Parlamento de Galicia
Parlamento de Galicia
As proposicións non de lei aprobadas polo Pleno do Parlamento de Galicia son:
4.3 60331 (11/PNP-004863)
Grupo Parlamentario Popular de Galicia
Díaz Mouteira, María Sol e 6 máis
Sobre as actuacións que a Xunta de Galicia debe demandar ao Goberno central relativas ás novas exixencias de inclusión no réxime da Seguridade Social do alumnado de FP e universitario durante os períodos de prácticas en empresas
Publicación da iniciativa, BOPG n.º 570, do 27.09.2023
O texto aprobado é o seguinte:
“O Parlamento de Galicia insta á Xunta a que reitere ao Goberno de España ás peticións de que escoite ás partes implicadas e de que faga axustes na medida de cotizacións á Seguridade Social para o alumando de FP e universidades que realice prácticas en empresas considerando a necesidade de:
1.- Que se adíe un ano a posta en marcha da medida para facilitar a súa implantación.
2.- Que se bonifique o 100% das cotizacións.
3.- E que se habilite un sistema informático sinxelo e áxil para a xestión das altas e baixas do alumnado e que non recaia nos centros".
4.6 61463 (11/PNP-004972)
Grupo Parlamentario Popular de Galicia
Balseiro Orol, José Manuel e 13 máis
Sobre as actuacións que o Goberno galego debe demandar ao Goberno central en relación co estado de conservación da A-6
Publicación da iniciativa polo procedemento de urxencia, BOPG n.º 585, do 25.10.2023
O texto aprobado é o seguinte:
“O Parlamento de Galicia insta á Xunta de Galicia a dirixirse ao Goberno de España co obxecto de que:
1.- Acometa con urxencia un plan extraordinario de conservación integral da A-6, tanto no que respecta á calzada como ás pontes e noiros existentes en todo o trazado, que claramente adoecen dunha falla de mantemento.
2.- Estableza un cronograma específico para o remate das obras de reconstrución que se están a acometer nos dous viadutos do Castro co fin de restablecer o antes posible a circulación polos cinco carrís existentes neste punto da Autovía do Noroeste e traslade información concreta sobre o mesmo.
3.- Informe puntualmente aos concellos afectados e ao Goberno galego das decisións que se vaian adoptado sobre esta infraestrutura e do avance das obras que se están a facer, sobre as obras de restablecemento do noiro desprendido hai uns días e sobre as que se programen no futuro para resolver os graves problemas de conservación que presenta".
Saúdos, Gabinete de Comunicación.
