Miguel Fidalgo Iglesias

Nacemento: Vigo - 1971

Grupo Parlamentario Popular de Galicia

Biografía:

É licenciado, pola Universidade de Vigo, en Ciencias Empresariais (especialidade en Financiamento) e en Ciencias Económicas (especialidade en Economía Pública). Máster en Dirección Comercial e Márketing (Ieside).

Traballou no Instituto Español de Comercio Exterior (Icex), nas embaixadas de España en Chile e Portugal e no IGAPE desde o ano 2000. Foi responsable das oficinas do Instituto Galego de Promoción Económica (IGAPE) nas provincias de Pontevedra e Ourense ata que ten lugar a súa toma de posesión como deputado.

Foi senador nas XI, XII e XIII lexislaturas (portavoz de Pesca de 2015 a 2019). Foi concelleiro en Vigo de 2007 a 2019.

Está afiliado ao Partido Popular desde 1983. É membro do Comité Executivo do PPdeG e presidente da Comisión de Comercio e Turismo do PP de Vigo.