego acorda instar a Xunta de Galiza a cooperar cos municipios e axentes sociais implicados e dirixirse ao goberno central demandando:
 
1. A inclusión de Galiza no ámbito xeográfico enunciado no artigo 4.1 do Real Decreto 675/2014 en condicións de igualdade de acceso para os recursos dispoñíbeis para as comarcas mineiras do Estado.
 
2. Incluír a Galiza en condicións de igualdade no novo acordo marco para una transición xusta da minaría do carbón e o desenvolvemento sostíbel para as comarcas mineiras para o período 2019-2027."
 

- 39973 (10/PNC-003217)
Grupo Parlamentario de En Marea
Casal Vidal, Francisco
Sobre as actuacións que debe levar a cabo o Goberno galego e a demanda que debe realizar ao Ministerio de Industria e Turismo en relación coa situación na que se atopa a empresa Isowat Made, do grupo Invertaresa, asentada no polígono de Agrela, na Coruña
BOPG n.º 383, do 14.11.2018
 
Sométese a votación a transacción coa emenda do G.P. Popular de Galicia (doc. núm. 44136) e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento insta a Xunta de Galicia a:
1.- Seguir coas actuacións que leva a cabo desde o comezo da situación complexa que atravesa Isowat Made na cidade da Coruña encamiñadas a busca de solución viablbes que faciliten o mantemento dos postos de traballo asociados e dean continuidade ás achegas tecnolóxicas que fai a empresa.
 
2.- Instar ao Ministerio de Industria e Turismo para que colabore nas iniciativas necesarias para dar solución á situación da empresa.
 
3.- Solicitar ao administrador concursal a segregación da actual Isowat Made en dúas compañías diferenciadas, Isowat e Made, para buscar solución independentes para cada una delas.
 
4.- Desenvolver as actuacións necesarias para atopar un inversor ou posible comprador que posibilite un novo futuro á compañía. Contemplando as posibles garantías financeiras ou outras iniciativas financeiras entre as que dispoñe o IGAPE."
 

- 40008 (10/PNC-003221)
Grupo Parlamentario dos Socialistas de Galicia
Losada Álvarez, Abel Fermín e 3 máis
Sobre as actuacións que debe levar a cabo a Xunta de Galicia para minimizar o impacto que vai ter o "Brexit" para as empresas galegas, nomeadamente para as pemes
BOPG n.º 386, do 21.11.2018
 
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
 
O texto aprobado é o seguinte:
 
"O Parlamento galego insta a Xunta de Galicia a:
1. Poñer en marcha un diagnóstico transversal, centrado sobre todo nas Pemes, e que abranga os ámbitos financeiros, laboráis e de innovación, sobre os impactos que o "Brexit" terá na actividade empresarial de Galicia.
 
2. Desenvolver una campaña informativa sobre as consecuencias da saída do Reino Unido dirixida especialmente as Pemes, onde se informará sobre medidas e plans de continxencia dependendo do sector ao que pertenzan.
 
3. Establecer liñas específicas de colaboración co gobernó de España a hora de desenvolver estas iniciativas."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-21T14:27:00Z 2019-01-21T16:55:00Z http://www.parlamentodegalicia.gal/Actualidade/2826/
Santalices destaca o seu interese en abrir o Parlamento á xente

 
 
• O presidente do Parlamento de Galicia participou como convidado no Foro La Región, onde foi presentado polo presidente da Deputación de Ourense, José Manuel Baltar

Santiago, 17 de xaneiro de 2019.- O presidente do Parlamento de Galicia, Miguel Ángel Santalices Vieira, participou esta tarde, como convidado, no Foro La Región, en Ourense, onde explicou en detalle as funcións e o traballo da institución que dirixe, así como os cambios operados ao longo das preto de catro décadas de vida da Cámara e aos retos aos que se enfronta. Foi presentado polo presidente da Deputación Provincial de Ourense, José  Manuel Baltar.
 
Santalices subliñou o seu especial empeño en abrir o Parlamento á xente, e tamén que o Parlamento se acerque á xente. Explicou que o Parlamento de Galicia é a primeira Cámara autonómica con sede electrónica propia, o que reforza as posibilidades de participación cidadá e completa a dixitalización de procedementos como a licitación ou a factura electrónica.

 
Saúdos, Gabinete de Comunicación.
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-18T12:07:00Z 2019-01-18T12:09:00Z http://www.parlamentodegalicia.gal/Actualidade/2825/
Acordo da Comisión 5ª, Sanidade, Política Social e Emprego, celebrada o 16-01-2018

A  Comisión 5ª, Sanidade, Política Social e Emprego, na súa sesión do 16 de xaneiro de 2019, adoptou os seguintes acordos:
 
Procedementos de control e impulso
 
Proposicións non de lei en Comisión
 
Aprobación por unanimidade sen modificacións
 
- 41224 (10/PNC-003351)
Grupo Parlamentario dos Socialistas de Galicia
Blanco Rodríguez, Noela e 2 máis
Sobre as actuacións que debe levar a cabo o Goberno galego en relación co proxecto de construción do centro de atención para persoas con diversidade funcional maiores de 21 anos de Ourense
BOPG n.º 397, do 13.12.2018
 
Sométese a votación e resulta aprobada sen modificacións pola unanimidade dos 12 deputados e deputadas presentes.
O texto aprobado é o seguinte:
 
"1.  Licitar a obra do centro de atención para persoas con diversidade funcional de Ourense para maiores de 21 anos antes de maio do ano 2019, así como que estean listos os pregos que rexerán o procedemento de adxudicación da mesma e o seu equipamento.
2. Comprometerse firmemente para que o CAPD de Ourense estea a pleno rendemento no ano 2020.
3. Adoptar de maneira urxente todas as medidas precisas para solventar, mentres o CAPD  de Ourense non estea a pleno rendemento, a falla de prazas públicas para persoas con discapacidade en Ourense."

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2019-01-16T19:30:00Z 2019-01-16T19:32:00Z http://www.parlamentodegalicia.gal/Actualidade/2824/
Santalices anima a “coidar e a impulsar” os avances sociais e o estado de benestar xurdido ao amparo da Constitución española que celebra o seu 40 aniversario

 
• O presidente do Parlamento de Galicia exerceu como delegado rexio na tradicional Ofrenda da Translación presentada na Catedral de Santiago de Compostela
 
• Enxalza a honestidade, a concordia, a busca de espazos de encontro e ou o ilimitado acatamento da lei que caracterizaron aos ponentes constitucionais e a transición democrática e apunta que “todas ou case todas as crises presentes ou recentes terían sido menos intensas se tales principios non tivesen sido relativizados ou, en ocasións, directamente ignorados”
 
• Chama a atención sobre a “ameaza perigosa” das pseudociencias que “poñen en risco avances que custou décadas materializar”
 
• Anima a seguir o exemplo dos Camiños de Santiago como ámbito de “interculturalidade e relación harmoniosa” para superar “o odio e a incomprensión que envelenan tantos espazos de convivencia”

Santiago, 30 de decembro de 2018.- O presidente do Parlamento de Galicia, Miguel Ángel Santalices Vieira, exerceu hoxe como delegado rexio na Ofrenda da Translación que cada 30 de decembro se celebra na Catedral de Santiago de Compostela.
 
Na súa invocación, Santalices Vieira fixo memoria das catro décadas transcorridas desde a aprobación da vixente Constitución española que trouxo consigo avances sociais e un estado de benestar “que estamos obrigados a coidar e a impulsar na medida das nosas diferentes posibilidades”.
 
Santalices desexou que “a prudencia e o acerto” acompañen ao Rei Felipe VI “ao servizo de España e do ben común, sempre no marco da vixente Carta Magna”.
 
Referíndose ao aniversario da Constitución, o presidente do Parlamento de Galicia  falou de “catro décadas de luces, apenas empañadas por algunhas sombras”.
 
Superar problemas históricos
 
Nun discurso bilingüe, o oferente recordou que “a Constitución do 78 resolveu boa parte dos problemas históricos que aquela España viña arrastrando, aínda que persistan outros como as dificultades económicas relacionadas coa última crise, o distanciamento fronte ás institucións e, sobre todo, o desafío secesionista, un quebrantamento democrático que sitúa ao noso país ante o maior reto das últimas décadas”.
 
Apelou o delegado rexio a cualidades como a honestidade, a solidariedade, a concordia, a empatía, a busca de espazos de encontro ou o ilimitado acatamento á lei, que caracterizaron o comportamento dos ponentes constitucionais e das persoas artífices da transición á democracia. “Todas ou case todas as crises presentes ou recentes terían sido menos intensas se tales principios non tivesen sido relativizados ou, en ocasións, directamente ignorados”, dixo.
 
A xuízo do presidente do Parlamento de Galicia, “España cambiou moito, e para mellor, nestas catro décadas”. 
 
Produciuse un cambio de paradigma migratorio, convertendo ao país  nun “destino cobizado pola inmigración”.  Animou a ollar a inmigración como un fenómeno beneficioso no actual escenario de intensa crise demográfica, “pero inmigración ordenada –puntualizou-, que busque a integración e respecte a integridade territorial, o ordenamento xurídico e os dereitos e liberdades dos territorios de acollida”.
O delegado rexio recordou que os avances sociais van parellos a “novidades científicas antano inimaxinables”. Referiuse á anunciada creación de seres humanos modificados xeneticamente, ”rexeitada de plano pola comunidade científica que, afortunadamente, se rexe por sólidos principios éticos, que deben tutelar calquera innovación neste e outros campos fronteirizos”.
 
A ameaza das pseudociencias
 
Destacou  que avances científicos como os rexistrados no ámbito da inmunoloxía e a inmunoterapia “ofrecen á humanidade un vasto campo de aplicacións e teñen salvado, grazas ás vacinas, millóns de vidas en todo o mundo”.  Por iso, e fronte a esta realidade, “as pseudociencias supoñen unha ameaza perigosa para a saúde pública e poñen en risco avances que custou décadas materializar”.
 
Recordou neste sentido, o papel da galega Isabel Zendal, primeira enfermeira da historia en misión internacional e figura clave para o éxito da Expedición Filantrópica da Vacina que a comezos do século XIX estendeu a vacina contra a varíola en América e a mesmo a introduciu en Asia.
 
O exemplo do Camiño de Santiago
 
“Que o exemplo dos Camiños de Santiago, como espazos de interculturalidade e de relación harmoniosa entre persoas de diferentes sensibilidades, axude o mundo actual a atopar puntos de encontro, superar a indiferenza coa que ollamos o sufrimento do terceiro mundo e que o odio e a incomprensión que envelenan tantos espazos de convivencia abran paso a novos escenarios de diálogo, acercamento e mestizaxe, na procura do proveito mutuo”, afirmou o oferente.
 
Na invocación, Santalices lamentou a lacra da violencia no ámbito familiar e contra as mulleres, ao tempo que fixo referencia a outras dificultades como o desemprego, a desilusión ou os problemas  económicos. Avogou por edificar unha sociedade “máis solidaria e honesta, sempre predisposta na defensa da dignidade das persoas”.
 
Para a mocidade, o delegado rexio reclamou “as oportunidades económicas e profesionais que merece  para desenvolver o seu proxecto vital desde o que sentar as bases dun mundo mellor”.
 
O presidente do Parlamento lembrou tamén ás “persoas enfermas, as que padecen o azoute das adiccións ou as que atravesan transos amargos nas súas vidas”. Lembrou, “con especial afecto”, ás familias dos mariñeiros dos barcos afundidos recentemente fronte á  costa galega.  Desexou “que nunca falte unha man amiga, unha palabra de ánimo nin un sorriso agarimoso”.
 
Para o vindeiro Xacobeo 2021, o oferente fixo votos para que os traballos preparatorios deste acontecemento “conduzan a unha celebración proveitosa na que, como sucedeu ao longo da historia, todas as inquedanzas –relixiosas e laicas, culturais ou de simple lecer- teñan acubillo, desde a seguridade de que a peregrinación enriquece a todos no máis profundo do seu ser”.
 
Santalices Vieira rematou a súa invocación cun extracto do final do discurso Alba de Gloria, pronunciado por Castelao en Buenos Aires o 25 de xullo de 1948: “Que a fogueira do esprito siga quentando as vosas vidas e que a fogueira do lume nunca deixe de quentar os vosos fogares”.
 

Saúdos, Gabinete de Comunicación.
 
 

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2018-12-30T13:57:00Z 2018-12-30T15:15:00Z http://www.parlamentodegalicia.gal/Actualidade/2823/
O presidente do Parlamento exercerá como delegado rexio na Ofrenda da Translación

 
Santiago, 27 de decembro de 2018.- O presidente do Parlamento de Galicia, Miguel Ángel Santalices Vieira, exercerá como delegado rexio na tradicional Ofrenda da Translación que se celebra o 30 de decembro de cada ano na Catedral de Santiago de Compostela.
 
Santalices Vieira declárase “honrado e agradecido” ao Rei Felipe VI  por delegar na súa persoa a presentación desta ofrenda, que mantén viva unha tradición instaurada por Felipe IV no ano 1646.
 

Saúdos, Gabinete de Comunicación.

Imaxe da Noticia:

Parlamento de Galicia http://www.parlamentodegalicia.gal/ webmaster@parlamentodegalicia.gal 2018-12-27T14:33:00Z 2018-12-27T14:33:00Z http://www.parlamentodegalicia.gal/Actualidade/2822/