Carmen María Pomar Tojo

Nacemento: Santiago de Compostela - 1970

Grupo Parlamentario Popular de Galicia

A Coruña

Biografía:

Licenciada en Psicoloxía pola Universidade de Santiago, premio extraordinario fin de carreira e premio extraordinario de traballo de licenciatura. Doutora en Psicoloxía no Departamento de Psicoloxía Evolutiva e da Educación.

Deputada no Parlamento de Galicia na XI lexislatura. Foi presidenta da Comisión de Ordenación Territorial, Obras Públicas, Medio Ambiente e Servizos e voceira na Comisión da CRTVG. Foi conselleira de Educación, Universidade e Formación Profesional da Xunta de Galicia desde 2018 a 2020.

Directora da Unidade de Atención Educativa en Altas Capacidades da USC desde 2009 e directora de proxectos de atención educativa no campo da optimización do talento. Tamén é autora da guía O triángulo máxico das altas capacidades para o profesorado galego, así como de capítulos de libro e artigos sobre intelixencia, motivación e altas capacidades.

Profesora en másteres sobre educación, familia e necesidades educativas especiais nas universidades de Santiago e Vigo. Profesora do máster de Psicoloxía Educativa na USC e do curso de especialista en Educación Emocional da Facultade de Ciencias da Educación. Profesora en cursos e seminarios sobre altas capacidades, intelixencia, motivación e creatividade.

Foi bolseira posdoutoral na Universidade de Virxinia (Estados Unidos), profesora da Universidade da Rioxa e, desde 2003, profesora no Departamento de Psicoloxía Evolutiva e da Educación da USC, onde exerceu a súa docencia nas faculta des de Ciencias da Educación e de Psicoloxía.